عملت حادثه بالتيجو مو2012 8000 ك

[TiTo Sky]

حمد اللة علي سلامتك

قدر اللة وماشاء فعل

[محمد اشرف]

1- قدر الله ما شاء فعل
2- العيب ده كان فى عربيتك انتا ليه لان مصنع الاسبيرانزا الى مفرود يطرد كل الى فيه ربنا يخده مهملين جدا تلاقى عربيه فيها مشكله مش الى عند التانيه وعربيه تانيه مفهاش العيب الى فى العربيه الثانيه يعنى كل عربيه بيكون فيها عيب غير الى عند التانيه فده عيب عربيه حضرتك الى ظهر فى البدايه اهو ومفرود يجيبوا عمال بيفهموا فى الشغلانه دى مش عمال لسه هيقوللهم ده بيسموا كاوتش وده بيسموا فانوس هما دول بئه الى بيشتغلوا فى المصنع ده مفرود يفوروهم كلهم ويجيبوا ناس بتفهم سعتها هتكون العربيه دى تحفه اما حاليا منظر بس ومن الداخل كل عربيه بيكون برده فيها عيب انا مره شوفت عربيه زيرو (فى المعرض) بكرة التكيف مش ثابته خالص ممكن فى اى لحظه تتفك وعربيه ثانيه الانتظار بيعلء لما تفتح كان فى ماس حصل فى العربيه ومره الفتيس فى النقلات تحس كان فى مفاتيح كتير تحت العربيه لما تعمل مثلا الاول كان ولد مسك المفاتيح وبيرجها نفس الصوت الجامد ده فى كل النقلات ده اكيد فيها عيب فى الفتيس عشان مره ثانيه ركبت عربيه ثانيه مكنش فيها دى فكل عربيه بيكون فيها عيب شكل وبالذات فى التيجو وقدر الله ما شاء فعل والحمدلله على سلامتك

[firstknight_eg]

يا اخوانا انتوا بتهاتوا في ايه، صاحب الموضوع كتب نفس الموضوع في كذا منتدي وبعدين فص ملح وداب.

العبرة في الحادثة بظروف وقوع الحادث، يعني ممكن خبطة في مكان معين تقضي علي عربية مرسيدس او بي ام، وخبطة بطريقة تانية تحسسك ان العربية ديه دبابة، ظروف الطريق نفسه، رد فعل السائق، العبرة بملابسات الحادثة نفسها، اللي لازم نعرفها قبل ما نبتدي نشتم في العربية.

[cmatcho]

المشاركة الأصلية كتبت بواسطة firstknight_eg يا اخوانا انتوا بتهاتوا في ايه، صاحب الموضوع كتب نفس الموضوع في كذا منتدي وبعدين فص ملح وداب. العبرة في الحادثة بظروف وقوع الحادث، يعني ممكن خبطة في مكان معين تقضي علي عربية مرسيدس او بي ام، وخبطة بطريقة تانية تحسسك ان العربية ديه دبابة، ظروف الطريق نفسه، رد فعل السائق، العبرة بملابسات الحادثة نفسها، اللي لازم نعرفها قبل ما نبتدي نشتم في العربية.

+111111111
اختفي نهائي من هنا ومن هناك
المشكله ان السكا كين جاهزه للتقطيع
هي عربيات تعبانه وخلاص بالاكراه

[sezdd]

ياجماعه ماختفتش ولا حاجه الفكرة كلها انى الفترة د كلها مشغول فى خناقات مابين التامين والتوكيل وتم الاتفاق على الاصلاح بمبلغ 30 الف ولسه الكاوتش كمان مش فى المقايسه الحادث عبارة عن انى كنت ماشى فى الشريق اقصى اليمين والطريق 3 حارات الحارة الشمال كان ماشى فيها عربية نقل تقيل والحارة اللى فى النص فيها عربية نقل جامبو محمله بردوا واليمين فاضى الكلام دة كان الساعه 6 صباحا المهم جات عربية كروز كان بيجرى بسرعه مجنونه فوق ال 180 تقريبا وانا كمان كنت على سرعه بردوا بصراحه لانى كنت بعدى العربيتين المهم كان عايز ياخد الغرزة من ناحيتى مابينى وبين العربية الجامبو الغرزة كانت ضيقه متجبهوش المهم فرمل وحدف على اليمين خبطنى فى الرفرف الى ورا شمال ناحية السواق العربية لفت عملت خمسات حوالى 4 مرات والكاوتش اللى قدام فرقع وواحدة وراء يمين فرقعت بردوا العربية سافرت جدااا خلاص كنت متحكم فيها لغايه لما الكاوتش فرقع بس بردوا بعد فضل ربنه انى عرفت اوقفها مقلبتش منى لما نزلت على الرمله بس الشنطه اتخبطت فى شجرة الجزورين اللى على جنب الطريق دى بس وشكرا العربيه لما راحت التوكيل اكتشفت انها هشه جدا كاعفشه اشى مقصات واشى قنطرة واشى مش عارف مساعد فين كدة وهلما جرة ياعنى من الاخر قطعه بسكوت ولا اكن الواحد اول مرة يعمل خمسه على كدة الفيرنا والانسر دول مش عربيات عادية كنت بعمل بيهم خمسات اوسخ من دة ومكانش فى حاجه بتحصل فى عفشتها ولا كاوتش بيضرب ولا بيتنيل كاوتش رانجولير يضرب ازاى مش عارف والعربية ملحقتش تمشى اصلا كاوتش شكله كدة مستوى عاندهم وحاطينوا فى العربيات
وارجع واقول الحمد لله الذى لا يحمد على مكروة سواة
واسف على تاخير الرد