العربية سخنت و غيرت جوان وش السلندر بس في مشكلة ارجو المساعدة..

[samirayad]

انا بس كنت عاوز اوضح لحضرتك ان الصوت مش موجود و العربية واقفة

هل جربت تفتح الكبوت

وتزود أمبيلهات سرعه من بكرة الأكسراتير

وشوفت الصوت موجود ولا لا

ولا كلامك على أن

الصوت غير موجود والمكنه على السلانسيه

وهل الميكانيكى

شيك على جوايط تثبيت الفرن على وش السلندر

ونفس الوضع بالنسبه لجوايط المانيفولد

ليكون فيه جاويط مكسور

وبيعمل رنه ( زى التكتكته )

مع وجود أحمال مسلطه على المكنه

[حسام البورسعيدى]

المشاركة الأصلية كتبت بواسطة samirayad شوف حقولك على فكره ( مش بطاله ) 1- حل البوجيهات بره وش السلندر 2- من خلال كل فتحة بوجيه وبأستخدام مزيته فيها شوية زيت مكنه زى الزيت اللى عندك 3- حط فى كل فتحة بوجيه من 30 إلى 60 جم زيت مكنه بحيث الزيت ينزل على وش البستم 4- ركب البوجيهات بكابلاتها ودور مكنتك 5- حتلاقى شوية دخنه يطلعوا معاك والمكنه بتحرق ( متقلقش من الدخنه ) ده طبيعى لأن شوية الزيت إللى حطيناهم بيتحرقوا جوه الغرف بس نفترض الصوت راح والدخنه شغاله ورجع تانى بعد أنتهاء الدخنه يبقى ده معناه أيه ................؟ للأسف لازم يتكشف على الغرف من الداخل لتحديد حجم التلف سواء فيه شنبر مكسور أو غرفه مسلخه حناخد القرار بعد أجراءك لتلك التجربه البسيطه

دى فكرة ممتازة جدا ...

وانا مع رأى الباشمهندس سمير فى التجربة دى ..

بس الاول حاول تزود سرعة من الكبوت وتتحقق من الصوت كويس ..

وربنا يستر يا باشا ...

[MmFFoR]

التكتكة دي ممكن تكون من عداد السرعه! روح لميكانيكي شاطر و ربنا يوفقك

[aymanay32]

ممكن الصوت دة يكون من عند الفتيس مثلا


انا عندى مشكلة مشابهه الصوت دة بيحصل بالظبط قريب من غطاء زيت الموتور داخل الموتور فى السلانسية بس و العربية واقفة و لما بزود بيروح ممكن يكون ايه لان الميكانيكى قاللى نكشف على عامود ... و التكايات تتظبط و جوان التكيات و هات سيلكون حرارى و حاجات ملخبطة و حاسس انه هيعك فى العربية دى 2009

[dental_mn]

السلام عليكم و رحمة الله و بركاته

يا جماعة انا روحت لوحد ميكانيكي تاني قالي اللي كنت خايف منه

قالي الشميز بتاع البساتم وسع و البساتم بتلق جوه الشميز و ده لازم اربع بساتم جداد و الشميز يروح المخرطة يعني بمعنى تاني كده يعمل عمرة للموتور

و كمان الشمكلة ان ظهرت مشكلة كمان ...... ان بفتح غطاء زيت المحرك لقيت طحينة طحينة طحية

لا و كمان ايه لقيت طحينة في غطاء الرادتير و قربة المياه فيها زيت !!!!!!

ياجماعة حد يقولي

هو كده ايه !! انا كنت غيرت جوان وش السلندر كده ايه الشغل ده على الفاضي ولا ايه !!!

و كمان كده اعمل ايه في موضوع البساتم ده ... اعمل عمرة وزلا بلاش و تنصحوني
اعمل ايه

العربية سويفت 95 انا سمعت ناس بتقول بلاش تغمل عمرة و غيرت الموتور وريح نفسك بس انا كمان خايف من الخطوة دي لان ممكن يكون هو كمان في مشكلة

رايكوا ايه في الموضوع ده ياريت تفيدوني لاني هتجنن

و شكرا لاهتمامكم