تجربتي الشخصيه مع توكيل غبور

[Mo7amed Elnimr]

حلو اوى عشان تبقى بصرة ونبقى احنا الاتنين فيرنا سودا ptmnlo123per154

[pro mada]

المشاركة الأصلية كتبت بواسطة frontera09 حلو اوى عشان تبقى بصرة ونبقى احنا الاتنين فيرنا سودا ptmnlo123per154

ان شاء الله يا باشا

[mega106]

تجربتى مع السيارة سوناتا بتوكيل غبور
السيارة جميلة وواسعة وبها أمكانيات كثيرة ، طبعاً 2010.
حجزت فى نصف شهر مارس 2011 من العبور بحيث دفعت المبلغ بالكامل قبل 1 ابريل ، وعندى وعد من مركز هونداى فى العبور بأنى سوف أستلم بعد 10 أيام ، لكن الأستلام تم بعد 20 يوم بعد اتصالات يومية بمعرض العبور.
وفى يوم الأستلام ذهبت نهاراً ووجدت السيارة جاهزة ما عدا الولاعة ... طلبتها بنفسى وجت وعدم وجود شريحة ال GPS ، وقالوا حا خدها عند صيانة الألف ، وكذلك لم أكتشف وقتها عدم وجود طبب العجل.
رحت المرور للترخيص ، وعلى الرغم من وجود أنوار زينون وستارة لابد من أثباتها بالرخصة ولعدم وجود مايثبت وجود هذه الأشياء بمبايعة العربية ، رفض المرور أثباتها بالرخصة ، وقعدت بعدها أسبوع بدون وضع النمر فى محاولة الحصول من توكيل غبور على ما يثبت وجود الستارة والزينون ، وقالوا أن هذا أمر غريب من المرور ! و لاحظت أن السيارة بتغربل عن 100 كم ، وذهبت إلى أبو رواش لعمل صيانة الألف والغربلة. وتم عمل الصيانة وتركيب رصاص أسود قديم فى جنوط السيارة الجديدة وتسليمى السيارة وقت أغلاق أبو رواش. وكنت أتساءل كيف أن السيارة جديدة وبها جنوط معيبة؟ ويتم أصلاحها بهذا الشكل السئ ، وفعلاً أتصلت بمدير ورش أبو رواش والراجل قاللى تعالى بكرة بدرى وأنا أريحك وتم تركيب رصاص لصق من الداخل ، وركبت شريحة ال GPS فى نفس الوقت ولكن بمجرد خروجى من المركز لم يعمل ال GPS ورجعت تانى وأتصلحت وقبل وصولى للبيت تعطلت ، وقاللى المهندس المسئول أنه يوجد توكيل فى مدينة نصر بيصلحها ورحت ، لكنها متصلحتش ورحت المصنع فى مدينة العبور ، ووجدت أن العيب فى الإيريال وتم تغييره، وبرضة أخذت أتساءل لماذا تخرج السيارة وبها عيب كهذا؟ ألم يتم تجربتها؟
وهكذا ياسيدى يتم معاملة مشترى سيارة "جديدة" تقفيل مصرى .. وحط تحت تقفيل خطين!
وحتى تاريخة لم أتسلم طبب العجل وخايف ألاقى أشياء أخرى مستخبية حتى الآن.
وهذه فعلا تجربتى حتى الآن مع سيارة جديدة من غبور.

[MmFFoR]

والله العظيم تلاته غبور و منصور ازبل توكيلين في مصر!!!
و التوكيل الحقيقي بيبان معدنه لما بيكون في عيب في السيارة
ساعتها فقط بيظهر المعدن الحقيقي للتوكيل اذا كان كويس او لأ
بيهتم بعملاءه و بيعاملهم بادمية و احترام واللا المادة هي الغلابة
لكن توكيل ايه طول ما العربية شغالة كويس؟

[Devill Blood]

ممكن أقول كلمة ,.مش معنى أن العربية الصينى الفتيس بتاعها بتاع الماتريكس معناه أن الفتيس وحش لا بل معناه أن العربية بتتصنع فى الصين والفتيس كذلك فده بيبقى عيب تقفيل ومش معنى برضه أن الماتور مثلا ميتسوبيشى يبقى يابانى لا بل التكنولوجيا فقط يابانى,فقط للتوضيح