انا تعبت منكم يا اعضاء المنتدى :(((((( مش عارف ارسى على انهي عربيه :((

[hyundai2005]

المشاركة الأصلية كتبت بواسطة santafa بص يا برنس اولا لو استخدامك للعربية كتيرو بتهلك فيها جامد وبتروح بيها مشويركتير يبقى مفيش غير للوجان والصنى وعلى فكرة قطع غيرها معمرة جدا بس لو جبت الصنى اقل فئة هيبقى على حساب الاوبشن ثانيا لة استخدامك خفيف وبتخرج بيها مثلا مرة او مرتين فى الاسبوع يبقى مفيش غبر speranza 516 او byd ثالثا بلاش الانجلون لعدة اسباب اولا العربية مش منتشرة ثانيا قطع غيرها غالية جدا اغلى من اللوجان من الاخر لو مبتهتمش بالاوبشن يبقى صنى لو عايز عربية واسعة وثباتها ممتاز وسعرها حنين يبقى مفيش غير 516 وعلى فكرة انا لسة مستلم 516 الاسبوع الى فات من سمير ريان والعربية ممتازة والحمد للة

لالالالالالالالا انزل الغردقه وشرم الشيخ وشوف الليموزين اللي شغال هناك كله مرسيدس وبي ام وانجلون

[crazy romio]

المشاركة الأصلية كتبت بواسطة cars admire byd f3 the best for you and have a good luck !!!!!

شكرا لردك يا جميل وربنا يعمل اللي فيه الخير

المشاركة الأصلية كتبت بواسطة santafa بص يا برنس اولا لو استخدامك للعربية كتيرو بتهلك فيها جامد وبتروح بيها مشويركتير يبقى مفيش غير للوجان والصنى وعلى فكرة قطع غيرها معمرة جدا بس لو جبت الصنى اقل فئة هيبقى على حساب الاوبشن ثانيا لة استخدامك خفيف وبتخرج بيها مثلا مرة او مرتين فى الاسبوع يبقى مفيش غبر speranza 516 او byd ثالثا بلاش الانجلون لعدة اسباب اولا العربية مش منتشرة ثانيا قطع غيرها غالية جدا اغلى من اللوجان من الاخر لو مبتهتمش بالاوبشن يبقى صنى لو عايز عربية واسعة وثباتها ممتاز وسعرها حنين يبقى مفيش غير 516 وعلى فكرة انا لسة مستلم 516 الاسبوع الى فات من سمير ريان والعربية ممتازة والحمد للة

انا يوميا لازم بخرج بالعربيه بروح بيها الشغل وبعد ما بخلص الشغل برده بخرج يعني تقدر تقول في اليوم 60 / 70 كيلو
انا مش مهتم ب الاوبشن اووي ومقتنع باي حاجه جديده هتبقى احسن من ال 128 بتاعتي الحاليه
كده انا محتار بقا ما بين اللوجان و ال 516
وشكرا ليك ياباشا على ردك

المشاركة الأصلية كتبت بواسطة akerima اولا مش كل الصيني وحش بس اهم حاجة ابعد عن المتجمع في مصر الانجلون ممتازة والبي واي دي ممتازة - عن نفسي انصحك باللوجان طبعا ومتقلقش من قطع الغيار انت مش محتاج تغير حاجة في العربية الا باذن الله بعد عمر طويل لكن بالنسبة للعربية مميزاتها كتيرة - عائلية امان كل المواصفات الاوربية الوسع الشديد فوق كل دا توكيل محترم ودي من وجهة نظري اهم حاجة

فعلا انا مقتنع باللوجان بس خايف من موضوع قطع الغيار ده
وشكرا لييييك

المشاركة الأصلية كتبت بواسطة tifa_1979 صديقى العزيز انا كنت فى نفس ظروفك كده من 6 شهور لحد مشتريت byd f3 gli انصحك بالاتى : 1- تقراء تعليقات مالكى السيارة فى كل قسم الخاص بالعربية ايلى عايز تشتريها 2- لو العربية بتاعتك فى منها تاكسى اسئل اي سواق عليها وكمان ممكن تركب معها علشان تشوفها بجد ( اسئل علىثابتها و قطع غيارها اسعار ومتوفره ولا وكمان اسئل على قوتها ) 3- ابعت اسئله على الخاص بالاعضاء ايلى عندهم العربية ديه اخيرا عايز اقولك ان افضل شى تشترى العربية ايلى انت مقتنع بيها حتى ولو الناس ايلى حولك مش مقتنعين بيها علشان ترتاح لانك لو اشتريت عربية الناس كلها قالت عليها حلوه وانت مش مقتنع اى حاجه فى العربية بسيطه هتلاقى نفسك مضايق ومخنوق على فاضى والله الموفق

تمام .. بس هيا العربيه عامله معااك ايييييه ؟؟؟

[crazy romio]

المشاركة الأصلية كتبت بواسطة Hazemomar حضرتك ممكن تضع في اعتباراك كذا شئ .. سعر اعادو البيع .. و ده اكتر حاجة تفرق بين السيارات المذكورة لكن البنزين و قطع الغيار مش هتفرق كتير في الكل .. الغالي بيعيش و الارخص عمره اقل ... فمش هتفرق كتير الشكل و الاسم دي بقى راحة نفسية و مهمة جدا .. الواحد بيبقى عايز يجيب افضل شئ بالقرش اللي تعبان فيه .. بس الافضل تيجيب اللي تاخد عينيك من اول نظرة و ترتاح فيها .. عشان لو بتحبها .. هتهتم بيها و هتصونك و في الخر ممكن تفكر في حاجات كسر زيرو و كماليات و ركوبة .. زي الصني 2008 و الانسر البومة برضو .. يعني الخيارات متعددة .. و ان شاء الله يوفقك في اللي ترتاحلوا و لا تنسى الاستخارة .. تقبل تحياتي

كسر الزيرو مش هينفع معايا لاني هشتري تقسيط ان شاء الله
وبعدين انا مش بفكر في سعر اعادة البيع خااالص
انا ال 128 معايا من سنة 2004 وعمري ما فكرت ابيعها واجيب جديد الا علشان موضوع السفر .. فلو العربيه مريحاني ومبسوط منها لو هتجيبلي اكتر من السعر اللي اشتريتها بيه ف مش هبيعها ان شاء الله ..
وشكرا ليك يا جميل على ردك
وبعدين كويس انك وضحتلي نقطة ان قطع الغيار الغاليه بتعيش

المشاركة الأصلية كتبت بواسطة mmffor نيسان صني 1600 سي سي تكييف + باور ياباني تقفيل مصري توكيل نيسان مصر السبع اكثر توكيل محترم في مصر قلة اعطال - عدم وجود عيوب صناعة ثبات في القيادة قطع غيار متوفرة و رخيصة و معمرة

عاجباني جدا النيسان الصني جداا بس هيا غاليه عليا شويه
شكلي اخر ما هغلب هجيبها فاضيه بقا وامري لله بس ندور الاول على الارخص شويه
لاني لسه دخلي مش متظبط قد كده
وشكرا لييك يا جميل

المشاركة الأصلية كتبت بواسطة Bendary ياأخى الحيرة دى امر طبيعى عاده مرحلة اخذ القرار تكون دائما محيرة لانك تريد وضع فلوسك فى احسن اختيار. وموضوع احسن اختيار ده هوه مربط الفرس لانه مسأله ازواق واراء شخصية انصحك انك تروح معرض كبير يكون متوفر عنده عدة موديلات ممن تفكر فيها او تروح لوكيل كل موديل على حده افتح العربيه واجلس فيها ودور الموتور اكيد هتلاقى نفسك مرتاح فى حاجه ومش مرتاح فى حاجه تانيه . وده العامل النفسى المهم جدا فى ترجيح سيارة على اخرى ثانيا : عامل سعر اعاده البيع مهم جدا وكذلك سمعة وكفاءة التوكيل والصيانه . رأيى الشخصى : نيسان ثم لوجان وربنا يوفقك للاختيار المناسب ، لا تنسى الاستخارة .

هيا فعلا شكلها هترسى على ال 2 دووول
شكرا ليييك يا بنداري باشا

المشاركة الأصلية كتبت بواسطة tham1010 يا عم كل واحد وزوقة. والعربية اللى هتجبها مش أخر عربية يعنى. يعنى هتجيب وتجرب وتغير وهلم جر. ليه مش فكرت فى فيرنا ولا لانوس أو أفيوا. حاجة كورى طالما باصص على قطع الغيار...

الفيرنا واللانوس مبعرفش اركبهم علشان انا طويل جدا فوق ما تتخيل
غير كده انا كان زماني فكرت فيهم من زماااان
وشكرا على ردك ياباشا

المشاركة الأصلية كتبت بواسطة mmffor رأيي نيسان صني لو مش معاك فلوسها يبقى لوجان

طيب هيا قطع غيار النيسان اغلى ولا اللوجان ؟؟

[crazy romio]

المشاركة الأصلية كتبت بواسطة fineart607 ياريس استخير ربنا وهات m11 او نيسان صنى او لوجان وربنا يقدر لك الخير

انتا جيت على الجرح والله
انا بعشق ال m11 ولكن ..
اسمع ان قطع غيارها نار الله الموقده : (

المشاركة الأصلية كتبت بواسطة Komy بص يا باشا هات الفيرنا ومش هتندم

مبعرفش اركبهااااا

المشاركة الأصلية كتبت بواسطة AboNoRa +1111111111111111111111

شكرا يا ابو رنا على ردك
وانا مقتنع بيها فعلا بس غاليه عليا
ربنا يعمل اللي فيه الخير

المشاركة الأصلية كتبت بواسطة نبيل عبدالرحمن Nissan Sunny هى أنسب الإقتراحات التى عرضت عليك من كل ناحية فتوكل على الله

ربنا يسهل يارب
شكرا ليك نبيل

المشاركة الأصلية كتبت بواسطة mahmoudey توكل على الله وهات فيات بونتو كلاسيك بـ 68000 جم عربية محترمة وموفرة فى البنزين وتوكيلها كويس وماركة إيطالية وفيات بردو يعنى مش هتروح بعيد

وبالنسبه لقطع غيارها متوفره ؟؟
وهل هيا اغلى ولا اللوجان
وواسعه من جوه كده زي اللوجان ؟؟

[crazy romio]

المشاركة الأصلية كتبت بواسطة mahmoudey ونصيحة برده إنزل اتفرج بنفسك على العربيات اللى عاجباك وقيمها انت

المشكله كلهم عاجبني
المهم استريح من ال 128 اللي مبوظه عليا حياتي دي

المشاركة الأصلية كتبت بواسطة محمود زيزوو الصنى عربية محترمة جدا جدا معاة صديقى وهو بيشكر فيها جدا جدا

تمام ياباشا معااك حق
ربنا يسهل ان شاء الله

المشاركة الأصلية كتبت بواسطة s0144862631 معاك في كل حاجه و احب اضيف ان اقل فئه في نيسان فيها جميع الكماليات ماعدا ABS فقط يعني 4 زجاج كهرباء مرايات كهرباء و تكييف و كاسيت و باوؤر و طارة متحركه وربنا يوفقك للاحسن ان شاء الله

وهذا المطلوب اثباته
مش هتبقى احسن من ال128 ؟ :D

المشاركة الأصلية كتبت بواسطة kastan فى الاول احب ائولك ربنا يوفئك للاحسن ان شاء الله و ثانيا اعتقد ان راى الاخ ممفور كويس جدا النيسان سمعتها كويسه و عربيه تستحمل

والله ياباشا شكلي هستلف من والدي واجيبها فعلا
ربنا يقدم اللي فيه الخير
وشكرا ليك

المشاركة الأصلية كتبت بواسطة MASalex أرشح لك نيسان صنى

شكرا ليك على وجهة نظرك