تغيير زيت فتيس اللانوس المانيوال بالصور

[mar mar]

موضوع يستحق التقدير
تسلم ايدك

[hanafyx]

الف شكر عالمجهود دا و ربنا يجازيك خير عالموضوع الرائع ..بس ليا سؤال ..الجوان دا بيتجاب منين يعني من البنزينة و لا عند قطع الغيار ولا فين ؟؟؟ تاني حاجة مش عارف فين طبة مقياس الزيت دي ..ياريت لو في صورة موضحاها يبقي تمام اوي ...و لو انا عايز الموضوع دا الصراحة مش عارف اوقف العربية فين عشان اعرف انزل تحتها

[خالدصالح]

ادعولى ربنا يشفى زوجتى ويسدد عنى دينى اللهم آمين

اللهم امين يارب العالمين

[spare parts]

المشاركة الأصلية كتبت بواسطة عصام غنايم هنركب الطبه تانى ونربطها كويس ومننساش نركبلها غطاها البلاستيك مانع الأتربه

موضوع جميل و مجهود رائع يا استاذ عصام و عندى اضافه لو تسمحلى و لو تحب تعمل تعديل فى الموضوع الاصلى لتوضيحه ان الطبه العليا الموجوده فى الصوره انت كاتب انها بتتربط كويس يا ريت توضح للناس انها بتتربط كويس لكن مش جامد لان الطبه دى المنيوم و بتتربط على كبايه الفتيس و خامتها ايضا المنيوم و لو ربط الطبه خفيف بعض الشئ و رجعت بعد فتره تفكها هاتلقيها مربوطه جامد و عن تجربه شخصيه انا ربط الطبه دى جامد فى عربيه لانوس قبل كده و الكبايه بتاعه النقلات اتشرخت بسبب الربط ( علما ان مهنتى تستدعى ربط مسامير كتير يعنى انا مش جديد فى الربط بس الانسان هايفضل يتعلم طول عمره ) لان الكبايه خفيفه جدا من عند مكان الطبه و ممكن تتشرخ بسهوله .

بالنسبه للناس المعترضه على تغيير زيت الفتيس انا شايف انه يوجد عموما خلاف دائما فى الموضوع ده و انا شايف انه يتغير و خلاص لكن انا معترض على شئ واحد و هو نوعيه الزيت المستخدمه و خصوصا فى السيارات المستورده لان بيكون فيها زيت مختلف تماما عن الزيوت المشهوره فى مصر و من غير ما نقول انواع زيت لكن يوجد فرق شاسع بين زيت فتيس الكيلو فيه ثمنه 19 جنيه و بين زيت فتيس الكيلو فيه ب 300 جنيه و على فكره الفرق مش فى السعر بس انت لو نزلت زيت بعد فتره هاتلاقى ده لونه اسود لكن فيه انواع ممكن تمشى بيها 150000 و 200000 كم و لو نزلتها هاتلاقيها بنفس اللون و بنفس الريحه و من اكبر التوكيلات فى مصر و خارجها كل فتره بينزل الزيت من الفتيس و يصفيه على 3 مراحل من الرواسب و يعبيه تانى فى نفس الفتيس النازل منه لكن لو انت بتستخدم الزيوت المتداوله و المعروفه فى السوق اعتقد لو تقدر تغيرها كل 10000 كم يكون احسن اضافه انه بيفرق جامد فى عمر الفتيس و الزيوت دى موجوده فى مصر لكن غير منتشره طبعا بسبب السعر .

و اعتقد ان زيت الفتيس مواصفاته و ظروف تشغيله مختلفه تماما عن زيت الموتور و قادر على التشغيل لمده اكثر بكثير من زيت الموتور و الممكن يفيدك فى الموضوع ده رأى خبراء الزيوت الموثوق فيهم و الجهات المعتمده و ده ممكن اى واحد يبحث فى الموضوع ده .

[ahmedShafie]

والله انت هايل احلا حاجه فيك انك بتعمل كل حاجه على ايدك الواحد لما بيروح للمكانيكى ويدفعلو اللى هو عاوزه وكمان بقشيش وبرضه ميعملهاش كويس


اللهم اشفى زوجتك وبارك فى اولادك ويعطيك الصحه والعافيه