تقرير عن نيسان صنى (تم التحديث) اسعار ومواصفات

[_amr.mostafa_]

شكرا استاذ وائل على الموضوع

[xahmedfaragx]

ياجماعه نيسان عامله عرض على النيسان صنى جميع الموديلات بخصم 4 الاف جنيه من تمنها اعتبارا من اليوم فرصه بجد

[Leopard-mk]

إخوانى الأعزاء بهذا المنتدى الرائع
جزاكم الله خيراً على ما قدمتموه و تقدموه من علم نافع بإذن الله
لقد أفدتمونى في إختيارى للنيسان صنى عند قرار الشراء و أسأل الله أن يبارك لي و لكم.

[خالدخليفة]

المشاركة الأصلية كتبت بواسطة ahmedmohelsayed بصراحة انا كل ما قرب اقول نيسان ارجع اقلق من التقفيل المصري ومشاكله وشكاوي الناس منه اغلب الشكاوي اللي سمعتها وقرأتها في المنتدى ده وغيره تتلخص في الآتي: (عزل غير جيد- كراسي بتزيق - كنبه بتهبط - دركسيون تقيل نسبيا - بعض المشاكل المتعلقة بالمساعدين والعفشة) انا نفسي في عربية ماعدش اجري بيها كل اسبوع على مركز الصيانة علشان كده قلقت من النيسان جدا رغم اني كنت على وشك الشراء فعلا لو حد معاه موديل 2009 او 2010 ومعندوش العيوب دي يا ريت يطمني ويشجعني على اتخاذ قرار نهائي

يااستاذى الفاضل اتوكل على الله انا عندى نيسان صنى 2008 ومطلع عين ابوها ومشغلها نص نقل بجيب عليها كل بضاعتى اللى ممكن توصل طن احيانا اه والله طن 1000 كيلو طبعا ده منصحش بيه لكنها صابرة ومستحملة ومبتقولش (أى) يعنى مبتتوجعش بس اهم شىء الصيانات الطبيعية ودى بعملها بره مركز الصيانة بتاع الشركة لان اسعارهم عالية جداا وطبعا ده وصف شيك جدا لكن هم يستاهلو وصف تانى وبصراحة انا نفسى صعبانة عليا من كتر م انا تاعبها لكن ماشاء الله لاقوة الا بالله شغااااااااااااالة اما العيوب اللى بتقول عليها دى راجعة لسبب من 3 غالبا اما واحد عمره م ركب وبالتالى ممكن استعماله يكون خاطىء فيجرى على هنا يشتكى ولما يحلو له المشكلة اللى هو اصلا السبب فيها ممكن ميقولش انا السبب لان محدش بيغلط نفسه ثانيا العيوب دى كل م اقراها هنا اركب عربيتى واجربها مالاقهاش يعنى موضوع العزل ده مثلا انا جريت بالعربية ووصلت السرعة لحد 180 ولا نقطة هوا ولا صوت داخله جوه اللهم الا زنة خفيفة لصوت الموتور طيب ليه الزنة دى لان موتور النيسان اقوى موتور 1600 فى السوق لانه الوحيد اللى بيطلع 118 حصان اى موتور 1600 تانى اقصاه 115 حصان ماعدا موتور الكيا سيراتو سمعت سمعت سمعت انه بيطلع 123 حصان مع ان طول وعرض وارتفاع العربية ميقولش القوة دى وبالتالى صوته عالى نسبيا عن يره لكن متحسش بيه الا لو ركبت عربية تانية والدركسيون التقيل ده انا ملاحظتوش لانى يمكن مركبتش غيرها لكن انا عارف ان دواسات النيسان سواء البنزين او الفرامل او الدبرياج ج اتقل نسبيا من غيرها و ده تصميم الشركة بره واما موضوع المساعدين فانا شخصيا زى مقلتلك بحط عليها بضاعة ممكن توصل طن لكن غالبا الحمولة حوالى 700 او 800 كيلو غيرى انا و طبيعى ان المساعد ينزل شوية اكيد لو حد اشتكى من المساعد هيبقى بيستعبط زى حالاتى وبيشيل فيها اوزان تقيلة اخيرا موضوع الكنبة اللى بتقع ده انا مشفتوش واانا زى مقلتلك الاحمال التقيلة اللى بحطها توقع اى كنبة اسطنبولى مش كنبة ملاكى و مع ذلك العربية مستحملانى يعنى فى ناس عقليتهم ان راكب زيرو يعنى يبصلها تشتغل يفكر يركبها تيجى تقول له شبيك لبيك ثالثا ممكن واحد متعود على عربية معينة وقعدتها لما يغير يحس نفسه غريب فيشتكى يعنى مثلا كنت راكب شاهين ولقيت السواق عمال يقول اشعار فى الكراسى والتنجيد مع انها بالنسبة لى عالية وناشفة وسيئة ومرة واحد صاحبى ركب معايا قال ايه ده العربية دى كراسيها واطيه كده ليه وطبعا هو عنده عربية اسمها لادا سمارا معرفش تعرفها والا لا فانا فهمت هو متعود على كرسى اللادا فمتهيأ له ان دى كراسيها واطية والمساعد وحش وانا قريت موضوع هنا فى المنتدى واحد اشترى عربية ونازل شتيمة وانا رديت عليه وقلتله دى فيها عيوب صناعة واشتكيهم وتفاعلت معاه لكنه طلع محترم لما عملوهاا وبقت ممتازة قال انها بقت ممتازة وماشية واكيد كل حاجة ممكن يطلع فى حاجة فيها عيوب صناعة وده رابط الموضوع هتلاقى حاجات تضحك وحاجات تبكى وكلام كتير و ده رابط الموضوع http://www.masrmotors.com/vb/showthr...t=15681&page=7 لكن الحمد لله عربيتى وعربيات كتير غيرى ممتازة وماشاء الله لاقوة الا بالله وصلى على النبى ف قلبك وبلسانك عليه الصلاة والسلام

[ahmedmohelsayed]

شكرا جزيلا استاذ خالد على ردك الوافي مع احترامي الشديد وموافقتي لرأيك
وكما قلت في بداية موضوعي "اغلب الشكاوي اللي سمعتها وقرأتها في المنتدى ده وغيره " أو من اشخاص يمتلكون السيارة وللأمانة فإن كثيرا منهم شكروا في أداء السيارة والبعض القليل اشتكى من بعض العيوب السابقة
وكذلك سألت بعض من يمتلكون لسيارة الياباني بما فيهم صديق في العمل وشكروا فيها جميعا
مما يدل على ما ذكرته من قبل ان كل ما ذكرت من عيوب سواء تم تأكيد وجودها او نفي وجودها كليا
فانها لا تتجاوز عيوب تقفيل مع اقتناعي الكامل بقوة هذه السيارة وإلا ما كنت فكرت في شراءها