باركولى مرتين مش مرة واحدة

[بدر بسيونى]

طبعا بعد ما اشتريت الالنترا موديل 2010 من اقل من شهر ومرت اول الف رحت عملت صيانة الالف فى توكيل الازاريطة وكله تمام وكان الفلتر والمصنعية ببلاش ودفعت ثمن الزيت وبس المهم لاقيت تليفون يوم الاثنين اللى فات واحد من غبور بتصل بيا بيقولى مبروك اسمك دخل سحب لما عملت صيانة عند غبور وحتكسب جايزة انا استغربت وافتكرت حد بيشتغلنى بس كان بيتكلم جد وطلب منى الحضور يوم الثلاثاء الماضى الساعة 3 عصرا ورحت واخدوا البطاقة والرخصة وصورهم وقابلت اشخاص انا مش عارفهم ولاقتنى كسبت انا و4 غيرى جوايز والحمد لله
الجوايز هم 3 حاجات
الجوائز هى كروت اليت للصيانة (ELITE) و2موبيل باك بيرى وLCD SONY32 بوصة المهم
انا كسبت كارت الصيانة الاليت اللى هو بسمحلى انى اعمل الصيانة الدورية لعربيتى فى اى مكان فى اسكندرية عند البيت او الشغل مقابل زيادة فقط 30 جنيه ولو رحت عند غبور التوكيل استلم عربيتى اسرع من العادى (الاولوية لحامل الكارت )وباخد تخفيض حولى 10 %على الصيانة وقطع الغيار وليا طلب عربية الانقاذ التابعة لغبور بتخفيض مش عارف كام بصراحة الموضوع عجبنى اه ونسيت حاجة ممكن اطلب حد يجيى ياخد العربية من عند البيت يعملى الصيانة فى التوكيل ويجيبها ليا تانى واحسبه


وده كان اول مباركة اما التانية انى صورتى وانا مع اللى استلموا الجوايز نزلت فى جرنال الاهرام (ملحق السيارات )تالت واحد من على اليمين وانا بستلم الجايزة

[Ahmed Anwer]

ألف مبروووك يا أ /بدر

أنا هأروح أفتح الجرنان و أدور علي صورتك

[بدر بسيونى]

المشاركة الأصلية كتبت بواسطة Ahmed Anwer ألف مبروووك يا أ /بدر أنا هأروح أفتح الجرنان و أدور علي صورتك

الله يبارك فيك يااستاذ احمد وانا اللى شايل شعره ولابس نظارة وعشان تعرفنى الاطول فى الصورة

[ابو دعاء]

الف مبروك مرتين الاولى على السياره ويارب يرزقك خيرها ويبعدعنك شرها والثانيه على فوزك فى السحب

[mesho70]

الف مبروك بدر باشا
مش مرتين بس