عن الترخيص

[yasssser]

السلام عليكم

واحد عايز يشترى عربية ورخصة العربية باقى فيها شهر واحد، الأفضل يشترى بتوكيل ولا عقد مسجل.

ونفسى أفهم الفرق بين التوكيل والعقد المسجل بالتفصيل الممل

[handtools123]

لا طبعا يعمل عقد بيع مسجل فى الشهر العقارى على طول عشان التوكيل بيتعمل للشخص اللى أيشترى لما يكون فاضل مده على أنتهاء الرخصة مثلا 6 شهور على الأقل إنما لو شهر والرخصة تنتهى فالأحسن أنى أعمل عقد مسجل فى الشهر العقارى على طول

[fadymedhat]

العقد المسجل يعنى الرخصة الجديدة تكون باسمك....بينما التوكيل بتكون الرخصة باسم صاحبها الى اشتريت منه و بيعملك توكيل تمشى بيه و الافضل العقد المسجل........

[svneleven]

و ان كانت متأخرة لكن ما يدرش.
طبعا العقد المسجل هو الصح لكن الناس بتيعد عنه عشان توفر مصاريف التسجيل.
الاتنين بيتعملو في الشهر العقاري لكن العقد المسجل تروح بيه بعد كده المرور و تعمل نقل ملكية و تنقل الرخصة باسمك. التوكيل بقي مجرد ورقة بتتكلف حوالي 20 جنيه و بتقول انك ممكن تبيع لنفسك أو بمعني أصح ممكن تسجل لنفسك (عقد مسجل يعني) و في الحالة ديه بتفضل الرخصة باسم صاحبها لحد ما تنتهي و ساعتها تكون مضطر تروح تاني تسجل لنفسك و تطلع علي المرور ترخص باسمك.