|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#6
|
|||
|
|||
رد: الحقونى يأهل التويوتا
السلام عليكم ورحمة الله
شكرا لكل الى فادونى فى الرد بس انا جاتلى فكره قبل ما اقرر اجيب موتور ولا لا انى احسب ثمن الحاجات الى هشتريها للعمره واشوف ؟لو عدت 2000جنيه يبقى احسنلى اجيب ماكنه جديده ثانيا فيه ناس قالولى ان الماكينه المستورده بيكون ليها مده تجربه شهر برده عايز رايكم وشكرااااا |
#7
|
||||
|
||||
رد: الحقونى يأهل التويوتا
واحد قالهالي حكمة و مصدقتهوش الا لما اتكويت بنار العند! شراء العبد ولا تربيته! لما عملت عمرة لل 128 مع انها عربية الشعب طلعت عيني و روحي مع اني روحت اشتري قطع الغيار من فطاحلة الفيات و حاجات لاقيتها برازيلي و حاجات تايلاندي و حاجات ايطالي يعني انا وحدت قارات العالم كلها في موتوري و ببص لقيت خامات بس كلفتني 1800 جنيه!!!! خراط خد 450 جنيه!!!!!! و ميكانيكي 180 جنيه و كهربائي 100 جنيه بالعافيه!!!و قرف ما بعده قرف و العربيه خلصت بعد اسبوع بالخناق و الضرب و ببص بحسب الحسبة لقيت العربيه كلفتني عمرة 3000 جنيه بقول كده للصنايعية و بوريهم الحسبة يقولولي بس انت كده احييت العربيه! التوابع! تزنيدة رهيبة في الموتور زي ميكون الموتور من غير قواعد و بحس برجة و هزة الموتور في الفتيس و العربية كلها ! وديتها لكذا ميكانيكي مفيش فايدة و كله يفتي و يفتكس و ياخد فلوس و مفيش فايدة! غيرت كاوتش الكبالن 3 مرات علشان اهمال الميكانيكي تسبب في قطعهم لانه اصلا بيتعامل مع خرفان ميعرفش يعامل عربيه! و في الاخر غيرت الكبالن نفسها!! غيرت طقم كهرباء مرتين ! الاقي زيت نازل تحت العربيه و كل شوية يقوللي اولسيه مش عارف ايه و جوان مش عارف ايه و كل شوية واحد يغيرلي حاجه و اشتري يا معلم و حاسب الاسطى يا باشا ! الخلاصه التوابع كلفتني بتاع 700 جنيه تانيين علشان الموتور يفوق بس التزنيدة لسة موجوده لحد ما اديت العربيه لاخويا و اشتريت عربيتي الحالية الحمدلله و لسة موجودة عنده ( التوابع دي حصلت في خلال شهر من بعد العمرة ما عدا التزنيدة ظهرت اول ما العمرة خلصت و انا اعتقد انها ليها علاقة بتثبيت الموتور و الفتيس) فايه رأيك تتبهدل اسبوع و بعديه شهر ( الا لو كانت امك داعيالك صبح و ليل ساعتها حتتبهدل 4 ايام بس) واللا تاخد بعضك زي الباشا تنزل مشوار للحرفيين تشوف المحل اللي بيشتغل في عربيتك تسيبله العربيه 5 او 6 ساعات تتمشى و تروح لابوار تشرب حاجه و تاكل حاجة حلوة و ترجع تلاقي العربيه ركبلها موتور جديد و دايرة بيجربوها تحاسب و تمشي؟ و لو ظهر حاجه او الموتور مش عاجبك خلال اسبوع او شهر ترجع تاني يشيلوه و يغيروه في كام ساعة برضوا؟ و كده كده حتدفع اقل
|
#8
|
||||
|
||||
رد: الحقونى يأهل التويوتا
ونفذ فصص موتورك وشوفه عاوز أيه وقارن بين المطلوب وشراء مكنه أستيراد لو المطلوب زى مابتقول مش حيتعدى 2000 ج كله على بعضه ( حتى لو حتغير بساتم كمان ) ولقيت قطع غيار أصليه وصنايعى شاطر يبقى العمره أضمن بس شرط يكون البلوك سليم والكرنك سليم دى أسس عمرات المحركات وسيبك بأه من أى واحد بيفتى ويقولك كلام هو مش عارف أساسا بيقول أيه طبعا ده مش موجه لشخص معين عندنا هنا فى مصر موتورز ولكن ده الكلام العلمى والعملى السليم _________________________ عمرات المحركات بتبقى عامله زى شغل الطبيب لقى المريض رجله تتعالج وفيها الأمل ....بيعالجهاله وبترجع زى الفل ( ولا كأنها أتعالجت ) بس لازم يكون أيه طبيب شاطر ملقاش فيها أمل .......بيقطعهاله ويركبله رجل صناعى
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
#9
|
||||
|
||||
رد: الحقونى يأهل التويوتا
|
#10
|
||||
|
||||
رد: الحقونى يأهل التويوتا
ماهو الفرق بين مكنة سياره تويوتا ومكنة سياره لادا أو مكنة أى سياره كمكونات ميكانيكيه بغض النظر عن كفاءة الخامات وجودة التصنيع للمكونات
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
|