ايه هو الفرق بين الفيرنا و i10

[sewsew2005]

اخواتى انا عضو جديد اول مرة اسجل وعجبنى المنتدى جداااااااااا

كنت بفكر اشترى هيونداى i10 عجبتنى بصراحة ولما نزلت سالت على سعرها لاقيتها اغلى من الفيرنا استغربت جداً ، مع ان الفيرنا اعلى منها فى الموتور والعزم ، وسالت ايه السبب وخصوصاً ان الموديلين من شركة واحدة ( هيونداى ) ، وما لاقتش جواب واضح عند حد ، اتمنى من خبرتكم الكبيرة ديه انكم تفيدونى ايه سبب ارتفاع سعر i10 عن الفيرنا ، ومين افضل من التانية واقل فى الصيانة طبعاً شكرااااااااا

[moustafa.peace]

اولا مينفعش المقارنة لان دول فئتين مختلفين تماما واحدة هاتش باك والتانية سيدان
كل الفكرة ان الفيرنا مكونات كورى لكن بتتجمع هنا عند ابو غالى
لكن الاى تن مكونات كورى تجميع هندى وبصراحة هى غالية اوى على عربية 1100 سى سى
لو معاك فلوسها طبعا الفيرنا وانت مغمض

[احمد على 1999]

هو زيى ما قال الاستاذ مصطفى
بس احب اضيف
حسب الاحتياج
يعنى مثلا لو هيا اول عربية و حضرتك عندك اسرة يبقى اكيد الفيرنا اكثر عملية
لكن لو ديى عربية لاستخدام بسيط على اساس ان فى عربية تانية اسرية و كبيرة و تنفع للسفر يبقى اكيد ال i10
تفسيرى ليه ال i10 اغلى ؟
لان جودتها اعلى
الجودة دى بتوفر كتير

[sewsew2005]

شاكر ليكم جدااااااااااا ، الحقيقة هى اول عربية وليا انا مش اسرة ولا حاجة ، كنت بستخدم عربية والدى ونوعها كيا برايد سيدان ، معلش سؤال تانى ، هى الافضل ولا البيكانتو ؟

[tham1010]

طبعا الجمارك وكدة بتفرق. كمان الشكل ولانها احدث من الفيرنا فالإقبال اكثر وخاصة من الشباب. يعنى الحكاية عرض وطلب.. اعتقد الفرنا افضل لو الشياكة مش تهمك