مشكلة فى لانسر بومة 2011 - عداد الار بى إم

[moatazrhm]

اخوة الأعضاء الأعزاء
محتاج خبراتكم لأن واضح ان عندى مشكلة ، انا معايا لانسر 2011 و انا من محبى المشى الهادىء و انا مسافر اخر مرة لاحظت حاجة غريبة جدا و هيا ان و انا ماشى على 90 تقريبا وعلى الغيار الرابع لقيت عداد الار بى ام عايز يعدى ال 3 ، المهم جيبت الخامس و كبست بنزين لقيت العداد بتاع السرعة وصل لل 110 والار بى ام برده عايز يعد ال 3 ونص فمش فاهم هنا ايه المشكله هل العربية بتعانى من مشكلة ما و لا ده الطبيعى و لا ايه مع ملاحظة انى كنت مشغل التكييف و الجو كان ظهر .

[mhamdy75]

طالما بتعمل الصيانات

وبتغير فلاتر

يبقى كده طبيعى

[moatazrhm]

المشاركة الأصلية كتبت بواسطة mhamdy75 طالما بتعمل الصيانات وبتغير فلاتر يبقى كده طبيعى

-----------------------------------------------------------

شاكر لردك يا باشا بس ليا تعليق بسيط لو ده طبيعى معنى كده ان العربية لو انا زودت عن 120 ووصلت 160 - 180 يبقى الار بى ام هيدخل على ال 7 مثلا وطيب لو فرضنا انى وصلت لل 200 يبقى الار بى ام هيدخل على المنطقة الحماء فى العداد فهل كده عادى و لا ايه ؟

[sam30]

الار بى ام بتاع اللانسر المانيوال عالى بعكس الاوتوماتيك يعنى ممكن تمشى على 120 فى الاوتوماتيك وتلاقى الار بى ام على 3 فلا اوتوماتيك لكن فى المانيوال بيبقى على 3400 وداه عن خبره فى النظامين

[elmo7areb]

صراحة يا باشا انا مش شايف مشكلة !
انا عند حوالى 100 الى 110 على الخامس بيكون ال ار بى ام على 3 ودة انا كنت قلقان منه لكن ركبت اكتر من تاكس وشفت السرعة مع ال ار بى ام ولقيتى عربيتى عادية مفيش فيها مشكلة

بالنسبة ل عند 180 هيكون على 7 فا انا مجربتش الموضوع دة اعذرني

بس اظن والله يا معتز مش شايف مشكلة فى الار بى ام بتاعك خالص بس المهم السحب يكون عندك سريع وميكونش فى تنطيط فى الار بى ام يعنى ميكونش بيلعب

لك تحياتي