JAC J5 or bydf3

[Marlborooo]

المشاركة الأصلية كتبت بواسطة هاني الصيدلاني محتار بين الجاك J5 والBYDF3 الجاك احسن لكن مشكلة التوكيل وقلة الانتشار البي واي دي كويسة وانتشرت وقطع غيار متوفرة لكن خايف من العيوب الصناعية اللي ظهرت قبل كده فيها ارجو النصيحة

ما انت جاوبت خلاص الbyd قطع غيارها متوافرة في التوكيل وخارج التوكيل واسعار رخيييييصة سعر اعادة البيع افضل كماليات حلوة
ولو فيها عيوب بتتعالج وبسيطة

بص طالما عربية اشتغلت اجرة اعرف انها عربية كويسة ولو ظهر فيها عيوب هتلاقيلها الف صرفة اكيد العربية الاجرة مش هتعطل

[هاني الصيدلاني]

اشكر جميع الزملاء اصحاب التعليقات على الموضوع
والى الان اغلب الاراء تتجه للبي واي دي

[عصام الجارحي]

المشاركة الأصلية كتبت بواسطة Sky_Rider انا في نفس موقفك يا استاذ هاني ... محتار ما بين الاثنين دول بالذات ... الجاك ملهاش حل .. شياكة و فخامة و جودة بناء و تقفيل و خامات و اداء ممتاز على حسب ما الرفيوهات و المالكين بيقولو .. والمحير اكثر ان سعر الجاك نزل ل 78,000 بعد ما كان 82,000 حاسس انها فرصة كويسة ....وبرغم كل اللي قولته ده قلقان من قصة قطع الغيار رغم ان فيها اجزاء كثير من لانسر و الانترا .. مكحرك و عفشة .. بس هيه عربية تحفة و احتمال اجيبها ان شاء الله لو جمدت قلبي بعد الاستخارة .. البي واي دي ممتازة برضو .. وادائها ممتاز و منتشرة جدا و قطع غيار مفيش ارخص من كدة .. بس عمرها ما تجيب الجاك في الخامات والشكل و التقفيل .. و على فكرة متشغلش دماغك قوي بقصة ان الموتور ميتسوبيشي ولا ياباني ... لان كل المواتير اللي في الصيني الجديد صيني بهندسة يابانية .. وادائها ممتاز .. اشمعنة محدش بيدور على مواتير الاسبرانزا ...مهي مغرقة الشوارع ... رغم ان هي مش افضل عربية و تجميع مصري .... القصة كلها تسويق وشطارة وكيل في اقناع الجمهور بيها ... على العموم ربنا يهدي الجميع للافضل ..

مش عايز اقول انها نفس المسكلة التي تؤرقني
ومش عارف اصل لقرار بصرحة ومع قرب موعد الشراء تزداد الحيرة
مرة اقول دي ومرة دي واتابع دي واقتنع وارجع اتابع التانية واقتنع
وكان عندي امل بصرحة في ال f3 plus الجديدة انها تنزل كانت هتفك هذه الطلاسم
لكن واضح انها لن تنزل الان
بس حاسس كدا ان لو غبور نزل الec7 هيحل هذا اللغز لانها عربية ممتازة جدا جدا ويبقي السعر والتقفيل هما الفيصل
ومع ان الجاك طالعة من عيني بس موضوع قطع الغيار هي المشكلة الحقيقية في هذه السيارة
وعلي فكرة جميع المواتير اللانسر متقفلة في مصنع في الصين بشراكة متشوبيشي وشركات صينية
واعتقد ان شركة جاك عملت ترقية فقط للماتور بحيث اصبح العزم شديد والقوة الحصانية اعلي
وربنا يوفقك ويوفقنا جميعا

[هاني الصيدلاني]

وزادت الحيرة بعد نزول mg3 , mg350

[hanylord]

المشاركة الأصلية كتبت بواسطة هاني الصيدلاني وزادت الحيرة بعد نزول mg3 , mg350

mg طبعا تقفيل ايه وشياكه ايه هي ماتور انجليزي بس التقفيل صيني مش عايز اقلك اضعاف نضاقه الجاك سواء من الجلد بتاع الصالون او انواع القرامل اللي قيها ولا نوع الفتيس وفتحه السقف بجد عربيه تتركب