اخوكم محتاج مساعدة فى مشكلة فى الفتيس ارجوكم ...

[memodina1]

السلام عليكم ورحمه الله
الموضوع باختصار رحت عملت صيانة 80000 فى التوكيل وغير زيت الفتيس وبجرب العربية زى الفل وهوووب لقيت مشكلة عويصة
الوقتى احنا بنغير اول تانى تالت كدة كدة الفتيس زى الحلاوة لكن لما انقل مثلا من تالت على تانى بس بشرط سرعة عالية مثلا 40 الغيار يزعق كانى تروس فى بعض وطبعا كل دا وانا دايس دبرياج للاخر يعنى مش بجيب التانى وامشى علية عالى لاة بكون جايب مثلا الغيار التالت وعلى سرعة 50 وامور وعند سرعة 40 اجيب التانى يحصل الموضوع دا لازم اهدى على 20 عشان ميعملش كدة باقى الغيارات مفهاش حاجة نهائى دا قبل دا او دا بعد دا عادى جدا المشكلة كلها فى التانى
الوقتى حل المشكلة دى اية وهل دا منى ولا من التوكيل اعمل اية ارجوكم
الزيت اللى غيرتة 80 90 موبيل
بالله عليكم لانى التوكيل سئلتة قالى انا عليت الدبرياج قلتلة رجعة زى ما كان رجعة وبرضة نفس المشكلة ملحوظة الفتيس زى الحلاوة ومش بيعض حتى لو جبت بالاول لحد 40 واجيب تانى مش بيحصل اى حاجة نهائى المشكلة تكمن فى الغيار التالت وانزل للتانى بسرعة على 40
قدر الله وما شاء فعل ....

[احمد على 1999]

لو المشكلة ظهرت بعد شغل التوكيل يبقى شغل التوكيل فيه غلط
مبدئيا اكشف على مستوى زيت الفتيس من طبه الكشف و العربية موازية تماما للارض و الفتيس درجة حرارته يمكن لمسه بايدك
و لو زيادة سيب الزيادة تنزل و لو ناقص زود لغاية لما ينقط من طبة الكشف
يفضل تروح لميكانيكى خبرة يظبط علو الدبرياج و يتأكد من رجلاش العصايا

[mr_astra]

يفضل تروح لميكانيكى خبرة يظبط علو الدبرياج و يتأكد من رجلاش العصايا

: 018A1D~146:

[memodina1]

اشكر كل من شارك بس الوقتى رحت لواحد ميكانيكى وقالى انتا عندك غويشة وعايز تتغير بتاعت التانى وفك فتيس وحوارات ... الكلام دا ممكن وهل دى اثار الغويشة وانا لما وديت العرببية التوكيل كنت لسة عامل الحركة دى وعادى جدا جدا واول ما خرجت لقيتها وللعلم انا كنت واقف ادامة عند العربيةباصص عليها ومعملش اى حاجة غير انة غير زيت فتيس ربط عفشة وفلتر بنزين وزيت بس ..... هل ممكن يكون غويشة وظهرت مثلا بالصدفة بعد التوكيل ولا اية

[eng/walaaeldeen]

السلام عليكم
هو الطبيعي ان تعطي الثاني عند سرعه اقل من 40 طيب لو اعطيتها عند 20 او 30 بيعض برضه ولو انت على الرابع ونزلت على الثالث عند 60 مثلا بيعض الغيار برضه ولا لأ
والله المستعان