تقرير مفصل مصور لمقابله الاحلام .....!!!!!

[hazem_khidr]

المشاركة الأصلية كتبت بواسطة corsair ههههههههههههههههههههههههه هههههههههههههههههههه والله انا مش قادر امسك نفسي من الضحك منظري في البيت بقا وحش ههههههههههههههههه احلي حاجه حازم خضر عامل زي اللي دعك الفانوس وطلعله احمد بدر وملازمه في ظهره ههههههههههههههههههههههههه ه

ههههههههههههههههههههههههه هههههه
رغم اني مقرر ما ردش علي مراجيحك لكن بصراحه مش قادر امسك نفسي من الضحك
تعليق في الجون ممكن اديه افضل تعليق في المقابله

المشاركة الأصلية كتبت بواسطة AboNoRa لا والنبى يا عم علاء بلاش الكلام اللى يودى جمب ايمن نور ده احنا كده زى الفل وكفاية اللى بينا محبه وخير ومتجمعين على اسم مصر يبقى اجمل نكون اسرة مصرية مفيدة للمجتمع احسن ما نبقى زى بتوع البولوتيكا انا حبيت أخر ردى على الموضوع ده علشان عندى كلام كتير المرة دى اولاً مفيش شكر يكفى الناس اللى تعبت فى التحضير للمقابلة على مدى ايام قبليها وكلفت نفسها جهد ووقت وفلوس لأستضافة واسعاد اعضاء مصر موتورز ولا فيه شكر يكفى الناس اللى تحملت عناء السفر من الاسكندرية او القاهرة لحضور المقابلة ولا فيه كلمات تعبر عن سعادتى باكتساب اصدقاء واخوة جدد زى ابو الاسعاد والكومى احمد ومحمد وباسم واحمد الشناوى وسيف الدين واستاذ عماد لكن اقدر اقول ببساطة وبمنتهى الوضوح ان اعضاء مصر موتورز بيدونا كل يوم دروس عن الرجولة والجدعنة والحرية والتواصل والعمل الاجتماعى بدون مقابل مادى وديه دروس مقابلة طنطا 1. ممكن ناس من القاهرة وناس من اسكندرية وناس من المحلة مهندسين ودكاترة ووكلاء نيابة وطلبة واعمال حرة شباب تحت العشرين وفوق التلاتين وفوق الاربعين مجرد انهم مصريين يسافرو ساعات علشان يرحو طنطا يقابلو ناس ميعرفوهمش بس علشان يتشاركو معلومة بصدق او رأى بحرية او كلمة طيبة او ابتسامة من القلب اذن فيه ناس مؤمنه وفاهمة قد ايه الحجات ديه اغلى من الفلوس والمصالح 2. درس تانية ابو الاسعاد : شاب خلوق متواضع طالب فى كلية قمة عليه التزامات وواجبات ربنا يقوية ويبقى احسن مهندس مصرى ان شاء الله ضحى بايام من وقته لتنظيم مقابلة مدتها ساعات وحتى اذا كان اجازة كان ممكن يستمتع بوقته بمليون طريقة تانية بدل التعب اللى تعبه ده كله اذن قيمة الوقت مش باستمتاعك الشخصى بيه لكن بقيمتك عند الناس وافادتك ليهم واستمتاعهم بصحبتك ابو الاسعاد فكر واتحرك ودفع من جيبه علشان يعمل استيكرات مصر موتورز كان ممكن يعمل لنفسه بس وكان ممكن يطلب قيمة طباعتها بس حتى مش مجهودة ولا وقتة لكن قدمها للناس مجاناً مستناش الإدارة تعمل ووتنفذ لكن فكر واتحرك وعمل بمنتهى الحرية والابداع اذن نستفيد مش محتاج تطلب من الناس فلوس علشان يثبتو دعمهم ووفائهم للموقع الناس من نفسها بتعمل ده وممكن تضحى بوقتها ومجهودها وفلوسها اكتر ما انت تطلب بس الفرق ان فى الاولى الدعم هيبقى من قلوب وصفاء نوايا الناس لجيوبك لكن فى التانية هيبقى من الناس للناس من القلب للقلب من غير رياء ولا مصالح ولا ماديات نتعلم ان الإدارة مش هيمنه على الاعضاء وسيطرة على كل شىء لكن الحرية والثقة فى الغير تخلى الناس تبدع وتفكر وتنفذ اسرع وافضل اتصل ونظم مقابلة مالكى السيارات الصينية الاولى فى مصر موتورز وادنا (قدملنا) صورة واقعيه عن اغلب واكثر السيارات الصنيه انتشاراً شوفنا العربيات وشوفنا اصحابها سمعنا المعجبين بعربياتهم واللى بيشتكو حتى استمتعنا بالفيرنا وهى بتعدى من الالنترا للحاق بالام 11 والانوس وال 516 بيتفرجو عليهم يعنى لا هو إدارى ولا مشرف بس قدملنا وجبه دسمة بخبرات ومعلومات وقيمة اجتماعية اجدع إدارة بمؤسسينها بمشرفينها بمدرينها محتاجين شهور لتنظيمها وتحقيقها بصراحة فيه حاجات كتير انا شخصياً اتعلمتها واستفدت منها فى المقابلة ديه واكدتلى ان لسه فيه حاجات كتير هنتعلمها ونستفيد بيها من مجتمع مصر موتورز

اولا مش عارف بجد اشكر حضرتك ازاي علي تشريفك لطنطا فعلا طنطا كانت منوره بيك و بكل اهالي مصر موتورز الي من خارج طنطا

ثانيا بجد الكلام ده كتير عليا اوي
انا اتصرفت بحب و بالي جوايا سبت نفسي تتعامل مع الموقف لوحده فطلع النتايج كده و ده دليل علي مدي نجاح اداره مصر موتورز الي تخلي اعضائها يحبوها كده و يقطعولها اميال عشان نتجمع

البدايه كانت منك يا وائل باشا حرثت الارض و نضفتها و حطيت البذره و سقيت الارض و سبتها تبكبر وبتراعيها وده سر نجاح اعضائها ان حضرتك بتراعينا و بتكبرنا و بتلبي ندائتنا
شاعرنا اننا كلنا ايد واحده
واقعي في كلامك و بتنفذه مش بترسم علي بحور من المياه

انا و الكومي معلمناش حاجه واتمني ننظم مقابلات تانيه وتالته لاننا عرفنا يعني اي مقابله و اي احتياجاتها فدي كانت بدايه و تجربه ناجحه والدور علي الباقي الاعضاء فهمو اي يجمع شملنا عشان كده عندي كامل الثقه ان مقابله الاسكندريه احلي و الي بعدها احلي
كل يوم مصر موتورز بتكبر بيك يا كبيرنا فلازم مقابلاتنا تطورت و تتغير و تناسب جميع الفئات بجميع الشخصيات وده دور كل محافظه بتجديدها في المقابله

وكنوز الدنيا كلها ولا تساوي معرفه شخصيه محترمه من مصر موتورز
اي معني الفلوس وانت قاعد بالبيت لوحدك لا ليك صاحب ولا بتستفيد بعلمك ولا بخبرتك

الحياه علّم و اتعلم

فعلا ليا الشرف ان اتعرفت علي حضرتك و اتشرفت جدا برد حضرتك

تقبلو جميعا خالص تحياتي

[مهند النجار]

انا عاوز احضر الجاية

هي فين في الداون تاون

اصل المكان دة قريب اوي من بيتي

انا ف حتة اسمها الحضرة

او الخشب ع السريع

المشاركة الأصلية كتبت بواسطة phantiza صدقني يابيسو انا زعلت اوووووووي اني معرفتش ارجع ليكم تاني واخدت قرار ان شاء الله مش رايح الشغل يوم الجمعة (مقابلة اسكندرية) واقفل العيادة عشان خاطر الناس الحلوة الي بجد قعدتها متتعوضش

دكتور عمرو حبيب الكل

ميه ميه ياغالي ونسافر سوا بعون الله
نتقابل قريب ان شاء الله عشان ندبر امورنا

تقبل خالص تحياتي

المشاركة الأصلية كتبت بواسطة بدر بسيونى بعتذر على التاخير فى المشاركة اصلى مادفعتش اشتراك تى داتا واسمحولى اشكر كل الاخوة الاعضاء اللى من طنطا وعلى راسهم ابو الاسعاد على اليوم اللى مالوش حل بجد من احلى المقابلات اللى حضرتها فى حياتى بجد بذلوا مجهود كبير فى تنظيم المقابلة وربنا يباركلهم وبجد استمتعت من المقابلة اخر حاجة الناس محترمة وقمة فى الذوق والاخلاق ربنا يباركلهم ونتقابل دايما على خير ومستنين كل الاخوة الاعضاء فى مقابلة 4 فبراير فى اسكندرية

بدر باشا حبيب هارتي
والله وحشتني يا قمر
اي اخبار المقلب هههههههههههههههههههه " عدت علي خير "

اشوفك علي خير يارب بالاسكندريه وانا فعلا اتشرفت بمعرفت حضرتك ياغالي

بس ابقي خليك ملتزم بدفع الفلوس بالنت لان كنت هتصل بيك النهارده اطمن هوا في اي مبتدخلش لي

تقبل خالص تحياتي