|
سيات SEAT سيات SEAT سيات الاسبانية الاصل الالمانية الطابع قائد الجناح الرياضى فى مجموعة فولكس الالمانية من اهم موديلات سيات كوردوبا ابيزا وتوليدو وليون |
|
أدوات الموضوع |
#1
|
|||
|
|||
استفسار عن مشاكل في الابيزا 2000
السلام عليكم ورحمه الله وبركاته
الاستاذ الكريم محمد صراحة اود ان أبدى مدى تقديرى وأحترامى فى أول مشاركه لى فى هذا الموقع لسعادتك على مجهودك وأسلوبك وردودك المتميزة جدا وهذه كلمة حق واجبه على كل من يرى مجهودك بالقسم وردك الراقى على الاعضاء سؤال بخصوص سياره ابيزا موديل 2000 موتور 1000CC أنا أشتريت السيارة منذ سنتين وكانت عاملة 66 ألف كيلو والان هى عاملة 98 ألف كيلو والسيارة فعلا بتتحمل كتير جدا وقوية جدا جدا لكن اللى شوفته منها الاتى والسيارة الصراحة أنا صرفت عليها حتى الان فى الميكانيكا عشرة الاف جنيه ولم أصل للمستوى اللى كانت عليه يوم ماأشتريتها والميكانيكى اللى بأتعامل معاه اسمه سيد أبيزا فى جسر السويس جانب بنزينة التعاون الاول غيرت اسطوانة وديسك وغيرت علبة باور وعلبه دريكسيون ومرة دخلها على الكمبيوتر قالى حساس المنافول مدى قراءه عالية وعاوز يتغير بس مالوش لازمة تغيره مادام العربية ماشية كويس وغيرت بلى العجل 3 مرات لانه كل مرة يبوظ ويعمل صوت واخر مرة ركبت استيراد وكان ثمنه 250 جنيه وفى احد المرات سوكت المفتاح علق ورحت لواحد كهربائى ربنا يسامحه فك الطاره وخرب الاير باج ورحت التوكيل وطلعوا عينى لما صلحوا المفتاح لكن الايرباج باظت خلاص وبعد كدا ثلاجه التكيف خربت واشتريت ثلاجه جديدة وطلع عينى لما غيرتها ولقيت حد بيفهم يغيرها وكلفتنى 1500 جنيه وبعد كدا العربيه سحبها قل فرحت للميكانيكى اللى فى جسر السويس وقالى دى بوجيهات المهم فضلت اروحله لمدة سنه وكل شوية يغير البوجيهات وشفت ايام مايعلم بيها الا الله اخر حاجة قالى لازم نفتح الموتور لانه بيجيب زيت على البوجيهات وبعد مافتحه قالى دا وش السليندر وغير الجلب بتاعته عند خراط وركبها بعدها بشهر نفس الحكاية وكمان دخانه من الشكمان رحتله فحال الموتور والى دى محتاجه طقم بساتم وجابلى طقم جديد والمصنعية كانت 1400 جنيه فى الموتور فقط وطبعا غيرت سير الكاتينه وفلاتر الهواء و مقصين اماميين وغيرت بوجيهات اكتر من 30 مرة وفجأء بقيت أسمع صوت وانا ماشى فعرفت ان المشكلة فى سقف العربية وقالولى لازم تروح لواحد يظبط ليك السقف وحتى الان لم أعثر على حد يعمله وحاليا بأسمع صوت عالى من الجانب الشمال للعربية والميكانيكى قالى ده الفتيس ولكن ده صوت عادى فى العربيات دى وحاتسمعه بس لما تدور العربيه وتكون بارده وبعد كدا حايختفى اخر حاجة الان العربيه ماشية معقول لكن التكييف ضعيف والسحب ساعات كتير يضعف فجأة واوقات العربية تهتز جدا وانا ماشى لمدة ثوانى وترجع تتظبط تانى لوحدها ومش عارف ليه وكنت فى زياره لواحد صاحبى فى اسكندرية ورحت عند الميكانيكى بتاعه واسمه هريسا وهو ميكانيكى جولف وسيات فى اسكندرية وشاف الموتور وقالى البوجيهات بتجيب مياه ولازم الموتور يتغير فرجعت للميكانيكى بتاعى فى مصر سيد ابيزا وقلتله هو المكنة بتاعتى عاوزه تتغير قالى مادام الموتور قارى اربعه يبقى مافيش مشاكل ولكن لو سقطنا موتور 1400 يبقى أحسن وحايكلفك 8000 الاف جنيه والله انا بأستغيث بيك بجد لأنى اتخنقت جدا جدا وعاوزك تقولى اعمل ايه عشان احل مشاكل العربية دى وهل انت شايف ابيعها احسن على حالتها دى ولا اصرف تانى وممكن ترجع تانى افضل لأنى بجد تعبت جدا وصرفت كتير اوى عليها من يوم مااشتريتها وبقيت بأكلم نفسى وحتى الان نفسى الاقى حد يصلح لى الصوت اللى فى سقف العربية لأن رحت لواحد سروجى وفك السقف وماعرفش يصلحه والموتور هل اغيره ولا اسيه والتكييف ممكن يتحسن إزاى وأنا فى النهاية بأعتذر لك بشدة على الاطالة لكن انا اللى حصلى واللى شوفته اكثر بكثير ومن كثرة اللى شفته من العربية مش عارف اعمل ايه هل ابيعها واسعوض ربنا فى اللى صرفته عليها ولا استحملها وأكمل معاها ولو انت شايف انى اكمل مع العربية دى تنصحنى اغير فيها أيه وأروح لمين والتكلفة كام ارجو الافادة أستاذى الغالى ولك من كل التقدير تحياتى د/ امير المصرى مدرس مساعد بكلية الطب - جامعة القاهرة التعديل الأخير تم بواسطة mohamed ibiza ; 22-07-2009 الساعة 03:08 PM |
#2
|
|||
|
|||
رد: استفسار للأستاذ الكبير محمد أبيزا بخصوص ابيزا 2000
اولا احب اشكرك علي الكلام الجميل اللي قلته في حقي ربنا يخليك
ثانيا: بص من الاخر عشان بس تبقي فاهم كل الكلام اللي انت حكيته فوق و كلام الميكانيكية دي اشتغالات ليس الا معلش انا في واحد صاحبي معاه ابيزا 2001 ماشيه 150 الف و العربية زي الفل و بيشد و يحرق و استخدامه عنيف و في كوردوبا اتباعت ماشية 115 الف تقريبا و كانت زي الفل برضه فا من الاخر انت اشتغلوك بص معايا كده:- 1-ديسك و اسطوانة لو انه قليل عليها 98 الف بس ممكن الشد و الحرق الكتير المتواصل يبوظها ده احتمال وارد 2-علبة باور صعب جدا جدا علبة دركسيون صعب اوي انا شايل بتاعت الفابريقة علي 275 الف !! ممكن تتغير لو كانت مركونة و كاوتشها نشف و بقت تسرب زيت مثلا انما تتغير في 98 الف كيلو شبه مستحيل !! 3-بلي عجل 3 مرات !! انا مغيرتوش غير مرتين و المرة التانية بسبب اني كنت حاطط بلي مضروب 4-هو اسباب خنقة العربية و قلة السحب بوجيهات بس ولا ايه !! ده ميكانيكي غريب جدا !! ما يفك الانجكشن و ينضف الرشاشات و البوابه ! 5-طقم بساتم !!! اقسم بالله العظيم بساتم عربيتي ما اتغيرت حتي الان 407 الف كيلو !!!!!!!!!! 6-الاشتغاله الكبيرة بقي الموتور ال 1400 لو عايزو اجيبهولك بكره و لو هجيبه من غير فصال هجيبهولك ب 5 الاف !!!!!!! ايه 8 الاف دول !! علي فكرة المكنة دي بتسقط علي فتيسك و ضفيرتك الاصلية بس انا مبنصحش انك تسقط 1400 بتاع ال 2001 هتقولي ليه هقولك عشان هتدفع 5 الاف جنيه و في الاخر اسمك راكب عربية 1400 برضه !! لو عايز تظبط الاداء صح بدل ال 5 الاف خليهم 7 الاف لو عايز ساعتها تسقط Vr6 بعفشته كامله ادام و ورا بالقنطرة بفرامله بديسكاته بطنابيره بكله بكنتروله بفتيسه الاصلي بضفايره ابقي قولي للعلم : ال7 الاف جنيه دول هيجيبولك موتور golf اللي هو vr6 اللي هو 2800 سي سي 175 حصان 235 نيوتن عزم انجكشن 6 سلندر بعفشته كامله ادام و ورا بالقنطرة مش 8 الاف جنيه تجيب بيهم مكنة 1400 !!!!!! لو مش عايز القوة دي كلها برضه ممكن تشتري abf موتور جولف برضه 2000 سي سي 16 صباب 150 حصان بفتيسه بعفشته كاملة و كل ملحقاته ب 7500 جنيه من الحرفيين
__________________
IBIZA |
#3
|
|||
|
|||
رد: استفسار للأستاذ الكبير محمد أبيزا بخصوص ابيزا 2000
يا عم محمد براحة على الراجل موتور اية ال 2000 سى سى اية يا عم الراجل فرحان ب ال 1000 سى سى هية ناقصة مصاريف قولة على سعر موتور 1000 سى سى برضة و ميانيكى كويس لان الراجل دة الله لا يسامح الميكانيكية اللى من النوع دة بوظ دماغ صاحبنا على الاخر يا عم روح لمحمد سمير ورا حديقة بدر فى جسر السويس همة ناس محترمين جربهم بس روح بدرى شوية لانهم زحمة و ربنا يرفع عنك . ة للعلم لسة لورى خبطة عربيتى من الجنب اليمين ورا و دة كلة من ار و حسد محمد ابيزا هههههههه بالمناسبة خلصت امتحانات ولا لسة اية ياعم دى امتحانات جملى ولا اية؟
|
#4
|
|||
|
|||
رد: استفسار للأستاذ الكبير محمد أبيزا بخصوص ابيزا 2000
انا خصلت امتحانات والله كنت هتصل بيك النهاردة بس عربية والدي كانت اتخبطت و كده و روحت رديتها و ظبطت فيها شوية حاجات و حاليا هي عند الميكانيكي و هتخلص بكره بأذن الله تربيط عفشه و تظبيط و تشييك علي العربية كلها كده فا والدي واخد عربيتي بس بأذن الله هظبط و اجيلك الجمعه حضر السفن اب ptmnlo123per122 لو هاجي هكلمك اقولك بس بأذن الله جايلك
__________________
IBIZA |
#5
|
|||
|
|||
رد: استفسار للأستاذ الكبير محمد أبيزا بخصوص ابيزا 2000
ألف شكر أستاذى الغالى محمد
وكل مااستطيع ان أقوله فيما حدث لى هو حسبى الله ونعم الوكيل وأنا صراحة رجل بسيط وليس لدى خبرة فى المواتير وأرجو لو كنت مكانى ان تنصحنى بأسم موتور مناسب واستهلاكه معقول فى البنزين لأن أغلب استخدامى للسيارة داخل القاهرة والتكلفة الكاملة مع المصنعية لأننى احترت من عدد الخيارات التى وضعتها امامى وانا خبرتى ضعيفة جدا فى المواتير والسيارات بصفة عامة وانا كل اللى اتمناه من السيارة انها تكون ماشية كويس وتكيفها كويس ولا يؤثر على السحب فى السرعات المنخفضه داخل القاهرة وأرجو ان تنصحنى اتعامل مع مين فى الفترة القادمة فى حالة حدوث اى مشكلة لدى فى السيارة يعنى قصدى هل فيه ميكانيكى محترم تنصح بيه واين مكانه ام تنصحنى بالتعامل مع الوكيل فقط يعنى سعادتك لو تكرمت ضع نفسك مكانى مع علو قدرك ومقامك وخبرتك وقولى كنت حاتعمل ايه فى الوضع الحالى وانا بأعتذر من كثرة الاسئلة ولكن انا فعلا فى حيرة لأن خبرتى قليلة جدا ولك خالص التحية والتقدير والاحترام |
|
|