معايا 75000 بس محتار

[thinkdifferent100]

السلام عليكم ده اول موضوع ليا حابب اخد رايكم فيه
معايا 75000 جنيه وعايز اشتري عربيه اوتوماتيك( مع العلم اني اول مره هسوق او بالاصح انا لسه بتعلم السواقه )وبعد تدوير في المنتدى هنا لقيت انسب حاجه هيا اللوجان الاوتوماتيك بس طبعا كل ماحد يقابلنب يقولي
1- قطع غيارها غاليه ومشموجوده
2- هتبخس تمنها لو جيت تبيعها

البديل اقترحه عليا اخويا ....لانسر 1600 مستعمله موديل 2007 شفت كذا واحده لقيتهم متشخرمين من جوه ومتدعفلين من بره وفي واحده فيهم كان فيها شرخ من القزاز من بره بس اخويا بيقوللي عادي ماهوا المستعمل كده ونادرا اما كنت بلاقي حاجه كويسه بس حتى لو لقيت حته ماسكه نفسها شويه ..........زميلي معاه شارك ورأيه ان كل عربيه لها عمر افتراضي وبعد كده بتفتح بقها فلو جبت الانسر مستعمله 2007 احتمال تفتح بقها من اول ماجيبها (ده اذا مكانتش فاتحاه من الاساس) وكان رايه هات جديد (ميه وبنزين بس زي مابيقول).

فكرت في الافيو كتير قتلولي وحشه وسعرها عالي عليها

اعمل ايه : 070104~242:

افيدوني

[ahmedShafie]

هات لانسر افضل عربيه بنت سوق وكمان قطع غيار مقبلوله جدا وعموما فلوسك تجيب 2006 اتوماتيك وفبريكا انا لسه شارى لانسر بومه موديل 2006 1600 سى سى فبريكا بره وجوه وصيانه فى التوكيل ومش محتاجه مصارف نهائى جبتها 73000 بس هى مانيول والحمد لله عربيه زى الفل ومش حاسس انى راكب عربيه مستعمله خالص

[thinkdifferent100]

المشاركة الأصلية كتبت بواسطة ahmedShafie هات لانسر افضل عربيه بنت سوق وكمان قطع غيار مقبلوله جدا وعموما فلوسك تجيب 2006 اتوماتيك وفبريكا انا لسه شارى لانسر بومه موديل 2006 1600 سى سى فبريكا بره وجوه وصيانه فى التوكيل ومش محتاجه مصارف نهائى جبتها 73000 بس هى مانيول والحمد لله عربيه زى الفل ومش حاسس انى راكب عربيه مستعمله خالص

تسلم ايديك على الرد متشكر جدا.
كان معروض عليا لانسر 2007 صالون خليجي اوتوماتيك على 65000 جنيه بس صاحبها مبهدلها انما اخويا بيقولي اهم حاجه العفشه والماتورانما الخدش اللي في القزاز مشمهم والبهدله اللي جوه في البيبان ممكن تتغير بكلام فاضي والخدوش اللي بره عادي مع ان العربيه راشه شنطه .....
مشعارف اما ده كله عادي امال ايه اللي مهم والناس بتقيم العربيات المستعمله على اساس ايه
ايه رايك ياكبير في الموضوع ده

[hyundai 2005]

لالالا
اصبر شويه بفلوسك تجيب لانسر سليمه جدا موديل 2008 كمان اصبر شويه لو وقع قدامي حاجه اليومين دول حبلغك

[thinkdifferent100]

المشاركة الأصلية كتبت بواسطة hyundai 2005 لالالا اصبر شويه بفلوسك تجيب لانسر سليمه جدا موديل 2008 كمان اصبر شويه لو وقع قدامي حاجه اليومين دول حبلغك

متشكر جدا والله على مشاعرك الطيبه خلاص ماشي ياريت لو لقيت حاجه حلوه قللي بس اتواصل معاك ازاي