دليل الاعطال و الاصلاحات للفيرنا

المشاركة الأصلية كتبت بواسطة AHMEDCAR طيب حد يعرف ايه سبب تسقيف الموتور فى الفيرنا 1600 المانيوال لو حد يعرف يقولى

اعتقد ان هذا عيب شائع فى مواتير الهيونداى لان موتور سيارتى الماتريكس نفس موتور الفيرنا عندك و يحدث له نفس المشكلة و لكنى لاحظت شىء هام
اذا قمت بتموين البنزين من محطات معينة اجد موتور السيارة يسقف
فقمت بتغير هذه المحطات بأخرى سمعتها جيدة فأختفى هذا العيب من عندى تماما
و هذا الكلام يدل على ان هناك محطات تغش البنزين و بالتالى تختلف درجة الاوكتين المطلوبة لتشغيل المحرك حسب الكتالوج الخاص بها
و للاسف الشديد مواتير الهيونداى حساسة جدا لهذا الاختلاف مما يجعل المحرك يسقف كثيرا
فأذا حدث معك تسقيف جرب تغير محطة البنزين اكثر من مرة و تابع اداء المحرك فاذا اختفت المشكلة فقد عرفت السبب فيها
ام اذا استمرت يبقى لابد من الذهاب للتوكيل لظبط المحرك و كهرباء هذه السيارة

[AHMEDCAR]

فعلان التسقيف ده موجود فى العربيات المانيوال فقط و علشان العربيه دى حساسه اوى للاقل دوسه بنزين فلازم الواحد يظبط رجله اوى علشان العربيه ماتسقفش معاه و كمان نوع الاوكتان مهم اوىانا اول ماجيبت العربيه كانت بتعمل كده لحد ماظبط رجل و الحمد لله مابقتش تظهر غير نادر جدا

[AbOnOrA]

انا سوقت الفيرنا كتير المانيوال تحديدا ومحسيتش بموضوع التسقيف ده خالص وخاصة ان صاحبى اللى معاه العربية بيحط اى حاجة ساعات 90 وساعات 92 وبيتهئلى لو السلك ضاربة ممكن يحط 80 كمان ptmnlo123per1106

بس محسيتش ابدا بالعيب ده فاعتقد ده دليل على ان الموضوع ظبطة رجل اكتر من انة عيب شائع زى ما قال احمد

بس هو نسبة الانضغاط كام ؟؟ اكيد 10 ولا حاجة

[AHMEDCAR]

طيب نيجى لحاجه تانيه الا و هيه الصفاره اللى بتيجى كل 3000 كيلو لما تدوس فرامل يعنى بمعنى اصح كل ماتظبط زوايا الصوت ده يروح و بعد 3000 او 5000 بالكتير بتلاقى الصوت ده ظهر تانى تفتكروا ايه الحل بتاعه انا بقول ان العربيه دى اصلا المفروض تنزل بجنوط 14 يعنى نفس المقاس اللى بينزل ف الاوتوماتيك بتعتها و بالتالى هانلاقى ان الشكوى دى مش متكرره فى العربيات الاوتوماتيك هل ده صحيح

[عظيمه]

على حد علمى الموضوع دة بيحصل من ترييح العفشة أو بواظنها
لكن معرفش ايه الربط بين المشكلة دى ومقاس الجنوط؟