محتار بين عربيتين زيرو او مستعمل ومش عارف تجيب ايه ادخل وانا هقرنلك مبينهم مقارنه شامله صور واسعار ومواصفات ورايي الشخصى

[Marlborooo]

المشاركة الأصلية كتبت بواسطة MOHAMED SEIAG أولا السلام عليكم يا جماعة انا جاى ليا عرض جامد والتنفيذ أخره منتصف الأسبوع فياريت الإفادة ضرورى والرد السريع أنا كنت ناوى خلاص فعلا على الأكسنت RB ودلوقتى فيه خصم كويس على شيفروليه كروز حوالى 10000 ج ممكن رأيك فى العربيتين دول والكروز أخص من حيث التسارع وإستهلاك والثبات على السرعات العالية البنزين و الوكيل وقطع الغيار وإعادة البيع وفى المطبات والإضافات الداخلية والأوبشن الزيادة والسرعات العالية ياريت الرد سريعا جدا عشان مايضيعش الخصم وشكرا على كل اللى هيرد مسبقا

الاكسنت افضل من الكروز في كل اللي انت قلته ما عدا الثبات العربيتين مش ثابتين بس الكروز اثبت من الاكسنت

[Marlborooo]

المشاركة الأصلية كتبت بواسطة Djmixtech السلام عليكم ورحمة الله وبركاتة انا محتار جدا جدا جدا في الاختيار ما بين تلات عربيات ومش عارف اعمل اية والعربيات هي كالاتي :1 موتسيبيشي لانسر بومه 2012 2 موتسيبيشي لانسر قرش 2012 3 بيجو 408 2012 ملحوظة هامة: انا استخدامي للعربية هيبقى مشاوير سفر وساعات طرق مكسره يعنى انا قصدى عايز عربية امان قوي وكمان تكون عالية من علي الارض الى حد ما وتكون حمالة قاسيية ياريت تفيدني

1)البومة افضل في سعر اعادة البيع ولما تحب البيع هتلاقي الف مين يشتري ، سهولة الصيانة توافر قطع الغيار ورخص سعرها ، ثباتها كويس بس مش ممتاز، تسارع معقول جدا ، تعتبر عربية تقليدية الي حد بعيد الشكل ده متوافر من 2004
2) الشرك : كان فيها مشاكل في الاول بس اتعالجت الماتور الجديد 1600 وليس 1500 ، ثباتها افضل من البومة ، سعر اعادة البيع سيء قطع الغيار غالية بس متقبلة ثباتها افضل من البومة بس الشرك ثباتها مش ممتاز ثباتها كويس
3)عربية ممتازة ثبات واوبشن وكل حاجة ، عيبها سعر اعادة البيع منيل بستين نيلة سيء جدا جدا ، عدم توافر قطع الغيار سوي في التوكيل وقطع غيارها نااااااار يا معلم
من الاخر العرربية ديه ملهاش سوق في مصر ومتنفعش مع المستهلك المصر

ده رأيي لشخصي وشوف حضرتك ايه العربية اللي مناسبة ليك اكتر

[Marlborooo]

المشاركة الأصلية كتبت بواسطة sindirilla السلام عليكم ورحمة الله وبركاته أيهما أفضل رينو لوجان ولا بروتون جين 2 ولا أفيو ..زيروووو.......؟؟؟؟؟ من حيث السحب والعزم والبنزين وتوافر قطع الغيار والثبات والكماليات ؟؟؟

الجين تو عربية سحبها حلو ثباتها كويس قطع غيارها غالية بس موجودة ثباتها كويس
لوجان : عربية كويسة بس قطع غيارها غالية ومش منتشرة خارج التوكيل وتوكيل رينو غالي بوجه عام ، ورأيي ان شركة رينو من اشركات اللي بتحقق مكاسب من قطع الغيار مش من بيع السيارة في حد ذاتها ثباتها كويس بس البروتون اثبت
الافيو : عربية مملة تقليييييدية سحبها عادي ، قطع غيارها موجودة ومش غالية وتتصلح عند البقال
ملحوظة الافيو نزل منها شكل جديد برا مصر وهينزل في مصر علي السنة الجاية شكلها الجديد تحفة فنية

البروتون تعتبر افضل في ال3 عربيات ، بس اسأل علي قطع غيارها وشوف مناسبة ليك ولا لأ

[Djmixtech]

المشاركة الأصلية كتبت بواسطة ابو الشوق كاديلك 1)البومة افضل في سعر اعادة البيع ولما تحب البيع هتلاقي الف مين يشتري ، سهولة الصيانة توافر قطع الغيار ورخص سعرها ، ثباتها كويس بس مش ممتاز، تسارع معقول جدا ، تعتبر عربية تقليدية الي حد بعيد الشكل ده متوافر من 2004 2) الشرك : كان فيها مشاكل في الاول بس اتعالجت الماتور الجديد 1600 وليس 1500 ، ثباتها افضل من البومة ، سعر اعادة البيع سيء قطع الغيار غالية بس متقبلة ثباتها افضل من البومة بس الشرك ثباتها مش ممتاز ثباتها كويس 3)عربية ممتازة ثبات واوبشن وكل حاجة ، عيبها سعر اعادة البيع منيل بستين نيلة سيء جدا جدا ، عدم توافر قطع الغيار سوي في التوكيل وقطع غيارها نااااااار يا معلم من الاخر العرربية ديه ملهاش سوق في مصر ومتنفعش مع المستهلك المصر ده رأيي لشخصي وشوف حضرتك ايه العربية اللي مناسبة ليك اكتر

الف الف شكر يا باشا طب انهي احلي في الاستحمال فورد فوكس 2012 ولا بيجو 408 2012

[A MAN]

هو الموضوع بالظبط الي انا بدور علية

انا معايا 90 الف جنية مصري عاوز أشتري سيارة هيونداي زيرو اوتوماتك او ستيب ترونك و تكون 2012 او 2011 زيرو متخزنة و تكون واسعة من جوا و تكون طبعا فيها اكياس هواء و ABS و .. و .... الخخخ

يمكن زيادة المبلغ لحد 95 الف لو العربية تستاهل ....