استفسار بخصوص استخراج رخصة قيادة ضروري جدا........

[lpl] lkdv]

السلام عليكم و رحمة الله و بركاته
انا عايز أطلع رخصة و للأسف معرفش أي حاجة المفروض اني أعملها
يادوب لسه متعلم سواقه و حتى العربية لسه إن شاء الله بعد شهرين
فكنت عايز أستفسر عن شوية حاجات كده :
1- هل لازم لما اروح يكون معايا عربية؟ و لو مش معايا ايه الحل؟
2-انا عرفت من المنتدى هنا انه بيطلب شهادة عيون و باطنة و فصيلة دم
هل ده من أي دكتور عادي و لا لازم مستشفى حكومية و لا منييييييين؟
3-هل بيبقى فيه أسئلة نظري؟ سمعت انهم لغوها ؟ و لو فيه بتبقى ازاي ؟
ياريت لو حد مطلع رخصة جديد أو يعرف حد يفيدني هنا بأي حاجة
و جزاكم الله خيرا

[مينتشو]

1- لا مش لازم يكون معاك عربيه لو ممعاكش عربيه فى بشريه هناك بتاجر عربيات استندف عربيه واجرها . تقريبا من 50 الى 100 جم انت وشطارتك
2- الشهادتين من اى حته دكتور مستوصف مستشفى اى حد حتى لو بتاع طورشى المهم يديك شهادتين وخلاص
3- الاسئله النظرى فى الاشارات وفى هناك ورقه بتباع فى الخزنه ب 5 جم ورقه اشارات تشتريها وتحفظها وتخش وتتوكل على الله
4- ما تنساش تاخد معاك صورتين 4*6 و المؤهل بتاعك ولو بطاقتك مكتوب فيها طالب مش مهم المؤهل او لو المهنه فى البطاقه مطابقه لمؤهلك الدراسى يعنى المهنه فى البطاقه دكتور - محاسب - محامى - مدرس فى الحاله دى برده مبتجبش موهل دراسى
5- انا لما رحت اطلع رخصه مطلبش منى فصيله الدم مرور السلام
6- جمد قلبك وتوكل على الله وان شاء الله هتخلصها
7- انا عندى على الجهاز برنامج الاشارات لو عاوزه اكتب ايميلك وانا ابعتوهلك
وعلى فكره انا لما روحت امتحن روحت على كده لا واسطه ولا دفعت فلوس ولا حتى كان معايا عربيه واتعاملت وربنا وفقنى وان شاء الله ربنا يوفقك بس خلى الحاجه تتدعيلك

[lpl] lkdv]

أولا جزاك الله خيرا على الإفادة
طيب انا أعرف ان بيبقى فيه استمارة بملاها بتتجاب منين؟
و كمان طابع الشرطة اللي ب 3 جنيه من البوسطه و لا منين؟
و نقطة المؤهل دي انا دلوقتي طالب في هندسة بس البطاقة مكتوب فيها طالب بس لازم أجيب ورق من الكلية مثلا و لا ايه؟
معلش تقلت عليك بس حاجة أخيرة
أنا لابس نضارة لازم الصور تكون و انا لابسها و لا ينفع من غيرها عشان كنت سمعت كلام كده؟

[lpl] lkdv]

للرفع يمكن حد يرد

[basselelsaedy]

بعد التحية الى جميع الاعضاء ممكن اعرف كيف استخرج رخصة معدات ثقيلة وشكرا للرد