من المسئول عن قتلى مبارة بورسعيد ؟؟؟؟

[Payoo]

سؤال للأعضاء الكرام سواء المؤيدين للثورة المصرية أو المعارضين لها أو حتى من ليس لهم رأي نهائياً (أعضاء حزب الكنبه)
من المسئول عن قتلى و مصابي أحداث مباراة الاهلي و المصري في بورسعيد ؟

========================= =====

أما تعليقي على المجلس العسكري الموقر هو :-
(((من لا يستطيع تأمين وحماية أستاد كرة قدم لا يستطيع حماية حي صغير في مصر و لا نأتمنه على أمن مصر و لا نثق فيه و لا في قدراته على حماية أرواحنا وأرواح أولادنا ونعلن شكنا في نواياه تجاه المواطنين المصريين)))


ياريت أسمع وجهات نظركم في الموضوع

[mostafa hussen]

انا فعلا مع راي حضرتك وكمان انا من اعداء المجلس العسكري بس كنت بقول اهو كلها كام شهر ويغور بس دولقتي يسقط يسقط حكم العسكر ولو حضرتك ليك تعليق احب اسمعوا

[AbOnOrA]

حسب رأى مدحت شلبى وتوفيق عكاشة وشوبير المسؤلين عن الاحداث هم
6 ابريل - كفاية - الجمعية الوطنية للتغيير - الاشتراكيين الثوريين والفوضويين بدعم من الامريكيين والصهيونيين والايرانيين وباسم يوسف وريم ماجد وباقى طاقم اون تى فى وقناة سى بى سى وقناة النهار واخرين من الاخر ( الثوار يعنى )

ودعوات لحشد جماهيرى فى ميدان سفنكس او العباسية !!!

[samirayad]

من المسئول عن قتلى و مصابي أحداث مباراة الاهلي و المصري في بورسعيد ؟

الطرف التالت

لأن طول عمرنا بنلعب كوره

ولم نرى الطرف التالت إلا اليومين دول

[تامر ديزل]

دي كارثة بكل المقاييس ...وكنت عاوز احلل الكارثة دي بهدوء شوية : ماتش كورة عادي / فيه حوادث شغب حصلت قبل كده كتيير جدا في ماتشات النادي المصري في بورسعيد / كان شغب كتيير بدون ضحايا / التفسير السطحي للمتابع من التلفزيون : جماهير المصري ( هاجت لسبب ما ) على جماهير الاهلي وافرطت في العنف لحد ما تحول العنف لمجزره / والضحايا ال70 مش معروف كلهم من جماهير الاهلي ولا من جماهير الناديين / كلام كله عادي ولا فيه طرف تاني ولا تالت ولا سياسه خالص
كلام كان يبقى مقبول في العهد البائد وان كان في العهد البائد مكانش بيقع ضحايا ولا مجازر وكان الامن بيسيطر على جمهور اكبر من ده بكتير .... يبقى الامن : مسئول عن المجزرة لانه ما امنش الماتش اللي معروف انه هيكون فيه شغب بناءا على التاريخ الامني السابق .. ولانه ما فضش الاشتباكات بالسرعة والحسم المطلوبين بين الجماهير خصوصا لو افترضنا انه كان مطلوب من الامن يسيطر على نص الجمهور بس ( المعتدي ) يعني نصف مأمورية وبرده معملهاش .. ده لو افترضنا ان كل الضحايا من جمهور الاهلي .. ولازم الامن المسئول عن الاستاد يتحاكم بالاسم ومش محتاجه تحقيق ده اهمال ادى للقتل .. جريمه واضحة جدا ومالهاش دعوة بالسياسة
نيجي بقى نحط الكلام ده في الظروف اللي فيها البلد : نلاقي اكيد فيه جهة ما ورا الكارثه دي
طيب الجهة دي ازاي قدرت تخلي الناس العادية ( الجمهور في الاستاد ) يفرط في العنف ويحولها لمجزرة ؟ يبقى فيه ناس دخلت ف الوسط وهيا الي تعاملت بالعنف لحد ما بقى الدم للركب ...

بس انا مش عارف ليه حاسس ان التحقيق مش هيوصل لحاجه ... كالعاده