عايز اروح مصر الجديده

[xabi]

انا اول مره اسمع عن مصنع كريستال عصفور... انا بشوف فعلا غبور قبل الدائرى بس عمرى ما خدت بالى ان فيه مصنع كرستال هناك...طب معلش يا ابو هنا هتعبك معايا شويه بعد ما اخلص هناك فى مستشفى كليوباترا وعايز اروح عين شمس اعمل ايه !!!!!

[MIDO-SPICY]

بص هو مصنع كريستال عصفور دا انا مش متاكد منه قوى بس هى فعلا ممكن تكون غبور
او انها كانت كريستال عصفور وغبور اشتراها
:craz yW14:
اما عن موضوع انك من كيلو باترا لعين شمس فانت قولى عايز تروح فين فى عين شمس الشرقيه ولا الغربية احمد عصمت ولا شارع العشرين ولا الزهراء ولا عند بيت كورسير ؟؟؟
:craz yW14:
توهتك من قبل ما تروح
اكتبلى بس انت عايز تروح فين وانا ان شاء الله هتابع الموضوع او بس فكرنى برساله على الخاص وانا هرد عليك علطول ان شاء الله

تأمر يا باشا

[xabi]

المشاركة الأصلية كتبت بواسطة mido-spicy بص هو مصنع كريستال عصفور دا انا مش متاكد منه قوى بس هى فعلا ممكن تكون غبور او انها كانت كريستال عصفور وغبور اشتراها :craz yW14: اما عن موضوع انك من كيلو باترا لعين شمس فانت قولى عايز تروح فين فى عين شمس الشرقيه ولا الغربية احمد عصمت ولا شارع العشرين ولا الزهراء ولا عند بيت كورسير ؟؟؟ :craz yW14: توهتك من قبل ما تروح اكتبلى بس انت عايز تروح فين وانا ان شاء الله هتابع الموضوع او بس فكرنى برساله على الخاص وانا هرد عليك علطول ان شاء الله تأمر يا باشا

والله انا عن نفسى تهت يا ابو هنا فى كميه العناوين والشوراع اللى موجوده فى الموضوع وشكلى هقضيها مواصلات احسن ذى كل مره..بدل ما اتوه نفسى ...والف شكر ليك

[@واحد من الناس@]

انا بجدد الموضوع لان رايح نفس المكان ومن الطريق الزراعى برضوا بس الفرق إنىعاوز اعرف لو فى طريق أسهل أو طريق تانى

[وائل احمد السيد]

السلام عليكم
لايوجد اسهل من هذا الطريق الموصوف بالاول
وانت قادم من الطريق الزراعى بعد محطة قطار قليوب و ميت نما هتلاقى الطريق الدائرى متقاطع مع الطريق الزراعى امامك علوى المفروض هتدخل هذا الطريق شمال هتطلع علشان تاخد طريق المرج
وبعد ما تطلع وتاخد طريق المرج هتكمل لحد مدينة السلام وهناك ماتنزلش نفق السلام . قبل النفق
تاخد يمين وتمكل الطريق لحد كوبرى الحرفيين تطلع الكوبرى وانت فى منتصفة هتلاقى مطار القاهرة على شمالك هتكمل الطريق لآخرة هتلاقى ملاهى سندباد على يمينك بعدها بشوية هتلاقى الطريق يمين وشمال
هتدخل شمال وتمشى مع سور الكلية الحربية اللى على يمينك هتلاقى كوبرى امامك قبل الكوبرى تدخل يمين مع سور واستاد الكلية الحربيةوتكمل لحد ما تطلع كوبرى الجلاء ولما تنزل منة تمشى على اليمين لانك بكدة تكون قربت اوى لحد ما تلاقى بنزينة اعتقد موبيل تدخل الشارع اللى بعدها مباشرة هتلاقى محل احمر على شمالك مشهور اسمة أدريان اعتقد دة شارع كيلوباترة او انت كدة جنبها جدا وممكن تسأل وانت فى الشارع دة على المكان المقصود ودة افضل طريق وماتحاولش تروح من طريق تانى لانك هتلف كتير ومن طرق زحمة موت
توصل بالسلامة
تحياتى