العربية سخنت و غيرت جوان وش السلندر بس في مشكلة ارجو المساعدة..

[driv3r]

طيب انت دلوقتى بتقول بعد موضوع التكتكه ده انك لقيت طحينه وكمان فى الريداتير يبقى الزيت دخل على المايه ووش السلندر بتاعك ضرب تانى ما تشوف ايه اللى خلاه يضرب تانى وهوا اكيد السخونيه وعاوزك تقولى عملت ايه فى موضوع السخونه دا بظبط وروحت لمين لان ممكن تكون المراوح مش بتشتغل عندك يبقى ساعه الريداتير باظت وهيا اللى بتخلى المراوح مش بتشتغل وخلى بالك اوى من الكلام اللى بقولهولك ده لان لو المراوح مش بتشتغل لوجبت موتور جديد على وضع المراوح ده هيحصل فيه نفس الكلام وهتعمر تانى ولو عاوز تشوف موضوع المراروح ده يبقى عند كهربائى كويس وخليه يركبلك ليها كتاوت مع الساعه الجديده اللى الكهربائى هيقولك هاتها ولو قدر الله والساعه الجديده باظت او مشتغلتش خالص لان انا مرت بلمشكله دى وجبت خمس ساعات فا انت هتجيب ساعه استيراد وبتوع الاستيراد مبيرضوش يطلعوها من غير الريداتير يبقى فى حل تانى نهائى انك تقولى عملت ايه فى الموضوع ده ولو موصلتش لنتيجه هديك رقم تليفونى تجيلى فى المنصوره واعملك الليله بتاعت الساعه دى وهظبطلك المراوح لان مشكله الساعه منتشره جدا فى الكرستاله والسويفت والبطه وبسبب الساعه دى هو اللى انت فيه دلوقت واسف على اللك الكتيييييييييييييير

[mada21]

انا كان عندي صوت زي ده وطلع من سير الدينامو
صوت تكتكه بيطلع ع السرعات البطيئه
ع الاول والتاني بس وبعد كده بيروح

[amrmerro]

نفس العيب ده بالظبط كان عندى فى عربيتى وبعد فك الموتور لقيت دراع بيل مكسور ونحر الكرنك لدرجة انه ما ينفعش يتخرط لازم يتغيروعملت عمرة كاملة لأنى جربت الموتور الاستيراد وكان خفيف وعايز شغل