انا محتار جدا ومش قادر اقرر فممكن تساعدوني في اختار سيارتي لو سمحتم

[KHSIRAG]

المشاركة الأصلية كتبت بواسطة MEMOO_1ST انا افضل الكارينز نظراً لأنتشارها وانتشار قطع غيارها وسهولة صيانتها باقي السيارات غير منتشرة. وبالتوفيق في الاختيار ان شاء الله.

هي العربية حلوة وانا الصيف اللي فات اجرتها شهر لما كنت في اجازة في مصرلكن حاسس ان سحبها ضعيف وخاصة لما تبقي مشغل التكييف رغم انها كانت موديل 2011

[KHSIRAG]

المشاركة الأصلية كتبت بواسطة HaMaDa-ToUBaR انا برشحلك فى مجموعة 7 راكب بيجو 5008 وافضلها عن السيتروين فى مجموعة 5 راكب كيا اسبورتاج بدون منازغ رااااائعة بمعنى الكلمة بستبعد الكيا كارنز لانها عربية فاشلة وعن تجربة ... ثبات ضعيف ومحرك اضعف وخامات وجودة تقفيل مش قد كدة ... ولكنها اسهلهم صيانة وارخصهم من حيث قطع الغيار وطبعا اعلى سعر فيهم سعر البيجو 5008 ومشكلتها الوحيدة انها لازم صيانة فى التوكيل ومينفعش حد يمد ايدة فيها دة غير اسعار قطع غيارها نااااار يا حبيبتى نار وربنا يوفقك فى الاختيار الامثل ان شاء الله

جزاك الله خيرا - طيب مفيش اي اخبار عن نزول ال 5008 مصر وبكام - بالنسبة للكيا سبورتاج كام سعرها اوتومايك فول اوبشن وهل نزلت والا لسه لأني لما كنت في مصر الصيف اللي فات مشفتهاش في الشارع خالص

[KHSIRAG]

المشاركة الأصلية كتبت بواسطة oousaoo انا راي لما تنزل مصر تركب زي الناس مهي راكبه يعني تشوف اكتر واحدة منتشرة في الشوارع تشتريها علي طول لان الانتشار يضمنلك صيانة واصلاح وقطع غيار في اي مكان وبارخص الاسعار ثانيا لو في مشكلة تلاقي يخترعولها بسرعة مليون حل وكمان لو فكرت في البيع تلاقي مليون شاري ده راي شخصي HPPY BUS

هو المبدأ كويس بس أنا بحاول استطلع الدنيا ماشية ازاي في مصر اما اذا كان قصدك أركب اتوبيس فانا لوحدي معنديش أي مانع وانا من شبرا ومتربي فيه اصلا لكن دلوقت بخمس عيال وامهم واكبرهم كان عمره 4 سنين لما جيت السعودية يعني ميعرفوش يعني ايه اوتوبيس فالموضوع هيبقي صعب شويتين والا انت ايه رأيك

[HaMaDa-ToUBaR]

المشاركة الأصلية كتبت بواسطة KHSIRAG جزاك الله خيرا - طيب مفيش اي اخبار عن نزول ال 5008 مصر وبكام - بالنسبة للكيا سبورتاج كام سعرها اوتومايك فول اوبشن وهل نزلت والا لسه لأني لما كنت في مصر الصيف اللي فات مشفتهاش في الشارع خالص

دى اسعار الكيا سبورتاج وهى نزلت مصر وبالنسبة للبيجو 5008 فهى لسة منزلتش

2.0 F/O A/T
365000

1.6 A/T
173000

1.6 F/O A/T
186000

1.6 F/O A/T high line
210000