اكسيبلوجن 2 نعم او لا ولماذا

[د0تامر محمد]

المشاركة الأصلية كتبت بواسطة ashraf tbana ايه يا جدعان هو انا باسال علي صنية بطاطس ولا ايه دي عربية يا اخوانا عربية وعموما الصبر جميل

هى فعلا صينية بطاطس ومسلوقة عن صينية بطاطس بدمعة ماسخة إسمها تيريوس القديم
مضمون فارغ وثبات فى الضياع ومكونات فقيرة وأداء باهت

[بدر بسيونى]

مش معنى ان عربية انتشرتفى السوق المصرى انها حلوة وكمان مش معنى ان عربية مانتشرتش عندنا انها وحشة

لكن الاكسبلوجن كسيارة متواضعة الاداء وخامات متواضعة يعنى عربية مش بتاعة شغل وشقى

والعربية ماانتشرتش لعدة اسباب ضعف الوكيل ده المسلمى مش منصور وكمان مالهاش قطع غيار بره التوكيل خالص والاهم هل لها جوا التوكيل؟

ورائ الخاص وانت بتشترى عربية ماتفكرش فى العربية اللى فى الاجنس فكر فى العربية اللى بيتعملها صيانة وانت تعبان وبتلف على قطع الغيار ومش لاقى فحتضطر توفق واكيد توفيق قطع الغيار مش بيدى احسن اداء طب ليه انا لما احط فلوسى فى عربية اجيب عربية موجودة ومجربة ومنتشرة والا اكون بجيب عربية اتعب بيها نفسى مش اريحها

[ashraf tbana]

ptmnlo123per171

المشاركة الأصلية كتبت بواسطة بدر بسيونى مش معنى ان عربية انتشرتفى السوق المصرى انها حلوة وكمان مش معنى ان عربية مانتشرتش عندنا انها وحشة لكن الاكسبلوجن كسيارة متواضعة الاداء وخامات متواضعة يعنى عربية مش بتاعة شغل وشقى والعربية ماانتشرتش لعدة اسباب ضعف الوكيل ده المسلمى مش منصور وكمان مالهاش قطع غيار بره التوكيل خالص والاهم هل لها جوا التوكيل؟ ورائ الخاص وانت بتشترى عربية ماتفكرش فى العربية اللى فى الاجنس فكر فى العربية اللى بيتعملها صيانة وانت تعبان وبتلف على قطع الغيار ومش لاقى فحتضطر توفق واكيد توفيق قطع الغيار مش بيدى احسن اداء طب ليه انا لما احط فلوسى فى عربية اجيب عربية موجودة ومجربة ومنتشرة والا اكون بجيب عربية اتعب بيها نفسى مش اريحها

شكرا يا باشا علي التوضيح وانا دائما باستفيد من اراك فلك مني الف تحية

[بدر بسيونى]

المشاركة الأصلية كتبت بواسطة ashraf tbana ptmnlo123per171 شكرا يا باشا علي التوضيح وانا دائما باستفيد من اراك فلك مني الف تحية

الشكر ليك ياباشا وربنا يخليك وبالتوفيق وانا تحت امرك

[TELEBK]

الي الأخ الكريم ، أنا معايا إكسبلوجن 2 ، جميع الكماليات ، باور + تكييف تاتش + مرايات كهرباء + 4 زجاج كهرباء + كاسيت سي دي " صوت هايل بإكواليزر " + جنوط إسبور + سبويلر + فوانيس ضباب + ABS , EBD، كل ده ب 65000جنيه ، ممكن حضرتك تجاوبلي علي السؤال ده ، فين العربية إللي تكون بكل الإمكانيات ديه بالسعر ده ، أه هيه صيني ، متعدل فيها 18 تعديل عن الموديل الأول في الشكل الخارجي والميكانيكا ، يمكن هيه ناقصها إعلانات ودعايه شوية ، لكن هيه في الآخر حته حديده ، وكل عربيه ليها عيوبها ومميزاتها ، وعلي فكرة التوكيل بتاعها إللي في جسر السويس مش وحش وأسعاره مش غالية أوي بس علي الأقل هوه أكتر واحد عارفها ويعرف يتعامل معاه ، عموما العربيه في المجمل مش وحشة زي مهو بيتقال عليها ، علي فكرة هيه ثابته علي الطريق جدا ، سواء في السرعات البطيئة أو السريعة أنا جبت بها 145 كم ، وكانت ثابتة جدا ومشغل فيها التكييف ، سحبها كويس جدا ، هيه محتاجة حساسية في التعامل معاها ، ولو فيها أي مشكلة متستناش عليها روح للتوكيل علي طول وصلحها ، وده أعتقد في اي عربية مش الصيني بس ، وعموما كل واحد شايفها من وجهة نظرة ، أنا واجهت فيها مشكلات معظمها أتحلت ، لكن أنا عارف إنها برضه صيني ، وممكن يبقي فيها عيوب بس أنا قبلتها بعيوبها ومميزاتها ، لإن البديل غالي جداً ، وبالمناسبة بمقارنه سريعة مصنعية الصيانة بتاعة ال 10000 كم سعرها 108 جنيه ، وفي الهيونداي الماتركس بتوصل ل 700 جنية ، وده كلام واحد معاه الماتركس ، يعني هيه عربية علي قدنا ، لهيه قويه جدا ولا ضعيفة جدا ، ربنا يوفقك ، وعلي العموم ده الإيمل بتاعي لو فيه مشكلة إبعت لي TELEBK@yahoo.com.
د / خالد