العودة   مصر موتورز مجتمع السيارات > سوق السيارات فى مصر موتورز > سوق السيارات المصرية > المرور والشهر العقارى

المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور


إضافة رد
 
أدوات الموضوع
  #16  
قديم 08-09-2010, 10:26 AM
micooo micooo غير متواجد حالياً
 
تاريخ التسجيل: Sep 2010
المشاركات: 5
micooo is on a distinguished road
عاجل رد: كيفية استخراج رخصة قيادة خاصة (شرح)

اريد ان اعلم ما هي شروط استخراج رخصه استثنائيه؟؟؟؟...شكرا
رد مع اقتباس
  #17  
قديم 09-09-2010, 08:25 AM
micooo micooo غير متواجد حالياً
 
تاريخ التسجيل: Sep 2010
المشاركات: 5
micooo is on a distinguished road
للاهمية ارجو الرد؟؟؟

اريد ان اعرف ما هي شروط استخراج رخصه استثنائيه؟؟؟...ارجو الافاده...وشكرا..ارجو الرد علي الايميلsuper_medo_10@hotm ail.com...thx
رد مع اقتباس
  #18  
قديم 09-09-2010, 09:24 AM
micooo micooo غير متواجد حالياً
 
تاريخ التسجيل: Sep 2010
المشاركات: 5
micooo is on a distinguished road
افتراضي رد: كيفية استخراج رخصة قيادة خاصة (شرح)

كيف استطيع استخراج رخصه استثنائيه؟؟..ارجو الافاده
رد مع اقتباس
  #19  
قديم 09-09-2010, 01:17 PM
الصورة الرمزية sad-bird
sad-bird sad-bird غير متواجد حالياً
 
تاريخ التسجيل: Jun 2010
المشاركات: 3,757
sad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond repute
افتراضي رد: كيفية استخراج رخصة قيادة خاصة (شرح)

تسلم ايدك يا استاذ اكرم
لكن ليا تعليق على اكتر من حاجة
اولا الحصول على رخصة القيادة له اتجاهين
الاتجاه الأول انك تكون بتعرف تسوق كويس جدا وتروح تمتح وتاخد الرخصة
الاتجاه الثاني انك تروح مدرسة المرور وتتعمل عندهم وتاخد الرخصة
وانا هتكلم عن واقع تجربتي المريرة في مرور الزقازيق
انا كنت يدوب بعرف اسوق امشي حالي زي ما بيقولو يعني للطواريء (على فكرةانا حاليا رجعت للوضع ده تاني نتيجة توقف الممارسة )
سألت الكل اجمع انك لو روحت لازم يكون معاك واسطة تقيله علشان تعدي واستغربت قوي لما عرفت ان فيه ناس متمكنين جدا في السواقة وسقطوا
والحل التاني اني اروح المرور واشوف حالى هناك بقى
روحت وقدمت وكان يوم زحاااااااااام رهييييييييييييييييييب وكنا في رمضان ومن الساعه 6 كنت هناك ولقيت ناس كانت صلت الفجر وراحت الكلام ده من سنتين دلوقتي اخف شوية

بعد عناء شديد دخلت وواخدت موافقة على الطلب والله ساعتين زحام وضرب علشان امضاء على الطلب بس
بعد كده تاني يوم او نفس اليوم بروح اسحب الملف واقدمه في المدرسة وادفع الرسوم كانت تقريبا 450 جنية على ما اذكر
ودخلت اتصورت للرخصةالمؤقتة ( من ضمن قانون المرور اي حد بيعرف يسوق على قده ممكن يطلعله رخصة مؤقتة 6 شهور لكن بشرط ان يكون جنبة واحد معاه رخصة سارية وبيعرف يسوق وده في حالات الطواريء او التعليم فقط )
ومأخدتش الرخصة المؤقتة وفضلت في الملف وعرفت السبب بعد كده انها لملف المرور بس والمفروض اللي يستعملها الناس اللي في المرور مع الطالب وبس

بعدين اتوزعنا على كشوف وكل كشف مع واحد من المدربين او المهندسين او فنيين الصيانه وللأسف كان اسمي متوزع على واحد ربنا ينتقم منه ( منتهي قله الادب والسفالة وقولوا كل اللي انتو عاوزين تقوله فيه لاني عرفت بعد كده ان لو عربيتك مفيهاش الهواء وعاوز تجدد لازم تروح وتدفعله ولو انت مين في السواقة هيوقعك يعني هيوقعك وهقولكم دلوقتي ازاي بيعملها )
فيه ناس تانية كانت مع ناس كويسين ودربوهم كويس ومأخدوش منهم مليم احمر وكانو بيعاملوهم باحترام شديد جداااااااا خصوصا الناس اللي كبيرة شوية فوق 25 يعتبر كبير لان نسبة كبيرة جدا من اللي بيقدموا 18 سنة

تجربتي مع سي زفت الله ينتقم منه
اول يوم روحتله في الميعادة الف عليه المرور كله مش لاقيه في الاخر لقيته بعد ميعادي بنص ساعه تقريبا وبكل تناحه وتناكه وعنجهية ولا كأنها عزبة ابوه الباشا انت جيا متأخر ليه
انا بقالي نص ساعه بدور عليك
لا انا هنا من الصبح متحركتش
قلتله بأمارة مكا روحت في الحتة الفلانية والختالة العالنية وكنتواقف مع فلان وعلان من شوية في المكان الفلاني ملقاش رد
قالي طيب بطل لماضة وخلص
التدريب كل اسبوع يوم الاثنين والاربع الساعه 2 بتعرف تسوق
انا / على قدي يدوب انقل غيارات بس قالي هنشوف
ماشي
اشوفك الاثنين الجاي
روحت يوم الاثنين ونفس رحله البحث والمعاناه عن سي زفت ولقيته في الاخر هو والمدير بتاعه
تعالى اركب
اركب مين ، انا معرفش اخرج الشارع واتحرك والساعه دلوقتي 2 والدنيا زحمة
هنشوف هنشوف
ركبت وربنا اكرمني يومها طلعت الأول ، نقلتالتاني ، التحكم كويس في الدركسيون ، دخلت على مزلقان قطار وعديته
هو والمدير / طيب منتا حلو اهو امال ايه بقى
عدينا وطلعت على طريق واسع شوية ولقيت العربية بتجري مني رغم اني مش دايس بنزين
اتاري البيه بيشوف رد فعلي ايه والعربية بتجري روحت ماسك دبرياج وفاصل الحركة العجل
لفينا وعدينا المزلقان التاني وده مرة واحده ادخل من هان يمين دخلت طبعا من غير اشاراه لاني كنت لا افقه شيء عن العربية اللي راكبها وحاسس اني في امتاحن وقلقان بعد لما دخلت يمين لقيتهم الاتنين بيزعقولي علشان دخلت من غير ما ادي اشاره وعربية نقل عدت والسواق شتمهم قالهم هو بيتعلم انو لازمتكم ايه يا ولاد التييييييييييييييييييت

دخلت العربية جوه المرور ومع لاسلامة اشوفك الاتنين الجاي
الله هو التدريب خلص كده والا ايه ، ده ربع ساعه اللي اتدربتها
معلش المرةالجاية
طيب ويوم الاربع
قلت الاتنين
روحتله الاتنين اللي بعده
ونفس اللفة عليه
المهم يلا ياعم نتدرب في الميدان ( الميدان ده حاجة مجهزة للتجدري هقول عليه في الأخر )
ادور واتحرك والعربية تفصل
ادور والتحرك ولاعربية تفصل
معرفش فيه ايه
وده عمال يزعقلي ( والله كنت هضربه لولا ان واحد زميله وظابط كانو واقفين لحقوا الموقف وهدوني وزعقو فيه وقالوله الناس مش خدامين عند اهلك هنا علاشن تزعق فيهم
خلصنا الموقف راح دي يقولي
بص م الأخر بقى المرور هنا احنا بندي رخصه وبس عاوز تتعمل روح شوفلك واحد صاحبك او شوفلك مدرسة برة تعلمك احنا هنا مبنعلمش
اتصلت بالناس اللي اعرفهم مقدمين لكن متوزعين مع ناس تانيين قالولي مبيحصلش معانا الكلام ده وبنتدرب كل يوم كل واحد ما لا يقل عن ساعه وبنطلع على الصحرواي وبنشد وبنتدرب في الميدان
واحد تاني نفس الكلام بس دفع للي بيدربه 50 جنية
واحده تانية قالت نفس الكلام بس دفعت برضة 50 جنية علشان يدربها في وقلت لوحدها علشان بيكون معاها اخوها او ابوها

امال احنا بيحصل معانا كده ليه (كنت انا نفس الحوار كده )
الشهر عدي واتحدد الامتاحن واحنا لا نفقه شيء في شيء
ويوم الامتحان بقى اتفرج على المهزلة

كل اللي دخلوا الامتحان بدون المدرسة طلع عينهم بجد والعربيات بتبطل منهم كذذا مرةو واكتر من نصهم اتحدد ميعاد للامتحان تاني
واحنا في حالة رعب هنعمل ايه
دول خلصوا وبدأت المدرسة تمتحن
اولا كل واحد يدفع 3 جندي رسوم الامتحان النظري وكله بلا استثناااااااااااااااااااا اااااااااء ناجح و5 جندي للي كان واقف حلاوة النجاح
ثانيا الامتحان عبارة عن ايه بقى
لفية في الميدان الواسع
يعني باضبط كأنك بتلف بالعربية في التراك حوالين ملعب الكورة وشكرا خلص الامتحان على كده
لما ركبت لسه هتحرك قالي ملكش دعوة باي حاجة في العربية غير الدركسيون وقد كان لكن الذكي ده جاي على اخر التراك ويشد بنزين والمفروض اني اتجاوب مع حركة رجله هو مش مع حركة رجلي انا ازاي معرفش طيب هدي شوية والا سيبني انا
انت هتتفذلك علينا انت مش بتعرف تسوق
اه بس على قدي
تدريب مع مين
فلان
الله يخربيت فلان واللي بيجي منه هو فلان ده يقعد يعك الدنيا واحنا اللي نشرب الطين في الاخر
وخلص الامتحان وروحت

الميدان بقى
في التدريب وفي الامتحان مش بيعملوا اقماع ولا حرف اس ولا سي
فيه ميدان جاهز للتدريب عبارة عن
1. تراك زي ملعب الكورة لكن اصغر طبعا ده الاساسي
2. فيه مكان انتظار لو عاوز توقف وريني هتقف ازاي من غير ما توقف الطريق
3. زي كوبري علوي مصغر يدوب بتطلع العربية ووبتنزل منه ويدوب تلحق تلم نفسك وتتمسك فرامل
4. نفق تحت الكوبري في الاتجاه التاني زي نفق بس صغير نفس فكرة الكوبري
5. مكان للركن والتدرييب اصلا كله ممكن تتدرب عليه امامي وخلفي

والمسافات دي كلها يدوب على قد عرض العربية يعني لو حدفت منك سنة يمين او شمال هتلاقيك بتحك في الصدادات بتاعت الميدان


اسف جدا على الاطالة لكن قلت اقول اللي حصل معايا في المرور
__________________

إن العين لتدمع وإن القلب ليحزن وإنا على فراقك يا خالد لمحزونون
ولا نقول إلا ما يرضي ربنا
إنا لله و إنا إليه راجعون
رد مع اقتباس
  #20  
قديم 09-09-2010, 01:24 PM
الصورة الرمزية sad-bird
sad-bird sad-bird غير متواجد حالياً
 
تاريخ التسجيل: Jun 2010
المشاركات: 3,757
sad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond repute
افتراضي رد: كيفية استخراج رخصة قيادة خاصة (شرح)

نسيت اقول ان الامتحان كان على عربية المرور مش على عربية من برة والعربية بتكون مجهزة للتدريب فيها 2 دبرياش و2 بنزين و2 فرامل يعني اي تحكم بتعمله من عندك او من عند الللي بيعلمك او بيمتحنك وبالتالي يهل جدا عليه انه يدوس فرامل وانت بتدوس بنزين يروح موقف العربية او انت تاخد غيار وهما بيكونوا موطيين السلانسية والعربية بتكون محتاجة سنة بنزين تيجي انت تدوس بنزين وهو زانق الدواسة برجله متعرفش تفضل واقف مكانك تروح فاصلة منك
__________________

إن العين لتدمع وإن القلب ليحزن وإنا على فراقك يا خالد لمحزونون
ولا نقول إلا ما يرضي ربنا
إنا لله و إنا إليه راجعون
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:54 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017