هل الى بيحصل دلوقت بعد العمرة مشكله ام لا

[sayed2077]

السلام عليكم ورحمة الله وبركاته

انا عملت عمرة للماتور بس من غير خراطه

بمعنى
جبنا بساتم وهلايل و شنبر و جوانات كامله و كل شىء فى الماتور جبناه جديد بمعنى الكلمه بس من غير ما نخرط ووش السلندر عملناله روديه

بس المشكله اللى انا فيها ومش عارف هيا مشكله ولا لا

ان الفايظ بيطلع دخنة بسيطه

والزيت بينقص

يعنى دلوقت الزيت بقى عند النصف تماما مع العلم انى كمان مش حاطط زيت متعدد الدرجات الخفيف لا انا حاطط زيت شل ريميولا التقيل اووى وما ادراكم ما هو زيت الريميولا
فالمشكله انى زى ما بقولكم فيه بخره بسيطه بتطلع من الفايز و الزيت بقى فى نصف العلامه بعد عمل حوالى 750 كيلوا وفاضل 250 كيلوا و اخلص التلين مع العلم انا روحت للميكانيكى قالى الفايز كده كده هيطلع بخره بردوا بس بسيطه فانا مش عارف هل كده فيه مشكله ولا لا مع العلم فى الصباح الباكر اول ما بشغل العربيه مفيش دخان بيطلع ولا حاجه خالص والعربيه مبتدخنش خالص من الشكمان حتى لو بزود بنزين مفيش اى دخان او اى لون طالع من الشكمان نهائيا فهل كده انا عندى مشكله فى العمرة ديه ولا لا ولا كده تمام والدنيا مظبوطه

[samirayad]

و الزيت بقى فى نصف العلامه بعد عمل حوالى 750 كيلوا وفاضل 250 كيلوا و اخلص التلين

وما ادراكم ما هو زيت الريميولا

مش لازم تنتظر ال250 كم دول

غير نوعية الزيت ...مع فلتر جديد

وهتلاقى خيرا بإذن الله

وخليك مع الزيت المتعدد

وليكن التعاون الأصفر SL

[mr_astra]

فى حاجة غريبة جدا
طالما اشتريت بساتم جديدة لية مجبتهاش زيرو 10 وعملت اربع شمايز عليهم واكتفيت انك تجيب بساتم نفس الزيرو .......عاوز تفهمنى ان البساتم طالعة حالتها وحشة لكن الشمايز لا جديدة وحلوة ..... مش ممكن طبعا لان الاتنين شغلهم مع بعض

لو قلنا العلامة ما بين الماكس والماين واحد لتر زيت يبقى العربية فى 750 كم نقصت نصف لتر
وبحسبة بسيطة هتلاقى انك قبل الزيت ما يكمل الوقت بتاعة هاتضر تزودة

[amr elsisi 1]

المشاركة الأصلية كتبت بواسطة mr_astra فى حاجة غريبة جدا طالما اشتريت بساتم جديدة لية مجبتهاش زيرو 10 وعملت اربع شمايز عليهم واكتفيت انك تجيب بساتم نفس الزيرو .......عاوز تفهمنى ان البساتم طالعة حالتها وحشة لكن الشمايز لا جديدة وحلوة ..... مش ممكن طبعا لان الاتنين شغلهم مع بعض

أحـــــــــيــــــــــك

[Hisham.Elgazzar]

المشاركة الأصلية كتبت بواسطة sayed2077 السلام عليكم ورحمة الله وبركاته انا عملت عمرة للماتور بس من غير خراطه بمعنى جبنا بساتم وهلايل و شنبر و جوانات كامله و كل شىء فى الماتور جبناه جديد بمعنى الكلمه بس من غير ما نخرط ووش السلندر عملناله روديه بس المشكله اللى انا فيها ومش عارف هيا مشكله ولا لا ان الفايظ بيطلع دخنة بسيطه والزيت بينقص يعنى دلوقت الزيت بقى عند النصف تماما مع العلم انى كمان مش حاطط زيت متعدد الدرجات الخفيف لا انا حاطط زيت شل ريميولا التقيل اووى وما ادراكم ما هو زيت الريميولا فالمشكله انى زى ما بقولكم فيه بخره بسيطه بتطلع من الفايز و الزيت بقى فى نصف العلامه بعد عمل حوالى 750 كيلوا وفاضل 250 كيلوا و اخلص التلين مع العلم انا روحت للميكانيكى قالى الفايز كده كده هيطلع بخره بردوا بس بسيطه فانا مش عارف هل كده فيه مشكله ولا لا مع العلم فى الصباح الباكر اول ما بشغل العربيه مفيش دخان بيطلع ولا حاجه خالص والعربيه مبتدخنش خالص من الشكمان حتى لو بزود بنزين مفيش اى دخان او اى لون طالع من الشكمان نهائيا فهل كده انا عندى مشكله فى العمرة ديه ولا لا ولا كده تمام والدنيا مظبوطه

خليك متابع الزيت ويفضل انك تزوده ووارد جدا انه يكون فى أويل سيل بيسرب أو جوان عشان كده الزيت بينقص ، طالما مفيش أى دخان لا قدر الله
هيا الشمايز كانت حالتها اه ؟؟