تسخين العربية قبل المشى بها ؟؟؟

[samirayad]

ليه حساس الحرارة فيه مشكله و فايدته ايه؟؟

حساس الحراره

هو قرن الأستشعار إللى بتعرف منه وحدة التحكم

حرارة المكنه ماشيه إزاى

من خلال لغة إشارات بين الوحده والحساس

----------------------

وفى أول تشغيلك للمكنه

وحدة التحكم المفروض تعرف من الحساس ان حرارة المكنه بارده

تقوم وحدة التحكم تعمل حسابها فى تزويد نبضة حقن البنزين

فى أول الدواره ....وتحويل سيستم التحكم لحاله تسمى بالحاله المفتوحه

أى دون أى قيود فى حقن البنزين open loop

ومع زيادة كمية البنزين بتقدر المكنه تشد حيلها

وممكن تدور وتطلع لو حبيت ( بعد فترة دواره وإنتظار تكاد لاتذكر )

تخيل بأه

الحساس لايؤدى وظيفته بطريقه شرعيه وقد يكون مهنج وبيبلغ وحدة التحكم أن المكنه ساخنه

ماذا سيحدث .........؟

حريق هزيل نوعا ما ....ولن تستطيع التحرك بأمان فور دوارتك

انا المؤشر الحرارة بيتحرك طبيعى جداً و بعدين لو مره الحرارة زادت بيتحرك لفوق و لما الحرارة بتظبط بيرجع تانى لمنطقة الوسط و لا هو لازم الطبيعى يكون اقل من الوسط بكتير... ارجو التفسير اكثر..علما بانى باستعمل ميه عاديه مش خضراء

ما أنا وضحت لسعادتك قبل كده

مفيش علاقه نهائيا بين

صباع الحراره المسئول عن عمل مؤشر الحراره بالتابلوه

( هتلاقيه تحت أو على مانيفولد دخول الهواء للمكنه )

وبين حساس الحراره المسئول عن إعلام وحدة التحكم بحرارة المحرك

( هتلاقيه أسفل منطقة البوبينا )

ويلاحظ أن التصميم الهندسى للحساس وصباع الحراره ( بنفس التصميم )

ونظرية التشغيل الهندسيه

و ليه استهلاك البنزين عالى ؟؟ هو الطبيعى بيكون كام داخل البلد فى التفويله ؟

كون تفويله كامله تعمل 300 كم .........فهذا حيود واضح عن المعدل الطبيعى للإستهلاك

والطبيعى لتفويله كامله لعربيتك ملوش قيمه محدده

لكن على الأقل متقلش التفويله عن 400 كم ( كمثال )

معلش انا بحب التفصيل شويه....و شكراً

هل ماسبق يكفى من تفصيل مبسط

[toti1975]

المشاركة الأصلية كتبت بواسطة samirayad حساس الحراره هو قرن الأستشعار إللى بتعرف منه وحدة التحكم حرارة المكنه ماشيه إزاى من خلال لغة إشارات بين الوحده والحساس ---------------------- وفى أول تشغيلك للمكنه وحدة التحكم المفروض تعرف من الحساس ان حرارة المكنه بارده تقوم وحدة التحكم تعمل حسابها فى تزويد نبضة حقن البنزين فى أول الدواره ....وتحويل سيستم التحكم لحاله تسمى بالحاله المفتوحه أى دون أى قيود فى حقن البنزين open loop ومع زيادة كمية البنزين بتقدر المكنه تشد حيلها وممكن تدور وتطلع لو حبيت ( بعد فترة دواره وإنتظار تكاد لاتذكر ) تخيل بأه الحساس لايؤدى وظيفته بطريقه شرعيه وقد يكون مهنج وبيبلغ وحدة التحكم أن المكنه ساخنه ماذا سيحدث .........؟ حريق هزيل نوعا ما ....ولن تستطيع التحرك بأمان فور دوارتك ما أنا وضحت لسعادتك قبل كده مفيش علاقه نهائيا بين صباع الحراره المسئول عن عمل مؤشر الحراره بالتابلوه ( هتلاقيه تحت أو على مانيفولد دخول الهواء للمكنه ) وبين حساس الحراره المسئول عن إعلام وحدة التحكم بحرارة المحرك ( هتلاقيه أسفل منطقة البوبينا ) ويلاحظ أن التصميم الهندسى للحساس وصباع الحراره ( بنفس التصميم ) ونظرية التشغيل الهندسيه كون تفويله كامله تعمل 300 كم .........فهذا حيود واضح عن المعدل الطبيعى للإستهلاك والطبيعى لتفويله كامله لعربيتك ملوش قيمه محدده لكن على الأقل متقلش التفويله عن 400 كم ( كمثال ) هل ماسبق يكفى من تفصيل مبسط

شكرا على المعلومات الغالية ياستاذ / سامى

[azeweel]

المشاركة الأصلية كتبت بواسطة toti1975 شكرا على المعلومات الغالية ياستاذ / سامى

اسمه م /سمير عياد ........... صباح الفل يا عم توتى موضوع جميل

[hany ali_20000_20000]

[hany ali_20000_20000]

باشا اعمل زى ما الكتالوج مابيقولك بالظبط الوضع الطبيعى تدور العربية وبعد 30 ثانية او دقيقة بالظبط تبتدى تمشى بالعربية على الأول على السلانسية لحد لما تلاقى مؤشر الحرارة بداء يتحرك وماتقرصش على الماتور وهو لسة بارد لانة بيأثر على البساتم وغير كدة كمان لو سيبتها تسخن وهى واقفة غلط دى مش لادا وتشد هواء الكلام الى احنا عارفينة لا التسخين على الواقف اكبر غلط لانى بيعمل كاربون على البوجيهات وبتبوظ وبتتطر تغيرها اهم حاجة اتبع تعليمات الكتالوج زى مابيقولك والله العربية حتعيش معاك وحتبقى زى الفل والمشاكل قليلة ان شاء الله
ملحوظة حتقول الكتالوج مش معاك لا موجود فى المنتدى على الصفحة الخارجية للمواضيع مشاء الله المشرف عامل واجب وزيادة كمــــــــــان