ذكرياتى مع السيارات فى هولندا

[Dr. Bolbolan]

دى مش رخصة قياده ! ptmnlo123per1106 دى الحصول على دكتوراه فى القيادة أسهل !!
Dr. Bolbolan ptmnlo123per122

[ganash]

انا افتكر ان هانس ده كان عندنا فى قصه فى 3 اعدادى بتاع journey to the center of the earth هوه كان ضخم برده كده ميكونش هوه والحكايه دى كلها علشان اطلع رخصه سواقه دى لو الحكايه دى عندنا ؟؟

[m.genedy]

توقفت السيارة تماما-وانا حسيت بأنى فى غيبوبة ومش عارف اتصرف ازاى ولم اكن اعرف ان البرفيسورات بيعرفوا
ينفخوا كمان زينا !! وقتها حسيت انى لازم اتكلم بقى خاصا بعد ان تذكرت كلام طارق صديقى عندما قال لي ان لو البرفيسور فرمل يبقى خلاص تعرف انك سقطت وهو ما قلتة لها بالفعل -
قلت لها صديقى قال لى لو ان اكى فرملتى فهذا معنا اننى رسبت ولكن بالصدفة اننا فرملنا سويا -طبعا هذا كذب لانى انا لم افرمل لكن اهى اى حاجة والسلام -
وكان ردها -ja ja ja-حاجة كدة زي -اة اة اشتغلنى بقى -واللتزمت هى الصمت ولكنى لم افعل بل قمت بفتح الشباك واخرجت رأسى ونظرت للخط الابيض وقلت لها
تصدقى اننا وقفنا قبل الخط الابيض بسنتيمترات قليلة-ولم تعقب وظلت متنحة--حتى مر القطار الملعون.
وبدأت فى التحرك من جديد لم تطلب منى العودة هذا معناة انة هناك امل جديد -واتبعت الافتات التى تؤدى الى ال centrom-وهو يادوبك يمين فى يسار وكلها شوراع هادئة فى يمين اللى بعدة وفجأة وجدت زحمة جامدة جدا وعرفت فيما بعد انى دخلت فى سوق يقام مرة واحدة فى الشهر وعلى حظى كان اليوم دة هو يوم الامتحان(هى ناقصة )دخلت فعلا وكل تركيزى فى اى شىء يأتى من جهه اليمين وكانت من اهم نصائح المدرس هانس وطارق صديقى -وهو ان اذا كان انسان او عجلة او او موتوسيكل او سيارة جاية من اليمين فلها اولوية-وبالفعل وبعد ان دخلت شارع السوق
وجدت بنت شابة ومعها امرأة كبيرة قد تكون امها لانها تشبهها جدا يحاولون تعدية الشارع فوقفت لهن ولكنى فوجئت انهما يقفا مجددا ويطلبا منى المرور وهممت ان امشى فى طريقى ولكنهما تحركتا مرة اخرة فتوقفت وسمحت لهم بالمرور
وتكرر هذا المشهد اربع مرات كل ما اقولهم اتفضلوا اتنيلوا عدوا الاقيهم يقفوا ويقوللولى لا عدى انت-واخر ما زهقت رحت فاتح الشباك وقلت لهم
لو رسبت فى الامتحان ح تكونوا انتم السبب وقتها سمعت ولاول مرة البرفيسورة وهى بتضحك وكذلك فعلتا البنت والمرأة التى معها ولم ينطقن بكلمة واستمريت فى طريقى بعدها طلبت منى البرفيسورة مرة اخرى ان اخرج من هنا واتوجة الى الطريق السريع مجددا وفعلت ولكن هذة المرة كان الطريق خالى تماما- ونزلنا من الطريق السريع ولم يتبقى امامنا الا شارع واحد طولة تقريبا 1 كم ولكن هذا الطريق بالتحديد صعب جدا لانة اتجاة واحد وهناك لافتات على جانبى الطريق واخرى مرسومة على الارض ويجب اتباعها وبتركيز شديد وهو ماحاولت فعلة جيدا ولكن صاحب تركيزى هذة المرة انى فى خلال هذا ال1 كم كنت قرأت كل القرأن اللى انا حافظة-ومافيش على لسانى الا يارب يارب يارب-يعنى عملت كدة زى حسن شحاتة -يارب ياحبيبى يارسول الله-انتهى الطريق وطلبت منى البرفيسورة ان اركن وان اختار المكان اللى اركن فية وبالفعل تعمدت ان اركن مكان السيارة البيضاء التى تحركت -كنوع من التفاؤل وقبل ان انزل من السيارة نظرت جيدا للمرايا الجانبية قبل ان افتح الباب وبالفعل كان هناك عجلة جاية انتظرتها وبعدها نزلت واغلقت السيارة وعند باب الد*** للمكان الذى سوف نجلس فية -قلت للبرفيسورة -اتفضلى انتى الاول
قالت لى --مافيش داعى انك تبالغ هذة الاشياء مهمه فقط فى بلادكم -هوبا -مالها بلادنا بقى -
فقلت لها- هذا حقيقى وانا قادم من بلد تقدر المرأة وتحترمها- ولهذا لن اسمح لنفسى ان امر قبلك
.
ضحكت وقالت كل ما اعرفة ان الرجال العرب يفعلون ذلك ويسمحوا للمرأة ان تكون فى المقدمة لاسباب اخرى!!طبعا لم افهم ما تقصدة الا بعد ان حكيت فيما بعد لطارق صديقى نص الحوار -المهم -
توجهنا الى الداخل ووجدنا هانس فى انتظارنا وملامح الاستغراب واضحة وقال لها لقد تأخرتم كثيرا -قالت لة فعلا عندك حق -كان لابد من وقت اكثر -
طبعا انا قاعد مؤدب ولا كلمة ولا حرف ولا همسة اخرجت هى بعض الاوراق واخذت تتكلم مع هانس وقالت لة
هناك بعض الاشياء التى تنقصة ولابد ان يركز بها جيدا- ولكنى لن اعرضة لمرارة الامتحان مرة اخرى-مع العلم انى انا التى فرملت قبل ان يدوسنا القطار(طبعا هانس مش عارف قطار اية)
وقبل ان ارفع وجهى اليها وهى تتحدث عاجلتنى بكلمة
مبروك-Gefeliciteerd-لم اصدق اذنى خاصا انها لما كانت بالنظارة السوداء كانت اجمل كتير ونظرت لهانس عندما وجدت ابتسامتة وهو يردد نفس الكلمة عرفت انى نجحت ولاحقتنى هى بنصائح مازلت احفظها عن ظهر قلب واعطتنى خطاب تذيلة توقيعها وقالت لى بهذا الخطاب تتوجة الى البلدية وسوف تستلم رخصتك فى الحال وارجوا منك ان
تستخدم الرخصة فيما هو مفيد لك ولغيرك((وارقص ياحسين طبل ياحسين غنى يا حسين -الناجح يرفع ايدة))
فوجئت بعدها بهانس الهولندى يقول لي -كان عندى ثقة كبيرة انك سوف تحصل على الرخصة من اول امتحان وراح حاطط ايدة فى جيبة واخرج فلوس وقاللى هذا هو اخر حصتين هدية لك وهناك مفاجأة اخرى فى انتظارك-طبعا ذهبت الى طارق وقتها وجدتة فى المحل الذى نعمل بة ومعة -سمير صاحب المحل -
واول سؤال -ها عملت اية فى الاول كنت داخل مكشر علشان اخضهم ولكنى فوجئت بسمير يقول لطارق --مش قلت لك؟؟؟
ايدك على الف جيلدر!! طبعا انا مش فاهم حاجة
لكن لقيت ملامح طارق اتغيرت ونظر لى وقال اية رسبت(كان بيقولها وهو ح يعيط) قلت لة لا انا نجحت وقتها ملامح وجهه سمير اللى اتغيرت وانا مش فاهم فى اية ولكنى فوجئت بطارق بيشيلنى وبيبوس فية ويقوللى -انا عمرى ما اراهن على فرس خسران -ايدك على الاف جيلدر ياسمير -وقتها سمير قاللى طيب عاوز اشوف الرخصة
اعطيتة الورق اللى اخذتة من البرفيسورة -قاللى الف مبروك الله يخرب بيتك انت نجحت ازاى
طبعا عرفت فيما بعد ان كان فى رهان بينهم على الالف جيلدر طارق قال انى ح انجح وسمير توقع العكس........
وفى هذا اليوم طلبت من سمير ان يعطينى اجازة لكى اذهب لامستردام وافرح اخى وزوجتى --وبالفعل اخذ سيارتى الميتسوبيشى -واول مرة فى حياتى اركبها قانونى......
يتبع

<!-- / message --><!-- sig -->

[m.genedy]

المسافة بين مدينة - ارنهيم - ومدينة -امستردام- حوالى 110 كم وغالبا اقطع هذة المسافة فى تقريبا ساعة زمن ولكن هذة المرة قررت
ان اتمتع بالطريق وامشي على مهلى وقانوني جدا ومر شريط ذكريات طويل بداية من الحلم بأقتناء سيارة خاصة بى حتى حصولى على الرخصةمرورا بمواقفى مع المانى صاحبى الاسكندرانى ونهاية بطارق صاحبى الاسكندرانى من اصل سويسى-الحصول على الرخصة كان له طعم جميل وهى هنا تعتبر دبلومة معتمدة من خلالها هى فقط يمكنك الحصول على عمل ومن حقك ان تلتحق بدبلومة اخرى تمنحك لقب برفيسور ومن حقك ان تفتح مدرسة قيادة سيارات وايضا يمكنك ان تفتح شركة تاكسى خاصة بيك--وغيرها الكثير بالاضافة الى اهميتها هنا فالحياة هنا بدون سيارة شبه مستحيلة بسبب سوء البرد المستمر وهطول الامطار والثلج الكثيف--الحمدلله حصلت على بلومة اضافية وقبلها كنت حصلت على دبلومة اللغة الهولندية-لم يقف الحلم عند هذا الحد

وبعد ان وصلت امستردام مباشرا واتصلت باخى واخبرتة وكذلك زوجتى التى لم تصدق فى بادىء الامر-(طبعا ليس لعدم ثقتها فى امكانياتى ) ولكن لانها تعرف صعوبة المهمه-بعدها اتصلت بطارق صديقى
وقلت لة على فكرة ان نفتح شركة تاكسى خاصة بينا ورحب جدا وقال انة سوف يسأل على التفاصيل ومعرفة المطلوب-
انتهى اليوم ولم اتمكن من الذهاب الى البلدية ولكن تانى يوم من النجمة كنت هناك ودخلت بقى وانا كلي ثقة .. وبرغم ذهابى مبكرا وجدت حوالى 8 اشخاص قبلى وغالبا انا لا اطيق الانتظار وعندما كنت اذهب الى مكان ووجدت ان هناك 3 اشخاص قبلى كنت ببقى زهقان وقرفان وعاوز امشى.. لكن هذة المرة
كنت حاجة تانية -مبسوط وفرحان ولو واحد قبلى اخد وقت طويل -مسامحة ولا فى دماغى - وجاء دورى
وتوجهت مبتسما وكذلك الموظفة -عندما نظرت لها تذكرت اللكمارقلت لها على سبب مجئيى الى هنا طلبت الاوراق والصور -حمامة - مانا مجهز كل حاجة من قبلها بيوم
نظرت للورق وقالت لي مبروك -قلت لها الف شكر انا حصلت عليها من اول مرة -
نظرت مبتسمة ولم تنطق-كنت فاكر ح تقول برافو عليك ولا حاجة -ماقلتش -
مش مشكلة برضة مسامحها -بعد 3دقائق انتظار كنت مروح ومعايا رخصة تصلح ل10 سنوات..
انتهت الاجازة ورجعت الى -المدينة وش السعد - ارنهيم- وتسلمت عملى وعرفت ان طارق حصل على الالف جيلدر--قابلت طارق وكان حوار جدميل حكيت لة كل حاجة بالتفصيل بما فيها ان -هانس - رجع لى فلوس ووعدنى بمفاجأة اخرى -وقتها طارق قال لي -انا عارف المفاجأة الاخرى!!!
فقلت لة ماهى قال يوم الجمعة القادم ميعاد الجريدة الخاصة بمدينة -ارنهيم - سوف تكون صورتك فيها وهذا اجراء تتخذة مدرسة هانس مع اى حد يحصل على الرخصة من مكتبهم من المرة الاولى..
الله واكبر- صورتى فى الجرنال كمان وقتها فكرت ان بعد يوم الجمعة أأخذ نسخة من الجريدة واوديها لموظفة البلدية.. وابديت ذهولى وفرحتى لطارق كأثر على وقع الخبر وتجاذبنا اطراف الحديث وتطرق الى شركة التاكسى-ولكن طارق بداء يمصمص شفايفة وقاللى
مبدائيا لازم يكون معانا رخصة قيادة تاكسى ومبلغ تأمين يقترب من 200 الف جيلدر-طبعا صدمة-
ولكن لم تذهلنى وقلت لة نبداء--اية المطلوب للحصول على رخصة تاكسى قال امتحان نظرى فى اسماء الشوارع وكشف طبى ورسوم لا تتعدى 300 جيلدر-

اتفقنا ان نبداء فعلا وبعد حوالى شهرين كان طارق قد حصل عليها فعلا وتبعتة بحوالى اسبوع واصبح معنا الرخص بالفعل-
بعدها اتصل بى صديقى المانى وطلب مقابلتى وحدث بالفعل وكان عندة فكرة مشروع مشترك بينى وبينة وان امامة فرصة جيدة لشراء محل(مطعم) وعندما سمعت المطلوب وجدتها فرصة سانحة جدا ووافقت--برغم ان اخى كان معترض جدا-- وقاللى بلاش تشارك صاحبك او بلاش تدخل مع صديقك فى شراكة -ولكنى لم اسمع لها-واشترينا المحل فعلا وتشاركنا وكانت البداية جيدة خاصا وان بسبب المحل تقدمت الى دبلومة المحاسبة الضريبية وحصلت عليها-وقتها كانت السيارة الميتسوبيشى مازلت معى _حمالة أسية-واشترينا سيارة اخرى خاصة بالمحل للبضاعة-واستمر الوضع علية فترة قصسرة وسرعان مادب الخلاف بينى وبين صديقى وشريكى المانى وقررنا الانفصال الذى تم بسرعة غير متوقعة....بعدها قررت العودة للعمل فى ارنهيم برغم انى كنت اتمنى ان اذهب الى اللكمار-ولكنى قلت أأخذ بعض الوقت وعلى مهلي علشان اعرف انا ح اعمل اية؟ذهبت فى احدى الايام الى مقهى المصريين وقابلت احد اصدقائى اسمة -اكرم - من المحلة وصادفت انة كان يبحث عن سيارة ميتسوبيشى ستيشن وقتها شعرت ان الوقت قد حان لان اتخلص من سيارتى حبيبتى-ام السعد - وبالمناسبة ام السعد يبقى الاسم اللى اطلقتة على هذة السيارة وقلت لة ان عندى طلبك -طلب ان يشاهدها ويجربها وقد كان -طبعا ماجبتش سيرة كيس الزبالة ولا الكام خدش ولا سيرة شفط النار والحرارة فى حادثة الشباب اللى بنطلوناتهم واقعة ولا اى حاجة خالص سبتة هو يكتشف كل حاجة بنفسة --ابدى اعجابة بها وان هذا هو طلبة بالظبط ولم نختلف عن السعر - وراحت ام السعد وبعتها لة بسعر قليل جدا قياسا بسعرها الاصلى-واصبحت بدون سيارة لاول مرة منذ سنوات -حتى سيارة المحل اتباعت-
وقلت اختار على مهلى وعلى مزاجى السيارة الجديدة -دلوقتى معايا رخصتى ومعايا فلوس تساعدنى اجيب السيارة اللى تعجبنى-وبعد تفكير وتفكير وتفكير
قررت اشترى -جولف-فولكس واجن-
يتبع

[كومندا]

المحلويه مشرفنا فى كل حته