عيوب الهيونداى i 10

[أشرف الشفقى]

قمت بشراء واستلام سيارتى الجديدة هيونداى أي 10 (أو هيونداى i10) منذ حوالى أسبوع والحمد لله من فرع عمارات العبور. وسررت للغاية من هذه السيارة الجميلة ذات الحجم الصغير. ولكن هناك بعذ المنغصات الطفيفة التى لاحظتها، وأتمنى أن تزنل عند زيارتى للصيانة بعد الألف كم الأولى (أو على الأرجح بعد الشهر الأول حيث أننى لن أكون قد قطعت 1000 كم غالباً).

على سبيل المثال، هناك ضوء أحمر مستدير خلف خطاء الراديو سى دى بعد انتزاع وش الراديو يظل يضيء وينطفئ حتى بعد أن أقوم بإيقاف السيارة وغلقها!

[pro mada]

1000000000000000000000000 0000000000000000 مبروك و ربنا يباركلك فيها
انا لسه جايب فيرنا و عملت 400 كيلو و شويه و العربيه فيها شويه حاجات و مستني صيانه 1000 كيلو

[Ahmed Anwer]

النور الأحمر ده عادي

أنا معرفشي ايه لازمته بس هو موجود عندي و اعتقد انه طبيعي

[hazem_khidr]

دا مش عيب في العربيه ولا حاجه
دا زي ما تقول كده لمبه عامله زي لمبه الانذار
كانت موجوده من زمان في كاسيت رودستار تاتش و سنتريت كنت مركبه في ال 505
و كان ناس بتقول دا ممكن توصل عليها الانذار مكان اللمبه اللي بتيجي مع الريموت و الله اعلم
ما تشغلش بالك بالحاجات البسيطه دي

[أشرف الشفقى]

شكراً موت حازم وأحمد على المعلومات المفيده ده وتطمينكم ليه. كده الواحد استريح وحط فى بطنه بطيخة صيفى. الحمد لله.

الله يبارك فيك يا مادا. بإذن الله تكمل الألف وتعمل الصيانة بسلام.

مشكلة تانية بس جامده
فى مشكله تانيه حصلتلى بعد كام يوم بس من شرا العربية. بس المرادى كات مشكلة جامده فعلاً:

بعد ما ركنت موازى للرصيف قدام البيت وقفلت العربية بصيت لقين إنى مش عاد ل العجل كويس، قمت بدل ما أتعب نفسى وأشغل العربية من تانى، رحق حركت الدركسيون بإيدى والعربية مطفيه (يعنى الباور ستيرنج مش كان بيساعدنى). حسيت إن الدركسيون تقيل حبه، وده عادى طبعاً لإن الباور مش شغال. لكن المشكلة إن الدركسيون راح قفش وأنا بحوده يمين وحلف ميت يمين إنه مش يحود يمين أكتر من كده مع إن العجل كان يدوب بيبص قدامه وعينه فى راصه.

انزعجت حبه، بس قلت لنفسى جايز قفشة الدركسيون ده عادى ومقصوده علشان العربية ما تتسرقش فعاملين الدركسيون يقفش لو اتحرك كتير والعربية مش شغالة. لكن الحوار طلع أكبر من كده ...

تانى يوم وأنا بحاول أشغل العربية، المفتاح أصلاً مش دار ولا تكه واحدة! أهو ساعتها بقه انزعجت بجد ومخى كان عمال يودى ويجيب، قلت لازم حاخدها للصيانة وآدى كذا يوم حتفضل مركونه من غير شغل لحد ما أشوف حعملها إيه. مش كنت راضى أدوس على الممفتاح جامد أوى كنت خايف ينكسر جوه وأنا بحاول أدور العربية. فى الآخر رحت دست حبه زياده وبقدرة قادر دار المفتاح والدركسيون طبعاً فى ساعتها لما سدق قال يا فكيك لما الباور اشتغل وقام جرى فى إيدى زى الحلاوة.

رغم إن المشكلة اتحلت دلوقتى والمفتاح دار (وكذا الدركسيون) لكنى قلقان من الموضوع ده وخايف يحصل تانى ومش عارف ليه المفتاح مش كان راضى يدور خالص (بعد لما الدركسيون قفش) غير لما دورت المفتاح بعنف شديد موت (والحمد لله إنه ما اتكسرش).

على فكره أنا دورت على النت ولاقيت حد بالإنجليزى كاتب إنه كان عنده مشكلة فى الباور ستيرنج وإنه قفش منه وهوه سايق وراح الصيانه غيره! هيه الهيونداى i10 فيها مشكلة فى الناحية ده ولا إيه، ما تخضوناش بقه، دى العربيه لسه جديده. رأيكوا إيه فى الحوار ده.