عروض تقسيط سيارات متجدده (إسبوعيا)

[mido_60]

المشاركة الأصلية كتبت بواسطة بيكانتوأتوس أنا حيران ما بين (أتوس - أتوماتيك) و(بيكانتو – أتوماتيك) ... وعايز أدفع أقل مقدم، والضمان مرتبي حوالي 3500ج... بس يا ريت القسط لا يزيد عن 1200 خلال خمس سنوات وجزاكم الله خيرا

موجود الاتوس والبيكانتو
بس البيكانتو أفضل من الاتوس في الضمان بتاعها 5 سنوات او 100 الف كم
والبيكانتو تقفيل كوري
والبيكانتو الاوتماتيك الخيارات فيها أوسع من حيث وجود خليجي ووكيل

[HaSSaN SaaD]

يا جماعة انا عايز رينو لوجان قسط معايا مقدم عشر الاف وعايز قسط لا يزيد عن سبعمائة جنية شهريا وياريت تكون الحاجات الى مطلوبة منى مش معقدة وبسيطة وانا طالب وولدتى تحصل على معاش والدى وهو حوالى 1400 جنية وياريت يا جماعة حتة الفؤائد وكدة تكون بسيطة ولو مافيش خالص يبقى يا سلام عليكو المهم عايزكم تساعدونى لانى نفسى اجيب عربية ومنتظر رد حضرتكم ان شاء الله

[a7madahly]

لفايده بتكون اد ايه فى التقسيط مع معارض السيارات ؟؟؟
يعنى ان دقعت 50 % من تمن السياره واقسط الباقى بتكون فى حدود كام والمتعارف عليه ايه؟؟؟ فى الظروف دى؟؟
مثلا متبقى 30 الف من تمن العربيه ادفع كام فى الشهر على 3 سنييين؟؟
شكرا للافاده مقدما

[mido_60]

المشاركة الأصلية كتبت بواسطة HaSSaN SaaD يا جماعة انا عايز رينو لوجان قسط معايا مقدم عشر الاف وعايز قسط لا يزيد عن سبعمائة جنية شهريا وياريت تكون الحاجات الى مطلوبة منى مش معقدة وبسيطة وانا طالب وولدتى تحصل على معاش والدى وهو حوالى 1400 جنية وياريت يا جماعة حتة الفؤائد وكدة تكون بسيطة ولو مافيش خالص يبقى يا سلام عليكو المهم عايزكم تساعدونى لانى نفسى اجيب عربية ومنتظر رد حضرتكم ان شاء الله

للأسف إنت جمعت أقل مقدم وأقل قسط في عربيه واحده
وده مش منطقي علشان مش حيجيبو تمن العربيه
لازم تعلي المقدم
او تنزل بالعربيه شويه زي الماروتي مثلا او ممكن البيكانتو
(ممكن لو معاك شهادات إستثمار يكون فيه إستثناء )

[mido_60]

المشاركة الأصلية كتبت بواسطة a7madahly لفايده بتكون اد ايه فى التقسيط مع معارض السيارات ؟؟؟ يعنى ان دقعت 50 % من تمن السياره واقسط الباقى بتكون فى حدود كام والمتعارف عليه ايه؟؟؟ فى الظروف دى؟؟ مثلا متبقى 30 الف من تمن العربيه ادفع كام فى الشهر على 3 سنييين؟؟ شكرا للافاده مقدما

من 1000 إلي 10100 تقريبا
الورق المطلوب صوره البطاقه ووصل نور