اى حد محتاج اى معلومه عن رينو

[avocato_mm]

ياريت اهم عيوب الكليو 2002
وسعرها لو بحلة جيدة جداً ومكسرتش 100 الف كيلو تعمل كام؟
وعيوبها ازاي اتجنبها

[avocato_mm]

ايه يابوب يعني مردشت

[POP EL GAMED]

المشاركة الأصلية كتبت بواسطة المفكر بــــــــــــوب الجامد موضوع فعلا جامد وفعلا لن يشعر بقيمة الرينو إلا من امتلك رينو وبرغم إني معايا رينو 9 قديمة إلا إني حاسس بالفرق وشكرا على موضوعك القيم

العفو يا باشا وارجو ان الموضوع ده يكون افاد الناسptmnlo123per122

[POP EL GAMED]

المشاركة الأصلية كتبت بواسطة avocato_mm ياريت اهم عيوب الكليو 2002 وسعرها لو بحلة جيدة جداً ومكسرتش 100 الف كيلو تعمل كام؟ وعيوبها ازاي اتجنبها

مفيش عيوب منتشره فى الكليو غير هو عطل بيحصل فى طلمبه البنزين لو انت من النوع اللى بيوصل التانك للزيرو كتير الموتور بتاعها بيضعف ومع الوقت بيفصل
وحلها بسيط جدا انك تعتبر التانك 3 ارباع يوصل عند الربع وتمون وخلاص الطلمبه مش هيتضغط عليها وهتعيش ومش هتحتاج تغيرها بأذن الله والسعر حسب الخاله وحسب لو هى 2002 الشيب القديم او الجديد وهى لو الشيب القديم ممكن تعمل 35 الف وربنا يوفق
وبعتذرلك عن التأخير فى الرد

[islamnossir]

المشاركة الأصلية كتبت بواسطة hossamhussein0 أخي العزيز نوع و موديل السيارة يفرق كثير في وصف الداء و الدواء و سيادتك مش كاتبه ،، عموما و بصفة عامة هناك عيب هايف جدا و ممكن يكون مزعج جدا و هو تلف مربعة الدركسيون (وهي جزء كل وظيفته في الحياه أن يربط ما بين وصلات العمود الحديدي المربوط في القطمة (طارة الدركسيون) و رايح علي علبة الدركسيون ) وهي بتكون شكلها مربع و معدنية من الخارج و بها حشو كاوتش داخلها جلبة حديد في كل اتجاه من الاثنين ،،،، و اذا كان ذلك هو العيب هتسمع صوالطقة بوضوح جدا داخل الصالون و مش هيكون له وجود من بره سواء عند العجلات أو علبة الدركسيون بحوض الموتور و لو كانت هي فعلا العيب يا ريت تشتريها استيراد لان المصري بتاعها وحش قوي و عمره قصير جدا أما إذا كان العيب بخلاف ذلك هيبقي تشخيصه علي حسب طبيعة الطقطقة نفسها جيب العجل كله يمين للاخر و لفه كله للشمال بسرعة منتظمة و متوسطه بدون توقف و حاول تركز في الصوت فاذا كانت الطقطقة مستمرة في الظهور و بشكل منتظم اثناء استمرار حركة الدركسيون ممكن يكون من العلبة نفسها (سن من الترس ناعم شويه و بيتزحلق من علي سن الاكس) داخل العلبة و هناك علب يكون متاح فيها احكام ذلك الخلوص (بوش العلبه) و هناك البعض ليس به تلك الخاصية و عليك اما بطقم اصلاح أو علبة جديدة واذا كانت الطقطقة مستمرة في الظهور و بشكل غير منتظم ممكن يكون بيض الطرف أو بتاع المقصات به خشونة و يحتاج تزييت حتي علي الاقل و ده برضه هيعمل طقطقة و تزييقه كمان اذا ما حاولت تهز العربية فوق و تحت جامد (إفتح باب السائق و دوس عدة مرات علي العتبة برجلك م دفع السقف باليدين) أما إذا كانت الطقطقة بتظهر اول بدأ عزم الحركة فقط و تتكرر كلما توقفت و بدأت الحركة من جديد ممكن يكون فيه شرخ بسيط في الصاج تحت علبة الدركسيون و هناك احتمال أخير ضعيف جدا لا يتعدي 5% ان يكون الكوبلن الخارجي فاضي من الشحم و الصوت ده من الشبكة الداخلية و البلي الداخلي بتاعه ،، بس ده ما يحصلش الا لو كانت الكبالن اصلا تعبانه و بتطقطق في المشي من فترة و بالتالي البلي جوه الكوبلن فارط برضه حاول تبقي بره العربية و توطي ناحية العجلة اليمين و الشمال و تخلي حد ثاني يجيب يمين و شمال للاخر و حاول ان تتعرف علي مصدر الطقه هل هي في الجانب الايمن أم الايسر هل هي ناحية العجلات أم ناحية علبة الدركسيون أم في الصالون .

العربيه ميجان 2005
عندى صوت الطقطقه منتظم عند تحريك الدريكسيون
و صوت تزييق واضح عند هز السياره للاعلى و للاسفل