القنطره الخلفيه اتشرخت ياجدعان :( والاسكترا باظت :(((((

[pop man]

مساء الخيريا جماعه
هى العربيه 128
امبارح روحت لبتاع ظبط زوايا علشان العفشه عندى تعبانى شويه قالى الكبالن هتتغير "الكوبلن الشمال جاب اخره بصراحه" والاسكتره فيها سنتين مكسورين غيرها وبلاش حشو وفى شرخ جامد فى القنطره الخلفيه شمال وخلى بالك فى باروما كتير فى الدوسات وجوز مساعدين خلفى
مشيت من عنده وانا مقفول ومخنوق وروحت لحد تانى قال نفس الكلام تقريبأ
والمشكله انى فى حاجه مهما نسيت اقوله عليها وهى انى لما بفتح الكبود وامسك الراس اللى ماسكه المساعد اللى على اليمين تقريبأ اسمها الركبه اوالبطاحه وأعد اهز فيها جامد بحس انها بتتهز معايا وبينتج عنها صوت طقطقه وبيبان اوى فى المطبات ياريت لو حد يطمنى ده من ايه

وايه رأيكم فى موضوع القنطره ده وياترى لو اتلحم هيفتح تانى ويقرفنى ولا لا ولاأبيعها واخلص ومصرفش عليها عايز رأيكم ضرورى من فضلكم معلش لانها مغلبانى

[adham380]

1 جوز الكوبلن الصيني 100جنيه تامام انا مركبهم
2 الاسكترا انا مركب بتاعه الاونو استعمال كنت جايبه 100 بس هات بارات جديده ب 50
3 البارومه علي حسب معلوماتي المتواضعه مش هتأثر اوي و اكيد الخبرأ هيفيدوك اكتر مني
4 القنطره معرفش عنها حاجه انا مبحبش افتي ممكن الشرخ يتلحم اومينفعش السمكري هو ال هيفيدك
5 المساعدين المايلي الالماني 430 بس دول الامامي الخلفي ارخص معرفش سعرهم روح للعفشجي خلي يشوفلك المساعدين ممكن يكونو بيتملو انا عند بيتملو وكونت شاريهم استعمال من العفشجي
6 بالنسبه للبطاحه ممكن يكون المساعدين جابت اخرها لو غير كده شوف لو في تشريخ في الركبه لازم تعمله ابل ميزيد وتفتح شاسيه
7 حضرتك تجمع فلوس التصليح وتشوف هتصرف كام تستاهل ولا لأ

[pop man]

المشاركة الأصلية كتبت بواسطة adham380 1 جوز الكوبلن الصيني 100جنيه تامام انا مركبهم 2 الاسكترا انا مركب بتاعه الاونو استعمال كنت جايبه 100 بس هات بارات جديده ب 50 3 البارومه علي حسب معلوماتي المتواضعه مش هتأثر اوي و اكيد الخبرأ هيفيدوك اكتر مني 4 القنطره معرفش عنها حاجه انا مبحبش افتي ممكن الشرخ يتلحم اومينفعش السمكري هو ال هيفيدك 5 المساعدين المايلي الالماني 430 بس دول الامامي الخلفي ارخص معرفش سعرهم روح للعفشجي خلي يشوفلك المساعدين ممكن يكونو بيتملو انا عند بيتملو وكونت شاريهم استعمال من العفشجي 6 بالنسبه للبطاحه ممكن يكون المساعدين جابت اخرها لو غير كده شوف لو في تشريخ في الركبه لازم تعمله ابل ميزيد وتفتح شاسيه 7 حضرتك تجمع فلوس التصليح وتشوف هتصرف كام تستاهل ولا لأ

شكرأ جدأ جدأ أستاذ ادهم على الرد الوافى
المساعدين الاستراد كويسيين ؟؟ أصلى الناس بتخوفنى منهم
البطاحه هو فعلا كان فى شرخ حواليها ولحمته من شهر هو ممكن يكون جلبه الطعميه اللى موجوده فوق المساعد تكون باظت من سخونيه اللحام ولا مش بيبقى فيه جلب ؟؟
ميزانيه التصليح من 2000 الى 2500 والعربيه مو 77 فانا مستخصر اصرف عليها
مش عارف ممكن اكون انا غلطان
ومتشكر كمان مره ومنتظر ردود باقى الخبره

[Hisham.Elgazzar]

لأ مش للدرجادى 2500 مش هتوصل

هات مساعدين صينى جديد
علبة دركسيون استيراد ولو محتاجة بارات او اى حاجة مش هتعدى 150 جنيه
وقبل ده كله سمكرى شاطر يلحملك كل الحوض يرجعه أقوى من الفبريكا ومش هياخد 300 جنيه ومش هتحتاج رش ولا أى حاجة ولم الشغل فى العربية وبإذن الله هتخلص

المساعدين الصينى زى الفل بس ماتجيبش المضروب هات صينى كويس وبيمشى زى الفل

[pop man]

المشاركة الأصلية كتبت بواسطة Hisham.Elgazzar لأ مش للدرجادى 2500 مش هتوصل هات مساعدين صينى جديد علبة دركسيون استيراد ولو محتاجة بارات او اى حاجة مش هتعدى 150 جنيه وقبل ده كله سمكرى شاطر يلحملك كل الحوض يرجعه أقوى من الفبريكا ومش هياخد 300 جنيه ومش هتحتاج رش ولا أى حاجة ولم الشغل فى العربية وبإذن الله هتخلص المساعدين الصينى زى الفل بس ماتجيبش المضروب هات صينى كويس وبيمشى زى الفل

متشكر جدا لردك استاذ هيثم
بس انا لاحم كل الشروخات اللى فى الحوض من شهر وبرده بحس بخبطه تحت بطاحه المساعد الامامى
وبالنسبه للقنطره لو لحمتها تفتكر مش هتفتح تانى خصوصأ انى ساعات كتير بحمل ورا
وشكرا كمان مره