ارجو النصيحة من خبراء المنتدى قبل الشراء غداا

[mohamed ibiza]

المشاركة الأصلية كتبت بواسطة هاني بسيوني إذا استقريت على التيجو أذهب وهاتها من أبوغالي موتورز البضاعة عندهم حاضر واستفيد بعرض الصيانة المجانية وأبعد عم المصرية للسيارات وعمايلها مع الناس ولا يغرك إعلاناتها جرب ومش هتندم

حضرتك فكرتني شكرا ليك

يا ريت تفحص العربية اللي هتاخدها قبل ما تستلمها حته حته جوا و برا و بالذات الصاج لان مش اول مرة المصرية تبيع و تعرض عربيات مخبوطه و متصلحة و انا اتأكدت من ده بنفسي

[hazem_khidr]

ربنا يباركلك فيها و يكفيك شرها ان شاء الله
رغم اني فاتح الموضوع متأخر بعد ما حضرتك اخدت القرار
بس حقول رأيي برضه
رأيي اركب اللي بيركبه الناس
و الماتريكس تعتبر افضل ما في الاختيارات
لو حتقارن بين النيو اكسنت و الكيا ريو للعم انهم نفس قاعده العجلات
و انا بصراحه اميل للكيا ريو

[elkomi15]

ذهبت اليوم لأستلم التيجو من المصرية للسيارات ------------طبعا انا دافع 2000ج فوق ثمن السيارة علشان مستناش الدور بعد شهرين لأنها مش موجودة او بمعنى اصح محتكرينها فى المخازن وبتطلع بأوفر برايس

المهم انا كنت متفق على الفايدة من سيتى بنك انها 9.6 % ومصاريف ادارة 750ج طبعا وانا جاى علشان اخلص وادفع فوجئت بحاجات غريبة

الفايدة 10.9 % سئلت لية قالى اصل حضرتك دافع 40% فقط من ثمن السيارة كان لازم تدفع 50% علشان الفايدة تنزل الى 9.6%

قولتلة امال ايلى بيدفع 10% 20% بيدفع فايدة كام قالى لألألألأ دة بيدفع فايدة 13%
وراج محملنى كمان 2460 تأمين على السيارة 3% من قيمتها
وكمان 60 ج مصاريف معرفش اسمها اية
و100ج علشان ارادى الرجالة ايلى هتسلمنى
و100ج لموظف ايلى هيسلمنى
وبصو بعد كل دة بئة والواحد صابر ودفعلة بتاع 38 الف جنية يجى يقولى اية معلش يباشا والله اليوم المندوب استلم ال 2000 سىسى بكرة حضرتك كلمنا ان شاء الله علشان نشوف هتستلم باليل ولا لأ حاجة يعنى اخر قرف
انا اول مرة اشترى قسط او مرة فى حياتى اجيب حاجة قسط كان عندى ابيزا قرفتنى فى تصليحهاا بس كاش
والنترا كاش معملتش كل الفلم دة


بصراحة القسط دة مشاكلة كتير جدا وكمان دى اكبر شركة توزيع سيارات فى مصر امال لو كنت روحت على مكتب ولا معرض صغير كان عمل فينا اية -------------
وكمان دة انا محاسب وفضلت احسب وراة بالورقة والقلم وبرضة ضحك علية

وبرضة لسة مستلمتش السيارة ودافع الفلوس ومخلص كل حاجة وواخد الموافقة من البنك من 3 ايام وسوف اوافيكم التفاصيل غدا ان شاء اله ptmnlo123per144ptmnlo123p er144

[مينا]

فى حاجة مهما جدا كان المفروض تشترى من التوكيل افضل واريح

[dark_smoky]

أسحب فلوسك و ماتستلمش .. و هات أوبترا مانيوال او اوتوماتيك و بعيد عن المصرية .. نصيحة