فضفضه و محتاج حد يرد عليا (الاستاذ محمد ابيزا)

[johnny161094]

انا شوفت موضوعات كتير و بصراحة استفدت كتير اوي بس مش كل تساؤولاتي لقتها لو ممكن حد يرد علي تساؤلاتي يبقي خدمن كتير جدا و شكرا جدا ليكم

[johnny161094]

هو ممكن حد يرد عليا بعد اذنكو و خصوصا في موضوع قطع الغيار الابيزا 94-99 لاني مش لاقي في المواضيع الا اسعار 2001 و برضو لو ممكن مقارنة سريعة بينها و بين الاكسنت 1500 سيسي الفول اوبشن والتمبرا ال1400سيسي و لابيزا الي انا بموت فيها و انهي احسن من جهة السبات و قطع الغيار و ايه الي يعيش و يستحمل اكتر و من حيس السعر و السفر مع العلم اني شاب و لسه بدرس و انا الي هصرف عليها و ممكن اخصص 250ج ليها في الشهر ارجو الرد

[Injection]

قطع غيار الأبيزا سعرها متوسط مش غالية ولا رخيصة جدا زى قطع غيار اللانوس مثلا ومتوفرة.

الأكسنت كماليتها أحسن وأكتر من الأبيزا وقطع غيارها رخيصة وفى كل حتة, بس مبتستحملش شغل كتير وبتعطل كثير نسبيا كل شهر مرة أو كل شهرين مرة غالبا لردائة مكونات الصناعة الكورى, فالقديم منها بيبقى مستهلك غالبا وهيفتح معاك بلاعة فى مصاريف الصيانة.

السيات صناعة أسبانى جميلة شكلا وأعتمادية ميكانيكيا وبتعيش كتير نظرا لأن بقالها 16 سنة ولسه بتتباع, مشكلتها الوحيدة أنك صعب تلاقى واحدة حالتها نضيفة.

أما التمبرا فمعرفش عنها حاجة خالص.

ودعبس فى المنتدى شوية وهتلاقى فى كل قسم معلومات عن العربيات اللى فى دماغك.

ومبروك العربية الجديدة مقدما.

[mohamed ibiza]

المشاركة الأصلية كتبت بواسطة johnny161094 اهلا بيكم و ياريت تقبلوني معاكم في المنتدي الرائع دة دي اول مرة اشترك في منتدي وعاوز مساعدة الخبراء يا استاذ محمد ابيزا انا بعشق حاجة اسمع ابيزا شكلا و موضوعا و كان ليا كذا استفسار عنها عشان انا نفسي اشتريها عاوز اعرف كل حاجة فيها يعني مثلا انا بهتم جدا بالحاجة الي معايا و مدام بتريحني هديها كل الي معايا عاوز بس اعرف هي 1000سي سي حلوة يعني ممكن اسافر بيها مطروح و انا مشغل التكيف و ماشي علي 120 مثلا و لا دة يبقي قرص علي العربية ؟؟ و بعدان انا مع حبي الكبير لي شكلها بس خوفوني منها انها مع الشباب دايما و عشان تشتري وحدة لازم يكون حلاتها خربانة !!! انا ممكن استحمل اي حاجة غير انا الشاسية و العفشة و الماتور يكونو خربانين عشان انا معنديش اي خبرة فيهم اما بقي لو مثلا جنوط تتغير طنابير تيل فرامل علبة دركسيون كهربه اسبراتير موبينة اي حاجة تانية استحملها و عاوز اعرف ثبابتها قد اية اقصي سرعة ليها و كيفيه صيانتها و الحفاظ عليها و تاخد مني مصارف ايه شهريا انا ممكن اخصصلها 250ج شهريا مش اكتر من كده لاني لسه مبشتغلش :] و عاوز اعرف سعرها يكون كام دلوقتي و تكيفها حلو ولا طبعا فيها سنتر و زجاج كهرباء و لو مفهاش باور اركبه مفيس مشكله انا اسف علي الاطالة بجد بس انا هتجنن عشان بموت فيها و كل الحاجات دي مخوفاني و بيعقدوني منها و انا بحترمها جدا فياريت تجاوبني بسراحة اسف مرة اخري

محرك ال 1000 سي سي هو محرك اقتصادي صغير مخصص للبلد و توفير البنزين .. مش هيقولك لا في السفر و التكييف و هتمشي 120 عادي بس طبعا هيبقي تحميل عليه لانه صغير و موتور بلوك المونيوم مش زهر انما لو جبت ابيزا 99 1400 سي سي ساعتها عادي مش هيبقي فيه اي تحميل ولا حاجة او ابيزا 94 1300 موتورها حالته نضيفه مش هتقولك لا برضه الموتورين دول بيستحملوا جدا

ثباتها ممتاز طالما عفشتك سليمة و عربيتك في ارتفاعها الطبيعي و كوتش مقاس صح او جنط 15 ثبات هيكون احسن لكن هي بجنوطها الاصليه ال 14 ثابته جدا

سرعة قصوي انا موتوري ماشي فوق 400 الف كيلو و حاليا سرعته بتجيب من 160-170 انما لو موتور بحالته و ممشيش كتير تجيب بتقرب علي ال 200 اللي هي سرعة العداد القصوي

موضوع 250 في الشهر ده مش مقياس .. و مينفعش اولا العربية دي مش استهلاكية في قطع الغيار ظبطها بس و صلح اللي مش مظبوط فيها و هي تمشي تمام متقولش لا اما موضوع 250 في الشهر ممكن تيجي فجأة مثلا يعني فردة كاوتش باظت ! طرمبه بنزين قطعت او موبينه قطعت الحاجات دي مش بتحصل كتير بس ممكن و دول اسعارهم معديه المبلغ ده الموبينا استيراد 300 و الطرمبه الاوريجينال الالماني ب 450 تقريبا و هكذا

قطع غيارها في المتناول و اقل من اسعار قطع ال 2001

لو حابب تعرف اسعار بعض القطع قولي حاجات محددة و هقولك ان شاء الله

[johnny161094]

شكرا جزيلا علي الرد الاستاذ محمد ابيزا كبير الابزاوية ذي ما بيسموك هنا في المونتدي و الف شكر للاستاز injection بس انا عاوز اعرف هو في 99 1400 سيسي استاندر يعني دة الفبريكة بتاعهه ؟؟ عشان انا خايف اجيب واحدة متسقطلها ماتور بسراحة عشان سمعن ان الاحسن اني اجيب واحدة بماتورا الفبريكة ؟؟
و انهي احسن ال94 1300سيسي ولا ال99 1400 سيسي من جهة الاسعار قطع الغيار و الفرق ادية في سعر العرابية و من المشاكل و الصيانة
و بالنسبة لقطع الغيار الي نفسي اعرفها هي فوانيس الرنجات باللنس بتوعها امامي و الفوانيس الي ورا
وهل ممكن اركب لنسات في كشاف الشبورة (اصدي الس بيبقي تحت شويه )
تطنابير اممي و حلفي موتور ال1400 بتاع 2001 يركبلها ولا لا وبكام بكل حاجتة كامل ؟؟ وده حلو ولا ولو مش حلو ايه الي اركبهولها احسن منو مع العلم اني مشعاوزة يبقي غالي اوي ؟؟
تيل الفرامل ورا وادام و سير الكاتينو والدنمو و مساعدنها الالماني
دفيرة الكهربة كاملة والفلاتر بس فلتر الهوا الاسبور بردو بكام و الديفل كامل يعند من اول السلندر بتاع الماتور لحد الاخر و الكبالن علبة الدركسيون بالباور
والسمكرة الدوكو و البوجيهات التلاته شمعة والاسلاك بتاعتهم و اذاي انضف الانجكشن مع العلم اني برتاح اكتر للحاجة الجديدة الاصلية وخصوصا قطعة الغيار الالماني واقدر اشتريها منين و عاوز بردو اعرف ميكانيكي وكهربائي كويس للعربية اقصد اقول استاذ عشان انا بصراحة شكاك وبخاف يطنصب عليا و لو هعمل الكلام دة في التوكيل يبقي احسن ولا اية ؟؟ واكشف علي العربية في التوكيل لما اجي اشتريها ولا فين ؟؟ مع العلم انا ساعن في شبرا يعني قريب من وصط البلد و التوفيقية و المهندسين والذمالك وكدة
و انا عاوز اجيب العارابية واعمل فيها كل دة مرة واحدة انشلا حتي اعد شهر كامل بعمل فيها فيستحسن يبقي معايا كام لما اجي اشتري انا ممكن استني سنة كدة ولاحاجة عشان اقدر اعمل كل دة اول لما اجبها و يا باشا مهي العربية لو مصرفتش عليها ال250ج في الشهر هحوشهملها ينعني لو بعد تلات اشهر كانت عاوزة حاجة هيبقي معايا 750 ج :] وهل العربية تستعمل تعد كمان تمن سنين معايا انا مش هعرف اغيرها قبل كدة و بعدين بصراحة هي لو مريحاني ممكن مغيرهاص خالص الا بقي لما ابقي اتجوز واخلف ولا ويكبرو شوية كمان هههههههه
معلش انا عارف اني رغاي بس بجد انا بعشق العربية دي اوييييييي و اسف جدا علي الاطالة