كيفيه عمل ناقل الحركه المانيوال .... شرح مبسط

[hazem_khidr]

الله يخليك يا سامح باشا
انا كان قصدي ان كلامك العلمي دا
زود معرفتي العمليه
لاني طبعا فكيت الفتيس و عرفت فين الاول و التاني
و كده بس كان ناقص بقي رسم توضيح ليه بالمنظر دا
شكرا ليك مره اخري

[samirayad]

الله ينور ومشكور على المجهود........وعاوز برضه أشير للأخوه أن شكل الفتيس اللى هو 5 سرعات......مبيبقاش كده فى الحقيقه ولكن تم وضعه بالشكل ده لمعرفة كل زوج من التروس بيكونوا متعشقين مع بعض.....حيث بيكون فى حالة الحياد(المور)......مفيش ترس من مجموعة العمود العلوى معشق مع زميله على العمود السفلى.....(على أساس أن الفتيس مور......أما فى حالة وضع عصاية الفتيس على أى سرعه مثل الأول أو التانى وهكذا.....بيكون ترس واحد من العمود العلوى فقط معشق مع زميله على العمود السفلى وباقى تروس العمود العلوى غير معشقه مع زملاءهم على السفلى..........وأنا بأعتذر على الاشاره لهذا للأخ/صاحب الموضوع ....ولكن وجب على الاستدراك.........شكرا مره ثانيه لصاحب الموضوع على أهتمامه المشكور عليه فى ايصال المعلومه......تقبل تحياتىptmnlo123per1127... ....واحتمال برضه أكون مخطىء فى تعليقى هذا على أساس ممكن تكون الغوايش هى اللى بتودى عملية التعشيق لكل زوج عند الأختيارلسرعه معينه...كنوع من التعشيقclutchhng ....وبيكون وضع التروس كما بالشكل ولكن الزوج بتاع السرعه المختاره والمعشقه هو اللى شغال والبافى مفصول وده تحليل تانى برضه......وياريت سامح باشا يعلق على النقطه دى علشان نعرف التفسير الصح من الحالتين اللى أنا قولت عليهم.....لأننى فعلا ماشفتش الفتيس محلول.0....ولكن بأتكلم من الوجهه النظريه.......وياريت نعرف الأسماء دى من على الفتيس(عمود الدرك.....الغوايش........ المعلقه)........وأكون شاكر للجميع

[sam ram]

شكرا استاذ سمير على اضافتك
كان نفسي افيدك و ارد عليك .. لكن فعلا انا مشوفتش شكل الفتيس من جوه
بصراحه اللي عجبني في الموضوع انه بسيط و استفدت منه ونقلته لتعم الاستفاده
ممكن ناس خبره عني زي مهندس يونس ( نيسان) او استاذ حازم خضر

[samirayad]

ربنا يبارك فيك أستاذ/سامح........وأنا فعلا تعجلت فى المداخله السابقه لى على الموضوع.......على أساس أننى لاحظت فى الفيديو اللى حضرتك محوله........أن التروس بتاعة كل مرحلة تعشيق على طول شكلها معشقه(بس بتلف على الفاضى)........وبيتم دخول أى مرحلة تعشيق (clutching)....لما بيبتم الذهاب بما يسمى (الغويشه تقريبا).....لأدخال مرحله معينه فى التشغيل(على اساس بتكون هى اللى بتنقل وباقى المراحل شغاله بدون نقل....وتقريبا برضه متهيألى أن الترس القائد لأى مرحله بيكون عليه فى نهايته من الخارج مشرشر بيتم تركيب مشرشر الغويشه الداخلى عليه لتشغيل تروس المرحله دى......(وطبعا كده يبقى التفسير التانى اللى قولته فى المداخله الأولى هو الصح......والباقى المره دى مجرد أجتهاد فى التصور.........على برضه منشوف التفسير بصوره أدق للتساؤل من الأخوه اللى سعادتك ذكرتهم................... ...........تقبل تحياتى

[Nissan]

زى ما واضح أمامنا إن فى عدد 6 تروس زرقاء و هما عبارة عن التروس للخمس سرعات الأمامية و ترس للمارشدير

مبدأ نتفق عليه إن الف باء تصميم ماينفعش أن يكون لعمود واحد سرعتين و لو ده حصل لازم العمود يحصله إنهيار


الترسوس الزرقا دائمة التعشيق مع التروس الحمرا - ماتشغلش دماغك بالترس الموف دلوقتى هتكلم عنه لوحده -بس خد بالك أن التروس الحمرا ركبة على العمود الأحمر (شحط) مش عارف الكلمة واضحة ولا لأ أحاول أوضحها
بفرض أن قطر العمود 50 مم و أن قطر فتحة دخول العمود فى الترس 49 مم
ينفع ان العمود يدخل فى الترس؟؟؟؟
أكيد لأ مش هينفع عشان العمود أكبر من الفتحة اللى فى الترس
لكن لو سخنا الترس و بردنا العمود لدرجة ان التممد الناتج من الحرارة خلى فتحة دخول العمود فى الترس 50و نص يبقى أكيد ان العمود هيدخل فى الترس
و أول لما التأثير الحرارى يروح العمود هيتزنق فى الترس و مش هيخرج منه
(ده شرح مبسط لكلمة شحط) أو احد أساليبه
و معنى كدة ان العمود الأحمر لو لف يبقى أكيد التروس هتلف
و كمان لو اى ترس من التروس الحمرا لو لف يبقى أكيد العمود هيلف
نتكلم عن التروس الزرقا و هى على رومان بلى على العمود الأصفر و معنى كدة ان لو اى ترس ازرق لف العمود مش هيلفلكن اللى بيحصل اننا بنخلى العمود يمسك الترسعن طريق الغوايش و البراميل اللى لونها موف
و لو أخدت بالك هتلاقى مثلا الاولانى و التانى على خط واحد فى عصاية الفتس و ده عشان غويشيتهم بين الترس الأول و التانى
و كمان الترس التالت و الرابع غويشتهم فى النص و هى المسؤلة عن تعشيقهم و كمان هتلاقى ان عصاية الفتيس لما تيجى تجيب تالت او رابع هتلاقىهم على خط واحد
بالنسبة للIdler Gear مجرد ترس لعكس الحركة عشان المارشدير


يا رب أكون قدرت اوضح شوية