مناقشة حول الحرارة في بيجو

[hazem_khidr]

لا يا باشا سمعه خاطئه انا كنت راكب 505 و الردياتير بتاعها كبير مش صغير
و غير كده فيه مروحه شغاله علي طول مع العربيه لما تشتغل كانت عمرها ما بتسخن
و نفس الوضع مع ال504 برضه لانه نفس الموتور تقريبا.
دا البيجو في مصر مشهور ان درجه حرارته قليله و الامبير مش بيعدي الربع

[Eng.A.Z]

كلام الاخ حازم مظبوط

والدي معاه 504 بقالها 20 سنة معانا مش فاكر ان كان في مشكلة السخونة دي ابدا

الاساس فس الموضوع هو ان يكون الردياتير سالك ونظيف

وممكن تركب واحد اكبر شوية زي الردياتير الالماني 3 ماسورة

وانسى الحرارة

[dr_3eshoo]

انا سمعت ان البيجو بيسخن بس موديلات ما قبل ال 404 و ذلك لجهل بيجو بطبيعه جو الشرق الاوسط و تم حل مشكله السخونه من اول موديل بيجو 404 بردياتير اكبر و دوره تبريد افضل و تم زياده مبيعات بيجو في الشرق الاوسط
بيجو في مصر من سنه كام لحد النهرده بقالها 30 سنه ماشيه و لسه قدمها 30 سنه تانيه و عمري ماسمعت ان في مشاكل في العربيه دي و الدليل ان محافظات الصعيد بيستخدموها كعربيات اجره و ملاكي و المعروف عن جو الصعيد انه مقارب لجو الخليج
بالنسه لموضوع الردياتيرات ده عادي ما ردياتير البوينتر اكبر من ردياتير عربيتي مع انهم نفس المتور لا دي بتسخن ولا دي بتسخن

[Nour_peugeot]

و في في العربيات الجديده كمان ردياتير ال 1100 سي سي بتاع ال 206 هوهو ردياتير ال 1400


و الحراراه مبتتهزش

[hima elgmal]

انا لدى بيجو 504 ومحصلش معايا مشكلة فى الحرارة الااذا الردياتير قدم او حصل فية سدد لكن غير كدة لاتزيد حرارتها عن الطبيعى