كيفية التعامل مع المطبات بسلاسة والحفاظ على عفشة السيارات منها !

[الخبييييير]

المشاركة الأصلية كتبت بواسطة ahmed el gendy والله الفكره الافضل اللي اعرفها ف مصر اوعي تطلع اي كوبري علي سرعه عاليه حتي لو تعرفه كويس لان عندنا ف مصر فيه انفراد ف تصميم الكباري انا طول عمري مبطلعش كوبري معرفهوش علي سرعه بس لو اعرفه باطلع وانزل بسرعه عادي لحد محصل موقف معايا كنت طالع كوبري عارفه مليون مره والكوبري ده بيلف وف اللفه لقيت عربيه جامبو واقفه وعطلانه وبتغير فرد كاوتش كنت هالبس فيه بس ربنا ستر فعود نفسك اوعي تطلع اي كوبري تعرفه او متعرفهوش علي سرعه عاليه

ما تجريش بالعربية في مطلع او منزل كوبري عشان في المطلع انتا ما بتشوفش اللي فوق وفي المنزل بتبقى السيطرة مفقودة بسبب الانحدار
بلاش السرعة !!!!!!!!!!!!!!!!!!!!!!!!! !!!!!!!!!!!!!!!!!!!!

[zamanan2000]

المشاركة الأصلية كتبت بواسطة الخبييييير دي اسمها رؤوس الشياطين بكل بساطة انزل ريح العجل لو ها تمشي مسافة طويلة على الرؤوس دي ها تعد 10 ثواني وانتا بتفسي كل عجلة ها يبقى فيهم ضغط اد بعض تقريبا وابقا زود لما تخرج من البلاوي السودة دي

طيب بما انى بعدى على المكان ده كل يوم الصبح وبالليل وانا مروح وللاسف مفيش طريق غيره اريح العجل واخليه مريح دايما وخلاص يعنى بدل مثلا ما بيكون ضغطه 30 اثبته انا على 28 ولا ايه راى حضرتك

[الخبييييير]

المشاركة الأصلية كتبت بواسطة myson medo شكرا ليك بس افرض انك هديت العربية قبل المطب وبرده العربية لسه سريعة قبل المطب تعدى وانت شايل رجلك من على الفرامل برده ؟؟؟؟

صحيح وده ها يقلل الخساير عن لو كنت دايس فرامل وطلعت المطب

[myson medo]

المشاركة الأصلية كتبت بواسطة الخبييييير صحيح وده ها يقلل الخساير عن لو كنت دايس فرامل وطلعت المطب

شكرا ليك قوى

[aamer ahmed]

الله ينور عليك فعلا معلومات مفيدة جدا