ارشيف الاستراحة 2011

تصور فكرة حلوة ان احنا نبقي دولة لوحدنا و لينا قوانينا الخاصا بنا
واقتصادنا وفكرنا الموحد وكمان كلنا تقريبآ شباب
يعني دولة شبابية 100% مفهاش ولا عجوز
اية رايكم نصمم علم خاص بينا او باعضاء مصر موتورز

[سيف الدين سعيد]

المشاركة الأصلية كتبت بواسطة khaled al sharif خالد محمد الشريف بكالريوس تجارة جامعة عين شمس دفعة 85 وCMA من الجامعة الأمريكية مواليد 1963 وساكن في مدينة العبور وأصلا من مدينة نصر عند النادي الأهلي كده بس بحب الهدؤ وبحب العبور جدا جوها نظيف وهادئة عملي مستشار مالي وإداري من خلال مكتب صغير شركه كده مع أخويا أهو شويه ماشية وشوية بتجري وشوية بترجع لورا ..... هههههها الحمد لله بحب عملي جدا جدا ..... عربيتي الحالية كيا فورتي 2010 عملت بيها 20000 هي مريحة وعزلها كويس وموتور معقول بتظهر قوته في السفريات الطويلة العفشة ناشفه شوية جبت بالعربية 180 كيلو صوتها بيعلي شوية بعد 140 إستهلاكها في البنزين معقول في الطوالي فتيسها معقول بس بحس إن التسارع مش قد كده ومعايا عربية تانية هوندا سيفك 2009 ودي حكاية عيبها الوحيد واطية ومتنفعش في شوارعنا وبخاصة لو كنت بتحمل العربية عندي بنتين وولد كلهم نور عيني وإللي خرجت بيهم من الدنيا بحب النظام جدا وبحب النظافة جدا وبعشق التأمل والطبيعة وبحب أتمشي بعربيتي بالليل أو الصبح بدري الفجر كده وبحب السيارات وكل وما يتعلق بيها بحب الإليكترونيات الحديثة جدا في كل أشكالها بعشق المعرفة بحب المشي بحب السباحة والبحر والصيد ..... بحب الصحبه الامينه الخالصة لوجه الله وبحب اتعرف علي كل الناس ...........كفاية كده

خالد بيك .
واحشنى جدا جدا .
وتشرفت جدا بمعرفة كل البيانات والصفات الجميله اللى حضرتك كتبتها دى . وربنا يبارك لحضرتك فى أبنائك الأعزاء ويفرحك بيهم يارب .
ويكفيك شر طريقك وشر العين . ويبارك لحضرتك فى عربياتك .
واتمنى أشوف حضرتك فى المقابله القادمه يوم 15 / 4 ان شاء الله .

[سيف الدين سعيد]

المشاركة الأصلية كتبت بواسطة tarek elbadry السلام عليكم الاسم طارق البدرى السن 32 مواليد 1978 المهنة مشرف فنى بشركة المقاولون العرب الحالة الاجتماعية متزوج وعندى ثلاث اولاد بنتين وولد مريم مللك مروان امبراطورية ميم العربية فيات ريتمو موديل 82 عجوزة شوية بس اصيلة جدا وبحبها اوى الهويات قبل الجواز كان الكورة بعد الجواز الكمبيوتر

طارق باشا :
أهلا وسهلا بحضرتك . وشرفتنا بالتعرف اليك . وربنا يبارك لحضرتك فى الريتمو . العربيه دى فعلا عربيه ممتازه وأصيله فعلا .

[hananelhosiny]

المحامى الأول ده سيدة فاضلة خالة صديقتى وهى كبيرة لاتستطيع السفر لميت غمر محل أقامة الزوج حاليآ .

مطلوب بقة محامى أتعابه تكون نسبة من المبلغ محل الموضوع وشكرآ

أما كونها تذهب بنفسها فهذا شبه مستحيل لكونها شخصية قلقه ومتوترة ولاتستطيع وحدها حل الموضوع بالسهوله التى تذكرها وخاصة أن الزوج فى الأرياف يعنى كله عارف بعضه هناك ال20 ج مش ال50 ج هتخليه غادر البلاد .

[سيف الدين سعيد]

المشاركة الأصلية كتبت بواسطة bmkbmk أولا كل الشكر للباشا صاحب الموضوع و لجميع الاعضاء المشاركين أخوكم محمد كمال رضوان السن 31 سنة و ماشى فى ال32 مواليد 1979 طنطاوى اصيل و ساكن فى طنطا شارع النادى و بلدى الأصلية - نفيا مركز طنطا خريج كلية الحاسبات و المعلومات جامعة القاهرة سنة 2000 -- اول دفعة متجوز من 4 سنين و عندى بنتين الحمد لله و مطلعين عنيا الاتنين ههههههههه اشتغلت فى مصر سنتين بعد التخرج و سافرت الكويت بعدهم يوم 15-06-2002 تحديدا طبعا نفسى ارجع مصر و الاحساس ده شوية يزيد و شوية ينقص بس هو احساس موجود على طول و مابيفارقنييش العيشة برة مصر بتكسب منها شوية فلوس (قبل الجواز بس) و بتخسر فيها كل حاجة تانية بتخسر اصحابك بالتتابع بحكم ان الدنيا بتاخد الناس من بعضهم .. حتى اهلك بيبقى نفسك تشوفهم و تقعد معاهم و تتنوس بيهم بس طبعا مفيش فرصة.. و طبعا انتو عارفين الواحد بياخد قد ايه على ما يلاقى صاحب بجد و خصوصا فى الغربة اللى بتغير اخلاق ناس كتير .. بس الحمد لله اهو مصر موتورز موجود و بتعرف فيه على احلى شباب والكثير جدا من الاخوة المحترمين .. بتخسر فى الغربة القعدة الحلوة مع اصحابك و حبايبك و الخروجات المجنونة .. بتخسر ضحكتك الحلوة و روح الفكاهة.. فعلا وحشتينى قوى يا مصر .. ربنا يقصر ايامنا فى الغربة المهم ... بشتغل حاليا استشارى انظمة اوراكل بوزارة العدل دولة الكويت و مسئول عن انظمة التسجيل العقارى و التوثيق بالوزارة

أستاذى العزيز محمد باشا .
والله مش عارف أقول لسيادتك ايه .
عموما ربنا يوفقك فى حياتك وتحقق النجاح اللى بتتمناه . يباركلك فى بنوتاتك القمرات ويفرحك بيهم ان شاء الله . يرجعك مصر بالسلامه وان شاء الله الظروف فى مصر تتحسن والحاله تكون افضل من الماضى . يباركلك فى عربيتك ويستر عليك طريقك ويحميك من شر الطريق والعين انت وأسرتك .
وأتمنى نلتقى بيك فى مقابلات مصر موتورز لما تنزل مصر ان شاء الله .