عملت حدثة بالاكسنت الحقووووووووووووووووووووو وونى

[ayman goda]

اهم حاجه الان صحتك
الباقى باذن الله يتعوض
وربنا كريم قوى

[MmFFoR]

حمدالله على السلامة!
ممكن تبيعها حوادث و لو عايز تشد انزل بور سعيد

[mustafa mahmoud]

شكرا يا رجالة بس انا بحب العربية ديه و مش عايز ابعها و بعدين هى لسة مكملتش شهر و جالى فيها 10 الاف و انا مش راضى عشان انا جبتها بطلوع الروح و عايز اشدها الشدة الصح بقى

[احمد الشناوى1981]

الف سلامه عليك المهم انت بخير
انا شايف انك متصلحش الا اذا حسبتها كويس هتصرف كام و العربيه بعد التصليح هتساوى كام مع التوضيح للمشترى ايه الى اتعمل فيها و انت ناوى تخليها والا هتبيعها بعد متتصلح
و اهم حاجه طبعا انت بتعرف تتعامل مع الصنايعيه و الا لأ و لما تختار صنايعى شوف الشغل الى عنده و هو بيشتغل حوادث و الا بيرد خبطات بس و ملوش فى الحوادث و طبعاً مش هوصيك لازم تتفق على كل حاجه الأول من ناحيه الشغل الى هيتعمل بكل التفاصيل و المصنعيه كاام لأن طبعاً بليه معندوش ضمير و لو لقا فرصه يمص دمك مش هيسيبك انا مش بعقد الموضوع بس اصلى لسه مقروص من الموضوع ده ومحبش يحصل حاجه تانيه تدايقك كفايه عليك الحادثه
فى النهايه الحمد لله انك بخير و لسه معانا و منورنا فى المنتدى
قدر الله و ما شاء فعل قول ديما الحمد لله و انت هتلاقى كل حاجه مشيه كويس ان شاء الله

[mercedes]

السلام عليكم و رحمة الله و بركاته

ألف حمدالله على سلامتك و فداك مليون عربية .

أنا من رأيى أنك تنزل بورسعيد و تدور على كروسليه كامل لعربيتك و يا سلام لو كان نفس اللون و تشتريه و تاخد منه اللى أنت عاوزه, بس المهم , أنك تحسبها كويس أوى , العربية هتتكلف كام , عشان تحط المبلغ اللى العربية هتتكلفه على ال10000 جنيه اللى جايينلك فى العربية دلوقتى و تعرف العربية هتقف عليك بكام , لأن مش صح أنها مثلا تكون جايبالك 10000 جنيه و تلاقى أنك عشان تشدها صح, هتكلفك بتاع 40000 جنيه مثلا و هى فى السوق لو سليمة و مش عاملة حادثة, بتعمل مثلا 35000 جنيه و يبقى بيعها بال10000 جنيه و حط ال25000 جنيه و هاتلك واحدة تانية و خلاص .