فاميه (أو فيميه) الفيرنا

[yassinmatrix]

بسم الله الرحمن الرحيم .. كل عام وحضراتكم بخير وربنا يارب يتقبل منا ومنكم صالح الأعمال .. عندي استفسار مهم جدا ياريت لو حد يقدر يفيدنى فيه ..
ان شاء الله ناوى انزل اشترى فيرنا قريب .. لما سألت عن الأسعار قالولى ان الفول اوبشن تقريبا فى حدود 71 ألف تزيد او تقل شوية ولو عايزها ازاز فاميه بتزود ألف تانى .. السؤال بقى .. ليه ألف جنيه عشان يبقى الازاز فاميه يعنى ! .. هل ده بيبقى ليه خواص بتمنع مرور اشعة الشمس الضارة مثلا زي منتجات vcool مثلا .. ولا مش هيفرق لو انا اشتريتها عادية وفيمتها ب 100 جنيه مثلا ولا حاجة .. يعنى الفرق فى الرخصة بس ؟ .. وهل اصلا الفيميه يستاهل يعنى .. ليه لازمة غير الشكل ؟ معلش طولت عليكم .. كل سنة وانتو طيبين ؟

[كومندا]

عشان هيبقا فاميه المصنع
يعنى هيتكت فى رخصتها ازاز فاميه
فاى ظابط يحب يشوف نفسه عليك فى كمين ولا حاجه ويقولك
انته مفيم الازاز تنزل تخلعله عنيه وتقوله ده فاميه الفبريكه
فى الكيا كارنز فرق الازاز العاده عن الفاميه 8 الف

[كومندا]

[yassinmatrix]

تسلم يا باشا على ردك
بس هل يا ترى الفاميه ليه ميزة تستاهل حد يدفع فيه كل ده .. ولا هوا منظر بس ؟

[sayed2077]

المشاركة الأصلية كتبت بواسطة yassinmatrix تسلم يا باشا على ردك بس هل يا ترى الفاميه ليه ميزة تستاهل حد يدفع فيه كل ده .. ولا هوا منظر بس ؟

بص هو لو استخدم فى اساليب كويسه يبقى يستاهل
من ضمن الاساليب ديه ان هو بيبقى ستر عليك شوية بدل ما بتلاقى كل اللى فى الشارع تلاقى عيونهم فى العربيه جوه قعده معاك
يشوفوا كل حاجه انت بتعملها

مثال انا من الناس اللى كتير باكل فى العربيه لانى بروح من الجامعه متاخر فبضطر اكل فى العربيه وانا ماشى وكدا علشان زى ما قولت بروح بدرى فا بصراحه انا من النوع اللى بحب اكل بعيد عن ان حد يشوفنى لكذا سبب بقى مثالا علشان ممكن يكون فيه حد جعان وشايفنى باكل وهو عاوز ياكل وكدا او مثالا علشان الرسول صل الله عليه وسلم امرنا اننا ناكل فى ستر بعيد عن الناس واسباب تانية

ده حاجه او مثالا سبب من الاسباب اللى انا ممكن ادفع فى العربيه المبلغ ده علشان الفيمية

نيجى بقى للاسباب الغير شرعية مثالا انك تلاقى واحد مفيم العربيه كلها حتى الازاز الاماماى اه والله زى ما بقولك حتى الازاز الامامى ده اكيد فى الاغلب مالهاش غير حل واحد غير شرعى بيحصل فى العربيه ومحدش يفهمنى صح هههههههههههه

وبكدا بيكون فرق الفلوس بيكون حرام انى بدفع كل ده علشان كده