رابطة ملاك ومحبى السفينه فيات 132

[أيمن الروبي]

المشاركة الأصلية كتبت بواسطة Hisham.Elgazzar وديته للسروجى عملتله كسوة جلد فوق الفبريكا والحمدلله بقى مقبول أحسن من الأول كان فيه حفر نورت يا أستاذ محمد أهلا بحضرتك فى الرابطة بشكر حضرتك على ثقتك الجامدة فى السفينة هى فعلا عربية ممتازة لو اتحافظ عليها يعنى العربية تكون تانى يد بالكتير لأن اللى بيشترى علشان عارف انه هيبيع بيهرس فى العربية ولما بييجى يبيع بيلصم الشغل اى كلام والمشترى هو اللى يتدبس حضرتك لو هتشترى تجيب ال1600GLS اللى هو 2000 كداب علشان ضريبة ال1600 لكن إستهلاك البنزين ده له كزا حل واحنا بنحاول نمشى عربياتنا بأقل التكاليف لكن الصراحة وماتزعلش منى عمرى ماشوفت حد راكب يابانى وينزل منه يركب فيات حاول تشوف كوروللا 97 أيمن باشا قدر الله وماشاء فعل فيه لمبات ليد بتتباع وبتركب فى الفوانيس اللى ورا بتوفر كهربا ومش بتحمل على الدفيرة خالص وهتجيب 4 لمبات هالوجين ألمانى 200-260 ويركبوا على الكتاوت اللى عندك ولو عاوز تغيره مفيش مشاكل وانا ممكن بإذن الله أساعدك فى الموضوع ده لأنى مركب زيهم فى عربيتى على كتاوت خارجى انت شفت النور بنفسك الكتاوت ده حاتى

خلاص يا اتش نبقي نعمل القصه دي مع بعض بإذن الله

[hyundai 2005]

والله يا هشام هو عليه كسوه كده زي تلبيسه بس شكلها عاااااااااار
المهم صحيح عايز اسألكم علي حاجه غربيه
العربيه الصبح وفي بعض الاوقات كل ما اجي ادورها الاقي المارش فاصل انزل اخط خبطه علي كابلات البطاريه تشتغل زي الفل
مع العلم اني مركب 2 قطاش للبطاريه من اجود الانواع وطبعا مصنفر الصوابع كله تمام وحاطط لحسه شحم بعد التركيب ؟
ايه بقي الموضوع ده ؟

[Hisham.Elgazzar]

المشاركة الأصلية كتبت بواسطة hyundai 2005 والله يا هشام هو عليه كسوه كده زي تلبيسه بس شكلها عاااااااااار المهم صحيح عايز اسألكم علي حاجه غربيه العربيه الصبح وفي بعض الاوقات كل ما اجي ادورها الاقي المارش فاصل انزل اخط خبطه علي كابلات البطاريه تشتغل زي الفل مع العلم اني مركب 2 قطاش للبطاريه من اجود الانواع وطبعا مصنفر الصوابع كله تمام وحاطط لحسه شحم بعد التركيب ؟ ايه بقي الموضوع ده ؟

فك الكسوة البايظة خالص واكسيه عند واحد شاطر
تعليقة المارش بسبب الشربون او الاوتوماتيك عاوز يتغير او كتاوت المارش بيعلق وطبعا الإحتمال الاخير الكونتاك

[hyundai 2005]

وبعدين يا رجاله مافيش مقابله في طنطا قريب ولا حاجه ؟؟؟؟فينك يا محمد يا قاضي؟؟؟؟؟؟

[hyundai 2005]

يا هشام انا فكيت المارش وغيرت اوتوماتيك بنفسي وزي الفل وكشفت علي المارش الموبينه تمام والشربون زي الفل ؟
المشكله زي ما بقولك ادور ما يشتغلش بس حمل الكهرباء بيظهر انزل اخبط علي كابل البطاريه الموجب تحديدا يشتغل زي الطلقه