اطباء ثورة 25 يناير

[AbOnOrA]

بالرغم من هالة الاحترام اللى بيحظى بيه الاطباء عموماً بحكم مهنتهم الانسانية الا ان الدكاترة فى الثورة كانو اقرب للملائكة من البشر فى الرحمة ومن الفرسان للاطباء فى الشجاعة والبسالة والايثار والفداء
وبالرغم من الضغط العصبى اللى كنا فيه كنا بنلاقى منهم كل الصبر والطمأنة والتشجيع وبالرغم من قلة الامكانيات كنا بننشوف منهم قمة الاجتهاد والمثابرة
الكلام لا يكفيكم حقكم وان شاء الله ليا عودة احكي فيها عن مشاهداتى الشخصية عن فرسان الرحمة
ديه صورة من احد المستشفيات الميدانية ( عند مجلس الشعب ) وكانت ملتقى للاطباء والمهندسين والاعلاميين لانها كانت ابعد نقطه عن التشويش وكانت بتلقط شبكة وفى اواخر الايام انترنت كويس

[DR-HEMA]

الله ده احنا كده اكيد اتقابلنا يا ابو نورة لانى روحت ليله مسكت فيها الوحده بتاعت مجلس الشعب جبت معايه احمد سعيد فنى تعقيم و ادوات التعقيم استعداد لمذبحه متوقعه لان جت لنا اخباريه ان احتمال يكونوا فى بلطجية بيتجمعوا و هيهجموا على منطقة مجلس الشعب حتي بالامارة يوميها كنا قومنا كل الناس من النوم و فضيلنا بايتين صاحيين للفجر و لما محصلش حاجه رجعنا تانى يوم مكاننا فى المستشفى الميدانى الرئيسي فى الجامع

[سالم سلامه]

بارك الله فيكم يادكتور ابراهيم انتوا كان ليكم دور عظيم قمتم به على اكمل وجهه ايام الثوره جعله الله فى ميزان حسناتكم يوم القيامه وان شاء الله هذه الاعمال العظيمه هتقعد لاولادكم فى المستقبل باذن الله