|
#56
25-01-2010, 01:30 PM
|
|||
|
|||
رد: مغامرات أبو كمال فى الصحارى و الجبال من الكويت لمصر
عربيتك نوعها ايه وياريت صوره لاني بعشق عربيات الخليج
|
|
#57
25-01-2010, 03:48 PM
|
||||
|
||||
رد: مغامرات أبو كمال فى الصحارى و الجبال من الكويت لمصر
 ان شاء الله اول ما الاقى شوية وقت هكتبها لحضراتكم.....
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!! التعديل الأخير تم بواسطة bmkbmk ; 25-01-2010 الساعة 04:08 PM
|
|
#58
27-01-2010, 12:49 PM
|
|||
|
|||
|
رد: مغامرات أبو كمال فى الصحارى و الجبال من الكويت لمصر
[quote=bmkbmk;126674]الرحلة رايح جاى يا باشا اتكلفت حوالى 300 دينار كويتى يعنى 6000 جنيه مصرى بنزين و عبارة و تأمينات فى السعودية و الاردن و مصر و كل حاجة و بالنسبة للفلوس اللى بتدفع فى الكويت هما 30 دينار مصاريف التربتك فى نادى السيارات و 10 دينار تكلفة فيزا المرور من السفارة السعودية و طبعا دول محسوبين من ضمن ال 300 دينار
انا متشكر جدا ... اصل انا ناويت اجرب الرحلة دي انا و عيلتي ان شاءالله في شهر يونيو اللي جاي ... وعمال اسأل كل الناس اللي مروا بالتجربه دي عشان استفيد منهم خاصة اني اول مره اسافر بري ومش هكدب عليك قلقان شويه ... يس يجد انا استفدت جدا من موضوعك لاني اول مره اعرف موضوع الاستراحات اللي موجوده في الطريق و بتتأجر بالساعه انا كنت مفكر اني عشان اريح شويه لازم ادخل اي مدينه و ادور على فندق او اي حاجه زي كده ... بس كلامك ده ريحني جدا ... خاصة انك لسه مسافر من قريب... طيب انا هتقل عليك شوييتين بأسئلتي الكتير... هو ايه الاحسن السفر عن طريق ضبا في السعوديه و لا العقبه ؟؟؟ هو انا كنت مرجح ضبا و اللي انت قلته عن الاردن خلاني اقلق شوية خاصة انه هيبقى معايا مراتي و ابني و مش عايزهم يتبهدلوا معايا... انت بقى بحكم تجربتك ايه رايك؟؟؟ التعديل الأخير تم بواسطة maisam ; 27-01-2010 الساعة 12:56 PM
|
|
#59
27-01-2010, 12:54 PM
|
|||
|
|||
رد: مغامرات أبو كمال فى الصحارى و الجبال من الكويت لمصر
|
|
#60
27-01-2010, 01:18 PM
|
||||
|
||||
رد: مغامرات أبو كمال فى الصحارى و الجبال من الكويت لمصر
أولا يا باشا بالنسبة للاستراحات اللى فى الطريق و بتتأجر بالساعة دى داخل مدن برده .... مش موجودة على الطريق يعنى انت طول ما انت ماشى بتعدى على مدن بين كل مدينة و التانية 100 او 200 كيلو و طبعا ساعات بيبقى فيه مدن صغيرة فى النص ... فا لاستراحات دى بتبقى تبع المدن دى و معظمها بيبقى على الطريق من برة مش لازم تدخل المدينة جوة و تدلف و تدور يعنى...... ثانيا يا باشا ... بالنسبة لموضوع ضبا أو العقبة .. انا بصراحة سافرت مرتين عن طريق العقبة و ماسفرتش عن طريق ضبا قبل كدة .... الفرق بينهم كما يلى .... * الفرق كله انك لما تدخل الاردن بتختم الاوراق مرة زيادة و تدفع تأمين زيادة و بعدين تروح تحجز العبارة و تستناها و انت و حظك و اللى موجود ساعتها ممكن تركب بعد ساعتين تلاتة و ممكن تستنى من الصبح لبليل و ممكن تستنى لتانى يوم .. بس انت لو عامل حسابك و مظبط مواعديك ان شاء الله مش هتستنى كتير لأن المواعيد غالبا ثابتة..... لما تروح ضبا بتروح تحجز العبارة على طول و مابتختمش الاوراق تانى ولا تدفع تأمين تانى ... بس حجز العبارة بيبقى اغلى لأنك بتعدى البحر الاحمر كله و تنزل فى سفاجة ... أما فى حالة الاردن بتعدى خليج العقبة بس و تنزل فى نويبع و ده ينقلنا لنقطة الوقت * العبارة من الاردن لنويبع بتاخد ساعة و نص لو العبارة السريعة و بتاخد 3 ساعات و نص لو العادية أما العبارة من ضبا لسفاجة بتاخد 4 ساعات لو سريعة و 11 ساعة تقريبا لو عادية لو انت يا باشا من القاهرة او وجه بحرى ... خليك فى الاردن احسن لو انت من الصعيد خليك فى ضبا احسن .... ملحوظة مهمة جدا جدا جدا ...... لو انت مش مدرس و ناوى تنزل فى الصيف لازم تتفادى وقت نزول المدرسين لتفادى الزحمة الرهيبة و الغير عادية ...... انا نزلت قبل اجازة المدرسين باسبوع و رجعت اول اغسطس يعنى كان لسة شهر للمدرسين على ما يرجعوا و طبعا يا باشا لازم تظبط عربيتك و تتأكد ان كل حاجة فيها تمام و خصوصا الكاوتش و العفشة ... يعنى لو الكوتش عندك بقاله اكتر من سنتين يستحسن تغيره و كدة كدة بريجستون بيعمل عرض على الكوتش اول شهر يونيو من كل سنة 4 فرد بسعر 3 .... و طبعا طول ما انت ماشى ماتضغطش على العربية قوى علشان ماتتعبش الموتور و الجير يعنى حاول فى مشيك العادى ماتزودش عن 140 او 130 الا اذا كان موتورك كبير يعنى 3000 سى سى فيما فوق فا ممكن سرعتك العادية تبقى 170 و طبعا على حسب الطريق اذا كان يسمح ولا لأ و يستحسن تخصص الكنبة اللى ورا للمدام و الولد علشان مايضايقكش و يتشاقى و انت سايق علشان مايشتتش انتباهك ... و انا كدة كدة هكتب موضوع العودة ان شاء الله علشان الناس تستفيد منه و علشان و انا راجع كان معايا مراتى و بناتى .... و عموما يا باشا اى سؤال انا تحت امرك و فيه نصايح كتير لسة عندى ماتقلقش
__________________
......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
 |
| الكلمات الدليلية |
| مغامرات |
|
|
