ضاعت الـ BYD

[رحمانى خضر]

بسم الله الرحمن الرحيم

اولا احب اشكر كل الاعضاء ال ردو عليا فى موضوعى السابق ثانيا انا الحمد لله ربنا وفقنى واشتريت لانسر 2007 فبريكة برة وجوة استعمال دكتور جامعى وسعرها حلو الحمد لله واحب اقول قصتى سريعا اولا انا بقالى سنتين عايز اجيب سيارة لحد ما اقتنعت 100% بالـ BYD وفضلت احوش واستلفت وظبط كل شئ علشان اجبها المهم رحت المعرض يوم الجمعة ال فات وكنت مكلم خدمة العملاء قبلها بيومين قلولى بـ 73000 المهم لما رحت الجمعة قالى بـ 76000 اتجننت طبعا المهم كلمت الاستاذة دليا يوم السبت ومشكورة قالتلى هحاول اشوف حل وارد عليك بس محدش رد المهم استنيت لحد 8 مساء محدش عبرنى وكان فى واحد قالى على الانسر بس انا كنت متمسك بالـ BYD ولما محدش كلمنى قلت خلاص هتوكل على الله وصليت صلاة استخارة ورحت خلصت مع الراجل واخدت العربية مشاء الله جميلة ورحت الاحد عملت العقد والاثنين ركبتلها جهاز انذار وانا راجع بقة من عند الكهربائى لقيت مدير معرض الامل فرع النزهة بيكلمنى بيقولى ان صاحب شركة الامل كلمو وقالو انو شاف شكوتى والراجل قالى يكلمنى علشان يدهالى بسعر تجارى طبعا شكرتو وقلتلو لو المكلمة دى يوم السبت كنت خلصت بس كل شئ نصيب وبشكر جدا صاحب شركة الامل ومدير فرع النزهة وبقولهم متشكر جدا ومكلمتكو جت متأخرة بس الحمد لله على كل حال وربنا يسهل ممكن بعد فترة ابيع واشترى BYD والله المستعان ومتشكر جدا لجميع الاعضاء ال تفعلو بمشكلتى ومتشكر جدا جدا مرة تانية لصاحب شركة الامل وكتر خيرو .

والسلام عليكم ورحمة الله وبركاتة

[Sameh Ragih]

من حسن حظك إنك ماخدتهاش.. مش علشان هي وحشة بس علشان ماينفعش تقارن BYD بـ لانسر 2007 حتى لو الـ BYD موديل 2020

[screamseko]

الف مبروك يباشا
وعسي ان تكرهوا شيئا وهو خير لكم

[bunnybunny77]

[walidelmorsi]

اولا الف مليون مبروك وقدر الله وما شاء فعل بس احب اقولك ان انت كدة الكسبان لانة ليس هناك وجهة مقارنة بين الاثنين والنسر احسن بكتير