زحف السياره مع الفرمله ( المشكله و الأسباب والحلول ) بالصور

[fadymedhat]

زحف السياره مع الفرمله القويه والمفاجئه

موضوع خطير اوى

بيحصل بسببه عدد كبير من الحوادث

لذلك حبيت اعمل موضوع عنه نناقش فيه ( تعريفه , اسبابه , طريقة تلافيه )



بسم الله نبدأ موضوعنا


عايزين نعرف يعنى ايه عربيه بتزحف مع الفرمله

معناها ان منظومة الفرامل تؤدى وظيفتها وهى ايقاف العجل

ولاكن الكاوتش يتزحلق على الأرض بفعل القصور الزاتى للسياره ( مما يؤدى الى طول مسافة التوقف )

بالتالى لا يتحقق المراد من منظومة الفرامل وهو التوقف فى الوقت المناسب

[IMG]http://www.**********.net/Nile/images/statusicon/wol_error.gif[/IMG]

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x250.

طبعاٌ وجود جهاز ABS فى السياره يحل المشكله

ودى صورته




ودى صوره بتبين فائدته مع وجود جهاز توزيع قوة الفرمله EBD

[IMG]http://www.**********.net/Nile/images/statusicon/wol_error.gif[/IMG]

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 960x417.

ودى صوره لعربيتين

ب ABS
وبدون ABS

[IMG]http://www.**********.net/Nile/images/statusicon/wol_error.gif[/IMG]

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 610x217.

ال ABS

هو جهاز ملحق بمنظومة الفرامل وظيفته اعطاء السائق القدره على توجيه السياره اثناء الفرمله القويه المفاجئه ( ولا يعمل اثناء الفرمله العاديه )

عن طريق عدم غلق العجل بالكامل

يعنى نتخيل ظهور عائق مفاجئ امام السياره ولاتكفى المسافه لتجنب الأصطدام مع العائق واستخدم السائق فرمله قويه

بدون ABS سوف تستمر السياره بالأندفاع فى نفس اتجاهها بفعل القصور الذاتى ( بالرغم من توقف العجلات ) وسوف تصطدم بالعائق

مع ABS سوف يستطيع السائق تجنب الأصطدام بالألتفاف حول العائق ( بالرغم من استخدامه كامل القوه الفرمليه )


ال EBD

ده بقى قصه مختلفه
هو جهاز مراقب ومتحكم فى حركة الأربع عجلات يمنع واحده او اكثر من الغلق والأخريات فى حالة دوران عن طريق حساسات موزعه على الأربع عجلات

يعنى تخيل انك دوسة فرامل ونص العربيه على اسفلت خشن والنص التانى على الأسفلت عليه ميه

بدون EBD العربيه هتلف حوالين نفسها

مع EBD العربيه هتقف فى خط مستقيم

عند وجود الجهازين فى السياره مع وجود كومبيوتر منفصل يتحكم فى سرعة دوران العجل فى الملفات القاسيه ( بيهدى العجلتين اللى داخل الملف ويترك العجلتين اللى خارج الملف على سرعتهم مما يمنع السياره من الخروج عن الملف )

بيكونوا مع بعض ما يعرف

بال ASR

او برنامج الثبات الألكترونى

ولاكن 90% من العربيات من غير ABS ولا EBD ولا ASR


طيب عرفنا المشكله


بس يا ترى ايه اسبابها ؟

تتلخص مشكلة الزحف فى سببين

1 سوء نوعية الكاوتش

2 خلل فى توزيع القوه الفرمليه للسياره

3 تصميم السياره نفسها

يعنى ايه الكلام ده ؟

يعنى لو

1 الكاوتش

[IMG]http://www.**********.net/Nile/images/statusicon/wol_error.gif[/IMG]

اضغط هنا لمشاهدة الصورة بالحجم الطبيعي.

مش مخصوص للنوع ده من الطرقات ( كاوتش صيفى ويفرمل على طريق مبلل )

او

( الكاوتش بمعامل تماسك ضعيف )

او

( بمعامل سرعه ووزن غير مناسبين للسياره )

او

( كاوتش بتاريخ انتاج قديم فأصبح غير صالح )

او

( كاوتش من مصدر مجهول نسبة المطاط الطبيعى فيه قليله )



كل ده هيخلى تماسك الأطار مع الطريق ضعيف مما يؤدى الى الزحف مع الفرمله القويه وايضاٌ التزحلق الجانبى مع الملفات على السرعه




2 خلل فى توزيع القوه الفرمليه

برده يعنى ايه ؟

لو نلاحظ سوف نجد ان السيارات الألمانى عند الفرمله لا يحدث خلل بتوازنها ( وشها مبيتكفاش على الأرض ) عند الفرمله المفاجئه

ايه السبب ؟

اغلب العربيات الألمانى سوف نجد فراملها من الخلف ديسكات ( سكاكين ) مثل الفرامل الأمامى

ايه فايدة الديسكات ؟



فايدتها انها افضل فى الفرمله والأهم من ذلك انها تعاير نفسها بنفسها اى انها دوماٌ تعوض نسبة الفاقد فى
الفرمله الناتج عن تأكل التيل فنجد دايماٌ ان مستوى الفرمله ثابت لا يتغير بمرور الوقت

بعكس الفرامل الطبل او ( الطنابير المقفوله )

[IMG]http://www.**********.net/Nile/images/statusicon/wol_error.gif[/IMG]

اضغط هنا لمشاهدة الصورة بالحجم الطبيعي.

فى النوع ده من الفرامل ( وده موجود فى اغلب السيارات الرخيصه ) لا تعاير الفرمله نفسها لتعادل تأكل التيل بل يجب ان تعادل انت نسبة التأكل يدوياٌ

دى صوره بتبين نوعين الفرامل الخلف

( اليمين ديسكات والشمال طبل )

[IMG]http://www.**********.net/Nile/images/statusicon/wol_error.gif[/IMG]

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x325.

برده فين المشكله ؟

المشكله لما بيحصل تأكل للتيل الخلفى ( فى السيارات اللى بفرامل طبل من ورا ) الفرامل من ورا بتحتاج كمية زيت اكبر من اللى قدام علشان تحقق فرمله متناسقه ( ورا مع قدام )

فاللى بيحصل انك تدوس فرامل مفاجئه

الفرامل على العجل الأمامى تمسك

اللى ورا ممسكوش العجل ( محتاجين ضغط زيت اكبر )

العجل الأمامى توقف عن الدوران ولاكن الخلفى ما زال يدور ويدفع السياره للأمام

وهو ده الزحف اللى بنشوفه



3 تصميم السياره

طبعاٌ كلنا متفقين على شوية اساسيات

1 السياره الواطيه افضل من السيارات المرتفعه فى الأتزان والثبات وايضاٌ الفرمله ( لأنخفاض مركز الثقل )

2 السياره التى بها نسبة توزيع وزن 50% فى الأمام الى 50% فى الخلف هتكون افضل فى الثبات والأتزان والفرامل ( لتساوى نسبة توزيع الوزن )

3 السيارات صاحبة الشاسيه الأعرض والأقصر تكون افضل فى الأتزان والثبات والفرمله ( لآفضلية توزيع الوزن )

4 السياره اللى بفرامل سكاكين ورا افضل من اللى بفرامل طبل ورا

5 اكيد طبعاٌ تصميم العفشه نفسه ( متصله او منفصله , رياضيه او عاديه ) بيفرق كتير فى قوة الفرمله ومسافة التوقف

دى صورة عفشه متصله

[IMG]http://www.**********.net/Nile/images/statusicon/wol_error.gif[/IMG]

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 950x489.

ودى صورة عفشه منفصله

[IMG]http://www.**********.net/Nile/images/statusicon/wol_error.gif[/IMG]

اضغط هنا لمشاهدة الصورة بالحجم الطبيعي.

طيب جميل اوى احنا كده عرفنا

1 المشكله

2 اسبابها



يبقى باقى ايه ؟


3 الحل

الحل هنا فى جزئين مكملين لبعض

1 هنغير الكاوتش

بنوع افضل و تماسك اعلى

[IMG]http://www.**********.net/Nile/images/statusicon/wol_error.gif[/IMG]

اضغط هنا لمشاهدة الصورة بالحجم الطبيعي.

ويا سلام لو كان اعرض نبقى كده عملنا الصح

وان شاء الله الموضوع ده هيفيدكم فى اختيار الكاوتش الجديد

http://www.**********.net/Nile/314227-a.html (المفيد فى تركيب الكاوتش الجديد بالصور)

2 هنرجلش فرملة اليد بحيث انها توقف العربيه تماماٌ من ثلاثة الى خمس تكات

كده هنبقى عوضنا فرق التأكل فى التيل الخلفى و ايضاٌ رفعنا مستوى بدالة الفرامل عند الفرمله

وان شاء الله لو نفذنا الحلين دول هنقضى على المشكله دى تماماٌ


فى حل

3 ولاكن لايصلح لكل الناس

وهو

تعديل مكونات العفشه بتركيب ( عفشه رياضيه , تركيب سكاكين ورا )

وده انا بعمله فى الانوس والنوبيرا وبيدى نتايج مبهره

صورة فرامل سكينه امامى

[IMG]http://www.**********.net/Nile/images/statusicon/wol_error.gif[/IMG]

اضغط هنا لمشاهدة الصورة بالحجم الطبيعي.

صورة فرامل سكينه خلفى

[IMG]http://www.**********.net/Nile/images/statusicon/wol_error.gif[/IMG]

اضغط هنا لمشاهدة الصورة بالحجم الطبيعي.

اتمنى ان اكون افدتكم بهذا الموضوع

لاتنسونى من دعائكم
منقول..

[adamlion]

تقرير ممتاز واكثر من رائع تحياتى .ادم

[alexawy_ali]

الله ينور عليك ..

[احمدناصر]

تقرير رائعة جدا
جزاك الله خير

[dr_eslam_66]

إيه هيا الأجزاء الي محتاج أغيرها في الفرامل للتعديل من طنابير لسكاكين؟
ياعني بس بغير الطنبورة بواحدة ديسكات تكون ليها نفس أماكن التثبيت ونفس القطر علشان ما أغيرش الدشمة بتاعت الفرامل كمان ولا لازم كله يتغير ولما أغيره طريقة التركيب بتبقى عاملة إزاي.
لو كملت جميلك وشرحتلنا الموضوع بالتفصيل أكتر يبقى كتر ألف خيرك لأني السؤال دا بيدور في عقلي بقاله فترة كبيرة وسألت والله عليه هنا في المنتدى لاكن ما حدش أفادني.
أنا بسأل للمعرفة.
بفكر أغير فرامل الصني الشكل 2011 الخلفية لأنها بيها إيه بي إس ولاكن مش قد كدة بصراحة وبردو فيه زحف ولاكن بسيط فا بفكر في التعديل ومكوناته وتكلفته وكيفية تنفيذه.
وفيه ديسكات فرامل أنا بشوفها راكبة في عربيات سبور شوية زي بي إم مثلا أو غيره تعديلات علي فكرة مش بتاعت المصنع برضوا بيبقى قطر الديسك كبيييييير قوي وعليه نقشات وتقسيمات بتحسن من قوة تماسك التيل على وش الديسك وكان نفسي أعرف دي بتتجاب منين وبتركب إزاي.
لو تحب ممكن أصورلك صورة فرامل منها في عربية واحد صاحبي بي إم 325 بس موديل 94 وهوا مشتريها بيها علشان كدة أنا ولا هوا عارفين بتتجاب منين.