دايما ظالمين الادا معانا

[محمدصلاح القاضى]

المشاركة الأصلية كتبت بواسطة محمد التهامى احنا ليه يا جماعه ظالمين الادا معانا وسمعتها مش كويسه مع انى اختبرتها الاسبوع السابق وقررت اسافر بيها الغردقه فجأه بدون اى استعدادات وبدون اى فحص وبسم الله ما شاء الله راحت معاى ورجعنا زى الفل بدون اى مشاكل المشوار اخد معاى من الزقازيق للغردقه 8 ساعات لانى كان اخرى فى الجرى 120 كيلو / ساعه وطبعا كنت مسافر باليل علشان السخونه

ربنا يحميك ويحفظك من كل سوء
واللادا المظبوط حلو
بس للاسف الفنش بتاع العربيه هو اللى مخليها مش حلوه
زى شكل الفتيس والعفشه وصوت الكاتينه الجنزير
لكن غير كدا عربيه حديد وبتاعت شقا

[zing0]

بسم الله ما شاء الله, ربنا يباركلك فيها و يحفظها من شر العين. و يمتعك بخيرها و يبعد عنك شرها.
بصراحه أنا بأحس بسعادة لما ألاقى حد بيشكر فى اللادا بدل الناس اللى بيركبوها مرتين تلاته و يدخلوا يشتمو اللى إخترعها. أصل حاسس إنها عربية بنت حلال و ممكن تكون بتاعة العمر كله بس عاوزه اللى يراعيها و هيا تشيله من عالأرض شيل(كل العربيات بتعمل كده).

[Oussama]

العربية دى الوحيدة اللى عارف قيمتها هما الميكانيكية اللى شغالين فيها

و قليل اوى لما تلاقى واحد ركبها و مستمتع بيها

خلى بالك الادا تستحمل الشد معاك لغاية 140 و ربنا يخليهالك

[كومندا]

الادا دى دبابه حربيه متنكره عربيه بتاعة شقا
هيه عيبها الوحيد ان الخنافس مبتعرفش تركبها
لكن اللى عايز عربيه تشيله وترحمه من قرف الموصلات وتتحمل الطرق المصريه يبقا الادا
وكل واحد وعلى اد جيبه

[محمد حسن عبد الرحمن]

فعلا انا اتفق معاك انها دبابة حربية متنكرة فى شكل سيارة وربنا يديك خيرها ويكفيك شرها وأهم حاجة أعتنى بيها تعتنى بيك معتنش بيها هتعمل معاك حركات نادلة كتير والكلام ده لمعظم السيارات وكمان فى عربيات تحط ايدك فيها تبقى عايزة تانى ويلعبك يا فايزة لما تبقى عـ .... ومهما صرفت عليها فتحة بوقها وعايز تانى الحل مع العربيات ديه البيع فورا.

أخوك محمد