رجاء لكل ملاك نيسان صني الدخول

[BASSEM BESO]

المشاركة الأصلية كتبت بواسطة خالدخليفة هههههههههههههههه الواد أحمد كورسير ده مستفـز........انا مكنتش ناوى أرد على الموضوع لان المقارنة غلط اصلا .....لكن قلت عيب ياواد تبخل بالمعلومة على حبايبك ياراجل ياطيب ده انا أصلا لما الاقى واحد راكب عربية صينى وبيحاول يلاعبنى .....مبرضاش أصلا انى أعمل عقلى بعقله معقول حد يقارن النيسان بال byd الصينى ده كلام ؟؟؟؟ صاحبنا ده غاوى منظرة بس لكن قوة وثبات واتساع يبقى تقارن الصنى بالكورولا والاوكتافيا ده انا معتقدش ان حد عمل فى النيسان زى م انا عملت اسأل صاحبنا بتاع ال byd قل له مشيت بيها فى الجبل قل له مشيت بيها على سرعة 215 قل له مشيت بيها 300 كيلو مدق خطر .....سواقين التريللات نفسهم مش أى حد بيقبل يمشيه قل له اخدت بيها ملفات خطرة على سرعة عالية فوق ال 150 بدون تغيير الحارة ومع ذلك م انقلبتش قل له عندك موتور 118 حصان بالمناسبة هو أقوى موتور فى السوق (بعد السيراتو لانها موتورها 123 حصان ) وده معناه انه مهما زاد الحمل جواها سرعتها بتوصل 160 قل له كنت بتشيل جواها بضاعة تصل الى 800 كيلو ومع ذلك سرعتها كانت تصل الى 150 كيلو فى الساعة اخيرا استهلاك الصنى للبنزين للمرة المليون ال 10 لتر بيعملو 125 كيلو على الطريق السريع وبأسلوب تانى 250 كيلو فى الصفيحة رغم كل هذا الموتور الشرس وأما داخل المدن فـ ال 10 لتر بنزين بيعملوا 100 كيلو مع العلم ان نيسان لاتعمل اللا ببنزين 92 فقط مع ثبات كل شىء يعنى فلتر هواء كويس وفلتر بنزين كويس وشكمان كويس لان الكلام ده بياكل بنزين وكاوتش مظبوط ثم أنا مبعرفش اسوق أقل من 160 أبدا ولو العربية الصينى العبيطة دى عملت بيها كده كانت اتفككت من زماااااااااااااان انت عارف انى كنت فاهم ان فرامل المانيوال abs لحد مجيت اغيرها فوجئت انها تيل عادى بس ماشاء الله عملت 40 الف كيلو وكانت بتكلبش العربية فى الارض على سرعة لحد 180 عيب النيسان ان التسارع بتاعها اقل من غيرها ولو ال byd دى مع واحد زى حالاتى كنت رميتها بعد أقل من شهرين المقارنة دى غلط أصلا

لااله الا الله رحمك الله ياخالد حقيقى مقدرتش امسك نفسى واتمالك اعصابى من كل حرف كنت بقراه فى اخر كلماته رحمك الله ياخالد ويارب صبرنا وصبر اسرته اللهم امين

[elgdawy2007]

المشاركة الأصلية كتبت بواسطة BASSEM BESO لااله الا الله رحمك الله ياخالد حقيقى مقدرتش امسك نفسى واتمالك اعصابى من كل حرف كنت بقراه فى اخر كلماته رحمك الله ياخالد ويارب صبرنا وصبر اسرته اللهم امين

الف رحمه عليك يا خالد معزره للاخوه الاعضاء استفسار فقط راودنى اثناء مشاهدتى لخبر وفاه الاخ خالد لانى قرأت له مقاله انه لا يستطيع ان يسير بالسياره على سرعه اقل من 160كم فلى سؤال بعد ازنكم هل الاخ الفقيد خالد مات فى حادث سير بسيارته ام انه قد مات بشكل طبيعى واسف على السؤال مره اخرى ولكن يهمنى المعرفه . انا لله وانا اليه راجعون