عزل شنطة سيارة بيجو 504 تجربة خاصة

[more13]

المشاركة الأصلية كتبت بواسطة vovoasw الله يبارك فيك اخى الفاضل شوف علشان اكون صادق معاك ياريت تطول بالك معايا شوية انا كنت امتلك موتيسكل ماركة سوزوكى من عام 2006 وكنت بستخدمة فى ذهابى للعمل دروس اولادى وطلبات بيتى وكنت بركنة تحت البيت ولا كان فية حد بيجى جنبة المهم بعد الثورة للاسف الشديد اتسرق ( فوفو ) اسم دلع الموتوسيكل بتاعى من تحت البيت فى العصر المهم طبعا نتيجة للظروف الصحية حيث انى مريض سكر والامور اللى حكيتها قبل كدة قمت بشراء هذه السيارة فعلشان اكون صريح معاك اول سبب هو قدرتى المادية قمت بشراء السيارة 27 الف جنية وقمت بعمل تعديلات على السيارة من حيث تغير الدينامو والاسبيرتير والسيور وخلافة وبدات اجمع كل المعلومات المتعلقة بهذا النوع وهو مشهور جدا عندنا فى صعيد مصر يعنى لو انت قاعد على قهوة عدت عليك 10 عربيات هتلاقيها 7 من اصل عشرة كلهـا بيجو بالنسة لى انا لاقيتها من جوة الكراسى مريحة تحس كدة بشعور صعب انى اوصفة لحضرتك وبعد كدة انت عارف انا ارتحت ليها وخد بالك انا مقدر عمرهـا الزمنى على فكرة هى موديل 79 جى ار يعنى ثلاثون سنة فقررت انى احترمها واحترم عمرها واى حاجة هى عايزاها اجيب ليها لانى عارف ومتأكد انى لو عملت كدة هى هتدينى شغل واستمرارية يمكن اكثر من الاول السبب الاخير هو ان اعطالها معروفة قطع غيارها متوفرة واهم سبب انى حبيتها ارجو انى لا اكون قد اطلت عليك الكلام اخى الفاضل

على فكرة انا من بنى سويف وفعلا هى منتشرة فى الصعيد وتلاقيها مع المهندس والعامل والمدرس والدكتور والمعلم والصنايعى النزية وتلاقيها مع الشاب والشايب
والف مبروك

[Neo206]

: THUMBS~220:

[Ahmed Bakr]

السلام عليكم
الله ينور على هذا المجهود الرائع
انا لي استفسار صغير ممكن ؟ هو ليه حضرتك عزلت الشنطة بعازل صوتى ؟
العازل الحرارى فاهمين انه علشان التكييف و لو ان ممكن نعتبر ظهر الكنبة و الصاج عازل حرارى كافى بين الكابينة و الشنطة .
انا بنفكر مع حضرتك مش اكتر علشان كلنا نستفاد تقبل مرورى

[vovoasw]

المشاركة الأصلية كتبت بواسطة Ahmed Bakr السلام عليكم الله ينور على هذا المجهود الرائع انا لي استفسار صغير ممكن ؟ هو ليه حضرتك عزلت الشنطة بعازل صوتى ؟ العازل الحرارى فاهمين انه علشان التكييف و لو ان ممكن نعتبر ظهر الكنبة و الصاج عازل حرارى كافى بين الكابينة و الشنطة . انا بنفكر مع حضرتك مش اكتر علشان كلنا نستفاد تقبل مرورى

الاستاذ الفاضل شوف انا عملت عزل صوتى علشان اى صوت يجى من ناحية الشنطة مش عايز اسمعة وكمان علشان حرارة الشكمان وكمان اعتبرتها تجربة عملية لية علشان لما ادخل على العربية من جوة اكون اخدت خبرة ولو بسيطة فى التعامل مع هذه الامور مش اضرب لخمة بس عارف اخى الفاضل صوت باب الشنطة بتاع العربية بقى مكتوم مش زى الاول ولسة والله مستنى ربنا يفرجهـا عليها واكمل الجلد باذن الله حتى فية فكرة شفتها فى احد المنديات على ان واحد حط فوم الخاص بابواب الثلاجات بين الفراغات اللى بين الحديد ( الحدود الداخلية للشنطة وصاج السيارة الخارجى ) علشان يمنع وصول الحرارة الى داخل السيارة وان شاء الله هشوف الفكرة برضة وهصورهأ وهجربها والله المستعان بأذن الله

[comandos_79]

الله ينور على هذا المجهود الرائع