في جوان وش السلندر محتاج رأيكم

[nassser]

المشاركة الأصلية كتبت بواسطة nassser والله هو ده اللي قدامي ونفسي اوريك العربية علشان تصدق .. وعلى فكرة مفيش واحد شاف العربية إلا وقاللي العربية دي كويسة .. يبدو تكون عين .. اروح لواحد يرقيها بد الميكانيكي المهم لما اشتريتها كانت غرقانة زيت زي العجين حول الموتور وغسلتها بالجاز وابتدى يظهر شيئا فشيئا والله هو ده اللي شايفه ومش بعرض مشكلة وهمية لك مني كل التقدير

الزيت المتسرب قل ، لما خرجت بيها تاني ومبقاش زي الأول مش دي حاجة تحير

[eng/walaaeldeen]

السلام عليكم
روح لميكانيكي تاني خليه يكشف عليها
والله المستعان

[حسام البورسعيدى]

بص يا ريس ..

سيبك من الميكانيكى ده خالص لان واضح انه اما مش فاهم حاجه او عاوز يفتح عليك فاتوحه علشان يشتغل وخلاص ...

بص انتا لو عاوز تعمل الصح يبقى غسله محترمه للموتور بالجاز وبعدها تبدا تراقب الزيت مصدره ايه بالظبط ... وانا اشك زى ما قال مستر استرا فى اويل سيل الكامه او جوان غطا التاكيهات ..

شبه مستحيل ان جوان وش السلندر يسبب تسريب زيت لخارج الموتور ..

طبعا كل ده بافتراض ان الموتور سليم ومش خفيف ومفيش دخنه بتطلع منه او بياكل زيت او الحرارة بتعلى او الميه بتنقص ..

اللى بقى نفسى افهمه ايه علاقه طقم الشنبر بالكلام ده كله ..

عموما اذا احتاجت العربية جوان وش سلندر متقلقش خالص .. طالما الوش مراحش المخرطه علشان مقفع او غيره يبقى الموتور هيفضل "ستاندرد" وهيرجع احسن من الاول ..

[nassser]

شكرا للجميع