مين فينا الغلطان (أصعب موقف فى حياتى على الطرق)

[فادي مكرم]

حمد الله ع السلامة
انا هقول موقف شبة دة
شارع حارتين وماشي على 70 ورا تريلا ف الشمال وقررت اخد يمين و اعديه
دوست بنزين ومسكت يمين التريلا وهوب لاقيت عربية كارو قدامي مسافة 100 متر
وقرار من 2 فرامل وانت حاطط بنزيييين وترجع ورا التريلا
يا تكمل بنزين وتاخد غرزة بتاعة الافلام دي

ستر ربنا قدرت المسافة وسرعتى وسرعة التريلا والكارو هدف ثابت
اخدت الغرزة والحمد لله

بس كنت على وشك الموت من الغرزة وايدي فضلت ترتعش

من اللي حصل تعلمت اني مالومش الا نفسي ف كل الاحوال
التأني ف السواقة وخصوصا ان ف مصر اجري جري الوحوش وهتلاقى مطب يجمعنا كلنا

اه نسيت اقولك بعد الغرزة صحابي معايا ف العربية طلعتهم من الدواسات و كان وشهم احمر و صمــــــــتتت

[TheSantos128]

المشاركة الأصلية كتبت بواسطة beso ahmed بعد ما الحمد الله طلعت الرخصة فبقيت انا اللى بسوق الصبح لحد المترو (انا و بابا بننزل الصبح لحد مترو محمد نجبب و انا بركب المترو و هو بيروح على البنك) امبارح بقا كنا هنتعجن الموضوع و ما فية : كنت نازل من كوبرى فيصل (النزلة بتاعت شارع السودان) فالنزلة دى الكوبرى حارتين وفى شارع تحت الكوبرى(على اليمين) اخرة برضة فى شارع السودان مع اخر الكوبرى المهم كان فى مينى باص(بتاع شركة) ماشى على الشمال براحتة خالص (و المعروف ان كلة بيجرى فى المنطقة دى) فانا اخد اليمين و كنت ماشى على 80 فكان فى مينى باص(بتاع الجمعية) فى الشارع اللى على يمين الكوبرى فالمعروف ان اولوية المرور للناس الى على الكوبرى فانا كملت عادى و قولت اكيد هيبص فى المراية فيشوفنى فهيقف يعدينى فانا كملت عادى لحد ما بقيت جنب المينى باص بتاع الشركة و كنا وصلنا لنقطة تقاطع الكوبرى مع الشارع لقيت بتاع الجمعية معملش اى حاجة وهههههههههههوب فجاة كسر عليا فبيقنا عدد اتنين مينى باص و عربية فى طريق حارتين لقيت الحاج سكت خالصصصصصصص والهدوء ساد المكان روحت انا عملت نفسى مجيفر و روحت كسرت شمال سنة بسيطة و هوب كيك داون وعدلت العربية تانى و سبحان الله عديت ازاى مش عارف بس الحمد الله و دى كانت اول مرة احس احساس نيد فور سبيد 3 اسئلة بقا معلش: 1) مين اللى غلطان (بابا قالى ان احنا الاتنين بهايم انا و بتاع الجمعية) 2) لو كنت انت اللى قاعد جنبى مكان بابا كنت عمات ايييييييييييييية 3)كان اية التصرف المثالى؟؟؟؟ الدروس المستفادة: ابعد عن حيييييييييحة تطبيق قاعدة ان اللى معاك فى الطريق غشيم و ممكن اييييييييييييييى حاجة معلش طولت عليكم بس انا كنت لازم احكى لانى قطعت خلف تقريبا

هههههههههههههههههه ايه ياعم هو انت لسه جديد فى فيصل ولا ايه
انا بقالى تقريا 20 سنه هناك
وطبعا مش محتاجه سؤال ...ده سواق ابن 60 ك...ب
وانا لو كنت معاك كنت سمعته السيفونيه التاسعه بتاعه شارع العشرين

[beso ahmed]

المشاركة الأصلية كتبت بواسطة فادي مكرم حمد الله ع السلامة انا هقول موقف شبة دة شارع حارتين وماشي على 70 ورا تريلا ف الشمال وقررت اخد يمين و اعديه دوست بنزين ومسكت يمين التريلا وهوب لاقيت عربية كارو قدامي مسافة 100 متر وقرار من 2 فرامل وانت حاطط بنزيييين وترجع ورا التريلا يا تكمل بنزين وتاخد غرزة بتاعة الافلام دي ستر ربنا قدرت المسافة وسرعتى وسرعة التريلا والكارو هدف ثابت اخدت الغرزة والحمد لله بس كنت على وشك الموت من الغرزة وايدي فضلت ترتعش من اللي حصل تعلمت اني مالومش الا نفسي ف كل الاحوال التأني ف السواقة وخصوصا ان ف مصر اجري جري الوحوش وهتلاقى مطب يجمعنا كلنا اه نسيت اقولك بعد الغرزة صحابي معايا ف العربية طلعتهم من الدواسات و كان وشهم احمر و صمــــــــتتت

انا برضو ببص على بابا لقيت وشو احمررررررر و تقريبا اغمن عليه فى اللحظة دى
و بعدين بعد بتاع 5 دقايق(فترة الارتباك و ارتعاش اليد) كدة لقيتة بيقولى انت مشوفتتش نفسك ساعتها و الحمد الله ان ساعتها ماكنش معايا حد تانى والا كنت هجيبهم من الدواسات برضو

المشاركة الأصلية كتبت بواسطة TheSantos128 هههههههههههههههههه ايه ياعم هو انت لسه جديد فى فيصل ولا ايه انا بقالى تقريا 20 سنه هناك وطبعا مش محتاجه سؤال ...ده سواق ابن 60 ك...ب وانا لو كنت معاك كنت سمعته السيفونيه التاسعه بتاعه شارع العشرين

انا حياتى كلها فى فيصل 18 سنة عشرة عمر فيصل دة
و شهد شاهد من فيصل اهو و طاعت برئ (بس انا عارف انى غلطت طبعا) بس انا وجهة نظرى انو نسبة الخطأ عندى 30%


و شكرا لردوكم

[beso ahmed]

المشاركة الأصلية كتبت بواسطة Exact سؤال ولا مؤاخذة.... هو احنا ليه اما نتزنق في مواقف زي دي بيكون اختيارنا دواسة البنزين والكيك داون ومحدش بيختار الفرامل ابدا....مع انه كتير بيكون ده الحل الاكتر امنا من الناحية العملية

واللهى انا لما رجعت البيت فكرت فى الموضوع دا بس بردو لو الموقف اتعاد كنت هدوس بنزين بردو لانى لو فرملت كان هيخبط فى العربية من ورا بوش عربيتة
http://wwwimage.cbsnews.com/images/2...ge1166672x.jpg

زى كدة و كانت ممكن تحصل كارثة فى الطريق كلة مش هتبقى مجرد عربية
و بعدين هول الموقف ماكنش فية مساحة للتفكير القرار بيتاخد فى جزء من الثانية

والله اعلم و اتمنى تشرحلى وجهة نظرك فى الفرامل ولو كنت حضرتك اللى فى الموقف دا كنت هتفرمل و لا؟؟؟؟؟

[Emgrand]

من غير زعل انت اللى غلطان لكذا سبب

1-انك لسه متعلم السواقه جديد (على اساس انك مطلع رخصه جديد والله اعلم) وده بيديك احساس بالمثاليه فى السواقه ولكن فى مصر العكس هو الصحيح.

2-بتوع المينى باص والميكروباصات انتظر منهم اوحش سواقه فيكى يا مصر بيكسروا على الواحد ويجى وراك بيبقى عايز يعدى باى طريقه وبيتبع نظريه البوز

3-انا من قبل الكوبرى ورا اولاد رجب وفعلا الطريق ده بيبقى سريع بس تخلى بالك اوى وانت نازل لانى لسه شايف حادثه من كام يوم

4-الوالد تصرفه صحيح لانه لو كان اتكلم كان لخبطك